Mateo 23:7 - Libuka Lya Kuyela

⁷ Baku haka ku shangwishiwa na maleema ku myanya ya kulandishila na kutoyiwa ku bantu ngayi, ‘Balongeshi.’

Kulimama Kwakupya

⁷ Bakuhaka kushangwishiwa na maleema ku myanya yakulandishila na kutoyiwa ku bantu ngayi, ‘Balongeshi.’

Mateo 23:7 Iomraidhean Croise

Mateo 11:16

“Ngoboni mukoka ou washilelo nikuwufwanikiza na bishini? Ukufweka ngonehe batwanuke bali ha mbanza na ku shikana na baminabo hibalibilikiza ngayi,

Mateo 23:8

Ngoboni enu bantu hinga bamitoya ngayi, ‘Balongeshi,’ ndaba muli na mulongeshi umo pele kami enu nimwenu munengi wushinda umo.

Mateo 26:25

Niho Yundashi, ou wamubebele ambile ngayi, “Mulongeshi, kati ami ndi?” Yeshu wakumbwile ngayi, “Unamba.”

Mateo 26:49

Wanguwangu oho Yundashi akumine, wayile kuli Yeshu, pe wambile ngayi, “Shangwe, Mulongeshi!” Niho amuzupizile.

Mako 10:51

Yeshu wambile kukwendi ngayi, “Ukushinga nikutendele bishini?” Kashishitwa wakumbwile ngayi, “Hekulu, nikushinga ngayi utoneshe meho wami.”

Mako 11:21

Niho Pita anukile, wambile ngayi, “Hekulu, mona mutondo wa mukuyu uya wakuta unayumu!”

Mako 12:38

Oho alongeshelenga, Yeshu wambile ngayi, “Keyenu na bakakulongesha ndayano. Aba bahaka kwenda hinga bavwala bivwalo byabitali, ba kushangwishiwa mu myanya ya kulandishila,

Mako 14:45

Wanguwangu oho Yundashi akumine, wayile kuli Yeshu, pe wambile ngayi, “Hekulu!” Niho amuzupezele.

Mako 9:5

Niho Pita ambile kuli Yeshu ngayi, “Mulongeshi, shashiwahe ngayi twikale kuno. Pe tutende makunka ahatu, limo linge lyobe, lyamina lya Moshesha na lyamina linge lya Eliya.”

Luka 11:43

“Makando wenu Bafwalishi! Ndaba mu ku haka bipona bya maleema mu mashinangonge na ku shangwishiwa na maleema mu myanya ya kulandishila.

Yowano 1:38

Yeshu oho ashetukile, wamonene ngayi bali na kumukonka, niho abepwile ngayi, “Mukushinga bishini?” Bambile kukwendi ngayi, “Labi, wekalanga kuti?” (Labi, ku tontolola ngayi Mulongeshi.)

Yowano 1:49

Natanele wambile ngayi, “Mulongeshi, uli Mwana Nyambi! Uli Mwene wa Ishalela!”

Yowano 11:8

Bandongesha bendi bambile kukwendi ngayi, “Mulongeshi, munapiti tuhu shikati shashishe oho Bayunda bashinga kukupuha mamanya, haya niko kami unakushinga kuya ndi?”

Yowano 20:16

Yeshu wambile kukwendi ngayi, “Maliya!” Pe Maliya watengulukile, wambile kukwendi mu Shihebelu ngayi, “Laboni!” (Kutontolola ngayi, “Mulongeshi.”)

Yowano 3:2

Wayile kuli Yeshu wushiku, pe wakambile ngayi, “Labi, tukulimuka ngayi uli mulongeshi wakufuma kuli Nyambi, ndaba kowa muntu ukutwesha kutenda bilimukisho ebye ukutenda ndele Nyambi ekale nendi hamo.”

Yowano 3:26

Bezile kuli Yowano, pe bambile kukwendi ngayi, “Mulongeshi, uya muntu wekalile nendi mu nciza ya Yondana, ou obe wapakile, uli na kuzubilisha, kami bantu nimwabo bali na kuya kukwendi!”

Yowano 4:31

Shikati shiyo bandongesha bendi banyepele ngayi, “Mulongeshi, lya taha.”

Yowano 6:25

Oho bamuwanine mu nciza ya liziba, bepwile Yeshu ngayi, “Mulongeshi, wakuma mwakangani kuno?”

Yowano 9:2

Bandongesha bendi bamwipwile ngayi, “Mulongeshi, kati yani watendele wubi? Ou muntu ndi bahemi bendi ngayi ahemuwe hinga enga kashishitwa?”