Mateo 21:5 - Libuka Lya Kuyela

⁵ “Tongwezenu mwana Ziyoni wa mbuyama ngayi, Mona! Mwene yobe ukwiza kukwobe! Na kubomba hinga akandama ha mbongolo, ha kana ka mbongolo.”

Kulimama Kwakupya

⁵ “Tongwezenu mwana Ziyone wa mbuyama ngayi, Mona! Mwene yobe ukwiza kukwobe! Na kubomba hinga akandama ha mbongolo, ha kana ka mbongolo.”

Mateo 21:5 Iomraidhean Croise

Shitatiko 49:10

Yunda ukakwata muwana, na bazukulyendi bakenga bakakubela shikati nimwasho. Mikoka yika mu tupwila ntupu, kami bakashungumana kukwendi mu kumwombatala.

2 Shamwele 16:2

Mwene Ndavita wamwipwile ngayi, “Ebye unalete ukubitendesha bishini?” Ziba wamukumbwile ngayi, “Bambongolo bakandameho ba lupashi ba nobe hekulu, pe mankende na mukabo binengi byakulya bya bantu, pe waine banwe aba ba kukwanga hakwenda mu libelelengwa.”

1 Bamyene 1:33

pe mwene wambile kukwabo ngayi, “Yenunga na babilolo bamu shinzanza shami. Muye na mwanami Sholomoni, mukandamishenu ha limbema wami, pe mu mushindikize kukamukumisha ku kaheloke kaku Ngihoni.

1 Bamyene 10:26

Mwene Sholomoni wakungwile makoloyi 1,400, kami wekalile na bambishi 12,000. Bamo wabatentekelenga mu Yelushalema, pe wingi wabo wabayakile mu minzi na minzi yamina.

Nyimbo 9:14

ngayi mwanga nikatweshe kwimana kumbili ya bantu ba mu Ziyoni, naku batongweza byuma nimwabyo biya niku kuyemezela. Nikatangala ndaba unandamwini.

Ishaya 12:6

Wulumwinenu na tunkelenkele, yimbilenu nyimbo za ku wahilila enu bantu ba Ziyoni, ndaba ou wa Kuyela wa Ishalela, wamunene ou wekala mukatikenu.”

Ishaya 40:9

Kankalala ha lipili lyalitali, obe washimikilanga ncango zaziwahe mu Ziyoni. Bilikiza shikuma na lizu lyalinene, obe mukakushimikila ncango zaziwahe ku Yelushalema. Bilikiza shikuma, hinga utina, tongweza minzi ya Yunda ngayi, “Nyambi yenu uli na kwiza.”

Ishaya 62:11

Nyambi ya Ngula nabiliki hano hanci nimwaho ngayi, tongweza bana babambuyama ba Ziyoni ngayi, “Monenu mupulwishi wenu uli na kwiza. Monenu ncuungu yili mu liboko lyendi, kami ninobyo akahingishila bantu ukeza nabyo.”

Ezekiyele 34:24

Ami Nyambi ya Ngula nikenga Nyambi yabo pe mukamulimo wami wakufweka ngo Ndavita niye ukenga mwene hakati kabo. Nibyo ninamba Ami Nyambi ya Ngula.”

Ezekiyele 37:24

“Mukamulimo wami Ndavita niye ukenga mwene yabo, nimwabo bakekala na mulishani umo. Bakayoya na mazu wami pe bakwombatala ndayano zami.

Hoshiya 1:7

Ngoboni nikayuvwila nceshe litala lya Yunda, pe Nyambi ya Ngula, Nyambi yabo ukabalamwina. Kami nifwako kuka balamwina na shipando sha mukunzi hinge na mukwale hinge na nzita hinge na bambishi hinge na bakakukandama ha bambishi.”

Mika 5:2

Obe Mbetelehema Efulata, hinge ndi uli wamushe mukati ka mavumo a Yunda. Mumwobe kukafuma umo ou ukenga kalela ha Ishalela. Ou watatikile kwikalako ku matena akunyima shikuma.

Kulaba 24:19

Mukoka wa Yakobo ukabalyatangilila hanci na kulobesha baya bakashala mu munzi.”

Mateo 11:29

Shimbenu mpongoho yami, kami lilongeshenu byami, ndaba ngayi nili mukakulilimbwilisha na mutima wakubomba, pe mukawana kukatala mu myoyo yenu.

Mateo 2:2

pe bepwile ngayi, “Ulikuti ou mbututu unahemuwu mwene wa Bayunda? Tunamono lunyenye lwendi ku mushamuko, pe tunezi mu kumulemesha.”

Mateo 2:6

‘Obe Mbetelehema, wa mu litunga lya Yunda, kaliha uli wamushe ku minzi yayinene ya Yunda, ndaba kukwobe kukafuma kalela, ou ukenga mulishani wa bantu bami Baishalela.’ ”

Mateo 21:6

Niho bandongesha bendi bayile, bakatendele nehi abafundizizile.

Luka 24:27

Pe Yeshu wabatontwelele byuma nimwabyo byatikitiwile ndaba yendi, kutatika kuli Moshesha kukuma na ku bamiluwe nimwabo.

Yowano 1:49

Natanele wambile ngayi, “Mulongeshi, uli Mwana Nyambi! Uli Mwene wa Ishalela!”

2 Kolinte 10:1

Amibene Paulu nikumilomba na kulilimbwilisha na kubomba kwa Kilishitu, amibene ou bantu bamina ba kutoya ngayi nekalanga na lisheni ndi nili hamo nenu, ngoboni oho nili kwashenge, nenganga wakukanca kukwenu.

Ndayano 17:16

Ou mwene hinga ekala na bambishi babengi kwinga ba bakanzita yendi, kami hinga atumanga bantu ku Engepita mu kulanda bambishi, ndaba Nyambi ya Ngula unamba ngayi bantu bendi hinga kami bakabokela kuyo.’

Bakakuyata 12:14

Wekalile na bana babalume makumi anaa na bazukulu makumi ahatu, aba bakandaminenga ha bambongolo makumi mutanu na babili. Ambindoni watwaminine Ishalela ha myaka mutanu na yihatu,

Bakakuyata 5:10

Shimikilenusho, enu mwakandamanga ha bambongolo ba kutuba, enu mwekala ha zinyangwa, nanenu mukwenda hanci oku mu kuya nimwako.