Mateo 2:6 - Libuka Lya Kuyela

⁶ ‘Obe Mbetelehema, wa mu litunga lya Yunda, kaliha uli wamushe ku minzi yayinene ya Yunda, ndaba kukwobe kukafuma kalela, ou ukenga mulishani wa bantu bami Baishalela.’ ”

Kulimama Kwakupya

⁶ ‘Ngoboni obe Mbetelehema, wa mu litunga lya Yunda, kaliha uli wamushe ku minzi yayinene ya Yunda, ndaba kukwobe kukafuma kalela, ou ukenga mulishani wa bantu bami Baishalela.’ ”

Mateo 2:6 Iomraidhean Croise

Shitatiko 49:10

Yunda ukakwata muwana, na bazukulyendi bakenga bakakubela shikati nimwasho. Mikoka yika mu tupwila ntupu, kami bakashungumana kukwendi mu kumwombatala.

2 Shamwele 5:2

Ku mwaka hinge oho Shaulu engilenga mwene yetu, watwamininenga bantu ba Ishalela ku nzita, Nyambi ya Ngula wakulupishile ngayi ukatwaminina bantu kwinga kalela wabo.”

1 Byambo 2:51

Mwana Hula wawubili Shalima wengile tata Mbetelehema. Mwana Hula wawuhatu Halefwa wengile tata Mbeti Nganda.

1 Byambo 5:2

Hinge noho mushobo wa Yunda wengile wakushuma shikuma, kuya kwatweshele kufuma ntwamina wa mishobo nimwayo ya Yoshefwa.

Ezila 2:21

Bantu aba bekalile na bankakazabo aba bazikilenga mu minzi eye yinatikitiwi ku nceto. Ku Mbetelehema kwabokele bantu 123,

Ishaya 40:11

Ukafulankana litanga lyendi, ngonehe mulishani. Ukakungwila bana babambelele mu maboko endi, na kubashimba na kubayaka ha kapumpo kendi, na kwendesha shiwahe baya bali na bana.

Mika 5:2

Obe Mbetelehema Efulata, hinge ndi uli wamushe mukati ka mavumo a Yunda. Mumwobe kukafuma umo ou ukenga kalela ha Ishalela. Ou watatikile kwikalako ku matena akunyima shikuma.

Kulaba 24:19

Mukoka wa Yakobo ukabalyatangilila hanci na kulobesha baya bakashala mu munzi.”

Mateo 2:1

Oho Yeshu ahemuwilile mu munzi wa Mbetelehema mu Yundeya, ha matena a Helonda ou wengile mwene, ku mushamuko kwafumine balume bangana baya bezile ku Yelushalema,

Mateo 28:18

Niho Yeshu ezile hahepi nabo wambile ngayi, “Ngovu nimwazo za muyilu na hanci zinapanikiwi kukwami.

Yowano 21:16

Yeshu wambile kukwendi kami ka wubili ngayi, “Shimoni mwana Yowano, unahaka ndi?” Pita wakumbwile ngayi, “Ingoi Mwene, ukulimuka ngayi na ku haka.” Yeshu wambile kukwendi ngayi, “Lama bambelele bami.”

Yowano 7:42

Byatikitiwile bikwamba ngayi Kilishitu ukafuma ku liziko lya Ndavita, ku lukena lwa Mbetelehema oku ekalilenga Ndavita.”

Efweshe 1:22

Nyambi unayaka byuma nimwabyo ku nceto ya mawulu a Yeshu, kami namupana kwinga mutwe wa litengo.

Koloshe 1:18

Niye nengi mutwe wa lutu, nilyo litengo. Niye wakutatika na mweli ku bafu, ngayi mu byuma nimwabyo niye enge wakumbili.

Bahebelu 7:14

Tukulimuka ngayi Mwene wetu wahemuwile ku lupashi lwa Bayunda, ku mushobo ou Moshesha kaliha wambile shuma shimo sha bakankombela kufuma ku nou mushobo.

Kuholoka 11:15

Niho lingeloyi lya mutanu na abili lyashibile mpandula yalyo, pe kwekalile mazu abilikizilenga muyilu ngayi, “Wene wa kaye unafutuku kwinga wene wa Mwene wetu na wa uya Kilishitu wendi. Kami niye ukalela mwaya myaka!”

Kuholoka 2:27

pe ukalela matunga na muwana wa shondo, ukawapabula ngonehe nyungu ya lima, ngonehe ami ninatambulu ngovu kuli Tate.

Kuholoka 7:17

ndaba Mwana Mbelele ou uli hakati ka litanda ukenga mulishani wabo, pe ukabatwaminina ku tuheloke twa mema akupana wumi, pe Nyambi ukaba kunkumuna mihozi nimwayo mu meho abo.”