Mateo 2:2 - Libuka Lya Kuyela

² pe bepwile ngayi, “Ulikuti ou mbututu unahemuwu mwene wa Bayunda? Tunamono lunyenye lwendi ku mushamuko, pe tunezi mu kumulemesha.”

Kulimama Kwakupya

² pe bepwile ngayi, “Ulikuti ou mbututu unahemuwu mwene wa Bayunda? Tunamono lunyenye lwendi ku mushamuko, pe tunezi mukumulemesha.”

Mateo 2:2 Iomraidhean Croise

Nyimbo 2:6

Niye ukwamba ngayi, “Nashwanishi mwene yami ha Ziyoni, lipili lyami lya kuyela.”

Nyimbo 45:11

Mwene ukaku haka ndaba ya wuwahe wobe, niye nengi hekulyobe, nohobene uku fwanina kumwombatala.

Ishaya 60:3

Na matunga akeza ku mwaana wobe, na bamyene kami bakeza na ku mona mincalala yobe.

Yelemiya 23:5

Nyambi ya Ngula ulinakwamba ngayi, “Matena akeza, oho nikahata mwene wakulunga ku bazukulya Ndavita. Uya mwene ukalela na ngana, ukatenda byabiwahe na bya kupwisha mu litunga.

Yelemiya 30:9

Ngoboni bakatendela milimo Nyambi ya Ngula, Nyambi yabo na muzukulya Ndavita ou nikabapanika kwinga mwene wabo.”

Zakaliya 9:9

Obe mwana wa mbuyama wa Ziyoni, wahilila shikuma! Obe mwana wa mbuyama wa Yelushalema, wulumwina tunkelenkele! Mona mwene yobe ulinakwiza kukwobe, wakwoloka, uli na kupulwisha, wakubomba hinga akandama ha mbongolo, mbongolo wamushe, mwana mbongolo.

Kulaba 24:17

Pe niku mona ebye bikwiza kumbili, niku mona mwene ukeza, ngoboni kaliha uli kwakutali, Niye ukulifweka na lunyenye lwa kubyazima, ukapinduka kuli Yakobo, munyingo ukemikiwa mu Ishalela. Ukakoma bakakutwaminina Bamowambi na kukoma bantu nimwabo ba ku Sheta.

Mateo 2:3

Oho Mwene Helonda ayuvwile ebye, waliyakatile shikuma hamo na bantu nimwabo ba mu Yelushalema.

Mateo 21:5

“Tongwezenu mwana Ziyoni wa mbuyama ngayi, Mona! Mwene yobe ukwiza kukwobe! Na kubomba hinga akandama ha mbongolo, ha kana ka mbongolo.”

Mateo 27:11

Yeshu wemanine kumbili ya Kalela, pe Kalela wamwipwile ngayi, “Kati obe Mwene wa Bayunda ndi?” Yeshu wakumbwile ngayi, “Ingoi, ngonehe unamba.”

Luka 19:38

bambile ngayi, “Uli na mfuywezi hekulu ou ukwiza mu lizina lya Mwene! Ku mwena muyilu, wuwahe kuli Nyambi!”

Luka 2:11

Lelo mu Lukena lwa Ndavita munahemuwu Mulamwini wenu, niye Kilishitu Mwene.

Luka 23:3

Pilato wamwipwile ngayi, “Kati obe Mwene wa Bayunda ndi?” Yeshu wakumbwile ngayi, “Ee, ngonehe eshe unamba.”

Luka 23:38

Kwekalile mazu atikitiwile hayilu yendi mu Shingiliki na Shiloma na Shihebelu ngayi, “NIYE MWENE WA BAYUNDA.”

Yowano 1:49

Natanele wambile ngayi, “Mulongeshi, uli Mwana Nyambi! Uli Mwene wa Ishalela!”

Yowano 12:13

Bashimbile myahi ya mitondo ya minkomona, pe bayile na kumushimbawila, hibabilikiza ngayi, “Hoshana! Uli na mfuywezi ou ukwiza mu lizina lya Mwene! Kuyemeziwe Mwene wa Ishalela!”

Yowano 18:37

Niho Pilato ambile kukwendi ngayi, “Kati uli mwene ndi?” Yeshu wakumbwile ngayi, “Obe unamba shiwahe ngayi nili mwene. Ebye nibyo nahemuwilile, kami ebye nibyo nezilile mu kaye, ngayi nipane wupaki wa kupwisha. Mukakupwisha ukuyuvwa lizu lyami.”

Yowano 19:19

Pilato watikitile mazu a shilimukisho, pe wawayakile ha shishempakano, alabiwile ngayi, “YESHU WAKU NAZALETA, MWENE WA BAYUNDA.”

Yowano 20:28

Tomashi wamukumbwile ngayi, “Mwene yami na Nyambi yami!”

Yowano 5:23

ngayi bantu nimwabo mwanga balemeeke Mwana nehi ba kulemeeka Tate. Ou ukubula kulemeeka Mwana, kulemeeka Tatiyendi ou wamutumine wufwako.

Yowano 9:38

Uya muntu wafunkamine, pe wambile ngayi, “Mwene, ninakulupili!”

Bahebelu 1:6

Ngoboni Nyambi oho atumine Mwanendi wa mweli mu kaye wambile ngayi, “Mangeloyi nimwawo aku fwanina kumulemesha.”

Kuholoka 22:16

“Ami Yeshu ninatumu lingeloyi lyami mu kupaka kukwobe ebye byuma mu matengo. Ami mupishi wa mbuto ya Ndavita, ami litota lunyenye lwa kubyazima.”