Mateo 2:13 - Libuka Lya Kuyela

¹³ Balume bangana oho bayile, lingeloyi lya Mwene lyalimonekeshele kuli Yoshefwa mu mulo ngayi, “Pinduka ushimbe mwana na mandiyendi, pe tininenu ku Engepita. Mukekaleko kuyo hantu nakamitongweze, ndaba Helonda ukushinga mwana ngayi amuzihe.”

Kulimama Kwakupya

¹³ Balume bangana oho bayile, lingeloyi lya Mwene lyalimonekeshele kuli Yoshefwa mu mulo ngayi, “Pinduka ushimbe mwana na mandiyendi, pe tininenu ku Engipita. Mukekaleko kuyo hantu nakamitongweze, ndaba Helonda ukushinga mwana ngayi amuzihe.”

Mateo 2:13 Iomraidhean Croise

1 Bamyene 11:17

ndele tuhu Handandi na bakamilimo bamo batatiyendi ba Baendoma, aba bashililile ku Engepita. Ha shikati shiyo Handandi oho ushili tuhu kanuke.

1 Bamyene 3:5

Wushiku wamina mu Ngimbiyoni Nyambi ya Ngula waliholwele kuli Sholomoni mu mulo na kumwipula ngayi, “Bishini ukushinga kukwami ngayi nikupanikesho?”

Yobo 33:15

Nyambi wambilanga mu milo na mubimono, ku shikati sha wushiku, oho bantu banalala.

Yobo 33:17

Nyambi watendanga ebye ngayi bantu balehe kutenda byabibi, na ku bakanisha kuliyemeza.

Kututika 1:22

Niho Fwalo atongwezele bantu bendi nimwabo ngayi, “Nimwendi mwana wa mulume ou ukuhemuwa ku Bahebelu mukatulenu, mukamuyumbile mu mushinzi wa Nayilo, ngoboni bana nimwabo ba bambuyama muka balehe ngayi bayoye.”

Mateo 1:20

Ngoboni oho ekalile na bihanganiko bya noho, lingeloyi lya Mwene lyalimonekeshele kukwendi mu mulo, pe wambile ngayi, “Obe Yoshefwa mwana Ndavita, hinga utina kuyeka mukazobe Maliya. Ndaba eshe shinamwimitishi sha kufuma ku Moyo wa Kuyela.

Mateo 10:23

Oho bakamiyandisha ku munzi umo, tininenu ku munzi wamina, mwa shikuma nikwamba kukwenu ngayi, Mwana Muntu ukeza oho shilolo mumanishe kupita mu minzi nimwayo ya Ishalela.

Mateo 2:12

Niho Nyambi abashiwulwile mu mulo ngayi hinga baboka kuli Helonda, pe babokele ku litunga lyabo na nzila yashenge.

Mateo 2:14

Yoshefwa wapindukile washimbile mwana na mandiyendi wushiku wuyo, pe bayile ku Engepita.

Mateo 2:16

Oho Helonda amonene ngayi baya balume bangana banamukweshuku, wapilamine shikuma, pe watumine bantu kuya nakuziha batwanuke babalume nimwabo ba mu Mbetelehema na ba mu minzi ya zingulukako kuyo, baya bekalile na myaka yibili na bamu nceto yabo, kwezekesha na shikati osho ayuvwile ku balume bangana oho lunyenye lwamonekele.

Mateo 2:22

Ngoboni oho Yoshefwa ayuvwile ngayi Akelashi unashwana tatiyendi Helonda kwinga mwene wa mu Yundeya, watinine kuyako. Oho Nyambi amushiwulwile mu mulo, wayile ku litunga lya Ngalileya,

Milimo 10:22

Bambile ngayi, “Koniliyashi mukulwane wa banzita niya unatutumu. Wenga muntu wakwoloka, kami mukakuyuvwila Nyambi bowa, wampupo yayiwahe mu litunga lya Bayunda nimwamo. Lingeloyi lya kuyela lyamutongweza ngayi akwihane, uye ku litala lyendi, ngayi ayuvwe ebye ukamba.”

Milimo 10:7

Oho uya lingeloyi ambile nendi ayile, Koniliyashi wehanine bakamilimo bendi babili mu litala na umo wa banzita ou wengile mukakushinga bya Wunyambi ku baya batendelenga milimo yendi shikati nimwasho.

Milimo 12:11

Niho Pita alimukile ebye byatendiwile kukwendi, pe wambile ngayi, “Haya nalimukakale ngayi mwa shikuma Mwene unatumu lingeloyi lyendi, unandamwini kuli Helonda na ku biya byabibi nimwabyo Bayunda bashingi kutenda.”

Milimo 12:7

Hohobene kwezile lingeloyi lya Mwene, kami lumuni lwamunikile mu tolongo. Lingeloyi lyanyantizile Pita ha lupati, lyamutoneshele, lyambile ngayi, “Pinduka wanguwangu!” Hohobene mawenge awile ku maboko wendi.

Milimo 16:36

Mukakulama tuyili watongwezele Paulu ngayi, “Bakakuyata banamba ngayi obe na Shilashi nimishobolole. Haya mu kutwesha kuya. Yenunga na ku mwena.”

Milimo 5:19

Ngoboni wushiku lingeloyi lya Mwene lyashinkwilile bipana bya tolongo na ku bafumishamo. Lyambile ngayi,

Milimo 7:19

Ou Mwene wongezele bantu betu, kami wayandishile batatizetu, wabakandamikile ngayi batutwishe bambututu babo ha munkanda wa matala ngayi bafwe.

Yoshuwa 3:13

Oho bakankombela aba bashimbanga Likwati lya Kulimama kwa Nyambi ya Ngula, ou Mwene wa hanci nimwaho, oho bakalyata mawulu wabo mu mema, Yondana ukalehasho kukunkula pe mema akaliketula, akemana likingiwe.”

Yoshuwa 3:17

Aha bantu baishalela bendele na kuzabuka hanci ha kuyuma, bakankombela baya bashimbilenga Likwati lya Kulimama kwa Nyambi ya Ngula bemanine ha limvu lya kuyuma mukati ka mushinzi wa Yondana hantu bantu nimwabo bazabukile mu nciza.

Yoshuwa 4:10

Ndaba bakankombela aba bashimbilenga Likwati lya Kulimama bemaninenga mukati ka Yondana hantu noho bamanishile kutenda byuma nimwabyo biya Nyambi ya Ngula atongwezele Yoshuwa ngayi bantu babitende. Eshe nisho Moshesha atongwezele Yoshuwa. Niho bantu banyankupile na kuzabuka mushinzi.

Yoshuwa 4:18

Oho bakankombela baya bashimbilenga Likwati lya Kulimama bazabukile na kulyata ha lukandwa, mema a mushinzi atatikile kukunkula na kuyita kami bibumbo byawo.

Kuholoka 12:14

Pe mbuyama bamupanikile mbando zibili za ngonga wamunene, ngayi afume ku liyoka atukile mu libelelengwa, ku mbalila yendi bamuwahishilile kuya akalamiwa myaka yihatu na shitika sha mwaka.

Kuholoka 12:4

Mushila wendi wakokele shitapilo sha wuhatu sha nyenye za muyilu, pe waziyumbilile hanci. Niho Ndilangona emanine ku meho a mbuyama ou washingilenga kubeleka ngayi mwanendi ahemuwa tuhu, mwanga amulye.

Kuholoka 12:6

Pe uya mbuyama watininine mu libelelengwa, ku mwanya uya amuwahishilile Nyambi, kuya akaleliwa mu matena likulukazi limo na myanda yibili na matena makumi mutanu na limo.