Mateo 19:9 - Libuka Lya Kuyela

⁹ Nami nikwamba kukwenu ngayi, muntu nimwendi ukaziha maluwo ukutanda mukazendi ndaba ya mulandu wamina, kwakubula wa wumambe, ndi ukuyeka wamina, pe ukutenda wunjenge.”

Kulimama Kwakupya

⁹ Nami nikwamba kukwenu ngayi, muntu nimwendi ukaziha maluwo ukutanda mukazendi ndaba ya mulandu wamina, kwakubula wa wunjenge, ndi ukuyeka wamina, pe ukutenda wunjenge.”

Mateo 19:9 Iomraidhean Croise

Shitatiko 20:3

Nyambi waliholwele kuli Ambimeleki mu mulo wushiku uyo, pe wambile ngayi, “Ukushinga kufwa, ndaba Shala nengi mukaza muntu.”

2 Byambo 21:11

Wazikile kami myanya yaha binkanda ya ku lemeshela banyambi bowa mu matunga a mapili a Yunda na ku twaminina bantu ba litunga lya Yunda na Yelushalema kubipishila Nyambi ya Ngula.

Yelemiya 3:1

Nyambi ya Ngula ukwamba ngayi, “Ndi mulume ukulubula mukazendi, pe uya mbuyama ha kuya na kuyekiwa ku mulume wamina, kati ukutwesha kumubwesha kami ndi? Byo, ndaba litunga likenzala na biheka byabibi? Ngoboni obe Ishalela unakwata banjenge babengi haya niho kami uli na kushinga kuboka kukwami ndi?

Yelemiya 3:8

Napanine Ishalela wakubula kukulupila, liñwati lya kumulubwisha, pe niho namutandile ndaba ya ku haka wunjenge. Pe kawushinda wendi Yunda kaliha wekalile na bowa, ngoboni naniye kami watendele wunjenge.

Ezekiyele 16:15

“ ‘Ngoboni obe wakulupilile mu wuwahe wobe kami waliyavwishile mpupo yobe kutenda wunjenge na muntu nimwendi ukwiza kukwobe.

Ezekiyele 16:29

Obe kami wengile lwiholwiho ku baka Mbambiloni, uya mukoka wabakamikwebo, ngoboni babulile kumanisha nyumwa.”

Ezekiyele 16:8

“ ‘Oho napitilenga kami namonene ngayi shikati shobe shakumakale sha kulihaka. Ami nafwikile muhelengwa wobe na lyambangubo lyami na kukulupisha ku kuhaka. Ee nalimamine maluwo na nobe, pe obe wengile wami.’ Eshe nisho anamba Nyambi ya Ngula.

Mateo 19:10

Bandongesha bambile kukwendi ngayi, “Ndi shilinoho ku mulume na mukazendi, pe kaliha shashiwahe kuyeka.”

Mateo 19:8

Yeshu wabatongwezele ngayi, “Moshesha wetabilile kuziha maluwo ndaba ya wukalu wa mitima yenu, ngoboni kufuma ku kutatika kaliha kwekalile noho.

Mateo 5:32

Ngoboni haya ami nikumitongweza ngayi mulume wakulubula mukazendi ndele ndaba ya kutenda wunjenge, ukamwinga mukakutenda wunjenge ndi ukayekiwa. Kami nimwendi ou ukamuyeka, ukatenda nendi wumambe.

Luka 16:18

“Mulume nimwendi ukuziha maluwo, pe ha kuyeka wamina, ukutenda wumambe, kami mulume ukuyeka mukazi uya nakaniwi ku mukokwendi, ukutenda wunjenge.

1 Kolinte 5:1

Wuluno kunayuvwaniki ngayi kuli wunjenge mukati kenu ou ukubula kutwesha kuwaniwa hinge mukati ka Bakamatunga. Nayuvwu ngayi muntu unakulangana na mandiyendi wakumuwanamo!

1 Kolinte 7:39

Mukazi unamangiwi na ndayano ndi mukokwendi ushili kuyoya, ngoboni ndi mukokwendi unafu, pe nengi wakushoboloka, ukutwesha kuyekiwa ku mulume uya akushinga, ngoboni nafwanini kwinga mulume mukakukulupila muli Mwene.

1 Kolinte 7:4

Mukazi ngovu wufwazo ku lutu lwendi niye mwine, ngoboni mukokwendi niye uli na ngovu. Na mulume kami ngovu wufwazo ku lutu lwendi niye mwine ngoboni mukazendi niye uli na ngovu.