Mateo 14:3 - Libuka Lya Kuyela

³ Ndaba Helonda wakwatile Yowano, wamumangile na kumuyaka mu tolongo ndaba ya Helondiyashi mukaza Fwilipu, mukonzo wendi.

Kulimama Kwakupya

³ Ndaba Helonda wakwatile Yowano, wamumangile na kumuyaka mu tolongo ndaba ya Helondiyashi* mukaza Fwilipu, mukonzowendi.

Mateo 14:3 Iomraidhean Croise

Mateo 11:2

Yowano oho ekalile mu tolongo wayuvwile bya Kilishitu, watumine bamo bandongesha bendi,

Mateo 14:6

Ha mutena wa kwanuka kuhemuwa kwa Helonda, mwana Helondiyashi washindile kumbili yabo. Helonda wawahililile shikuma.

Mateo 4:12

Yeshu oho ayuvwile ngayi Yowano ba na muyaka mu tolongo, wayile ku Ngalileya.

Mako 6:14

Mwene Helonda Antipashi kalela wa mu Ngalileya wayuvwile ebye, ndaba lizina lya Yeshu lyatumbalalile. Pe bamo bambile ngayi, “Yowano Mukakuzubilisha unashanguku ku bafu, nisho shikuletesha ngayi ngovu eze zitende bikomokesho mumwendi.”

Mako 6:17

Ndaba kunyima Helonda watumine bantu mukukwata Yowano, bamumangile na kumuyaka mu tolongo. Watendele eshe ndaba niye Helonda wayekele Helondiyashi, mukaza mukonzo wendi Fwilipu.

Mako 6:19

Ndaba ya shuma eshe, Helondiyashi wazimbile Yowano shikuma, kami washingile kumuziha, ngoboni kaliha watweshele ndaba ya Helonda.

Mako 6:22

Oho mwana Helondiyashi wa mushimbi enginine, washindile na kuwahililisha Helonda nanobo ekalile nabo, pe mwene wambile ku mushimbi ngayi, “Lomba kukwami eshe nimwasho ukushinga, pe nika kupanikasho.”

Mako 8:15

Yeshu wabambilile ngayi, “Keyenu, bengukenu ku mumena wa Bafwalishi na wa Helonda.”

Luka 13:1

Ha shikati shiyo bantu bekalile kuyo batongwezele Yeshu bya Bangalileya baya azihile Pilato oho batupwilenga zinkombela zabo kuli Nyambi.

Luka 13:31

Ha shikati shiyo bene kwezile Bafwalishi bamo bezile kuli Yeshu bambile ngayi, “Fuma kuno uye kwashenge, ndaba Helonda ukushinga kukuziha.”

Luka 23:11

Helonda na banzita bendi bamukendwile na kumukumangiza. Bamuvwalikile likwiza lya kulelema, niho bamubweshele kuli Pilato.

Luka 23:7

Oho alimukile ngayi Yeshu wafumine ku litunga lya Mwene Helonda, pe wamutumine kuli Helonda, ou wekalile ku Yelushalema ha shikati osho.

Luka 3:1

Mu mwaka wawulikumi na mutanu wakulela kwa Nkeshali Timbeliyashi, oho Pontiyashi Pilato engile kalela wa Yundeya na Helonda wengile kalela wa Ngalileya mukonzo wendi Fwilipu wengile kalela wa litunga lya Yituleya na litunga lya Tilakonitishi. Lishaniyashi wengile kalela wa Abilene

Luka 8:3

na Njowana mukaza Ncuza shamanga sha Helonda na Shushana na babengi bamina bamuyavwile na wuheti wabo.

Milimo 12:1

Ha shikati shiyo Mwene Helonda watatikile kuyandisha bamo bengile bakalitengo.

Milimo 4:27

Ndaba mwa shikuma Helonda na Pontiyashi Pilato bakungulukile hamo na Bakamatunga na bantu ba Ishalela mu lukena luno, balwishile Mukamulimo wobe wa kuyela Yeshu ou obe wamwingile Kilishitu.