Mateo 13:11 - Libuka Lya Kuyela

¹¹ Yeshu waba kumbwile ngayi, “Ndaba ngayi kukwenu kunapanikiwi kulimuka ncimpi za Wene wa muyilu, ngoboni nibo kupanikiwa bafwako.

Kulimama Kwakupya

¹¹ Yeshu wabakumbwile ngayi, “Ndaba ngayi kukwenu kunapanikiwi kulimuka ncimpi za Wene wa muyilu, ngoboni nibo kupanikiwa bafwako.

Mateo 13:11 Iomraidhean Croise

Nyimbo 25:14

Wuhoni wa Nyambi ya Ngula unengi wa nobo ba kumutina, kami ukashumisha kulimama kwendi nabo.

Ishaya 29:10

Nyambi ya Ngula unalete moyo wakuya mutulo twa ngonzi. Enu bamiluwe, Nyambi unamifwiki meho, unamifwiki ku mitwe enu babimonamona.

Ishaya 29:11

Kutontoloka kwa shimono eshi nimwasho sha bamiluwe, enu kuka limukabyo mufwako, bikafweka ngo libuka lya kubula kutwesha kutontololiwa. Oho mu kutwala liya libuka ku muntu ukulimuka kulaba, ngayi mwanga amilabile ebye bilimo, niye ukukumbula ngayi, “Kutwesha nifwako, ndaba libuka linashinkiwi.”

Ishaya 35:8

Kukekala likululu kami kuyo pe yikatumbiwa ngayi nzila ya kuyela, wa mazilo kukatwesha kupitamo wufwako, babihulahuli bafwako kukashanwisha baya bakwendamo.

Mateo 13:10

Niho bandongesha bezile kuli Yeshu, pe bamwipwile ngayi, “Kati shumangani wambanga na bantu mu zinguli?”

Mateo 16:17

Yeshu wakumbwile ngayi, “Obe Shimoni, mwana Yona uli na mfuywezi, ndaba ebye unatontololo kufuma ku muntu bifwako ngoboni kuli Tate uli muyilu.

Mateo 19:11

Yeshu wakumbwile ngayi, “Kaliha ngayi bantu nimwabo ba kutwesha kutenda noho, ndele baya bekala na shitapilo shanahiyo.

Mateo 20:23

Yeshu wambile kukwabo ngayi, “Mwa shikuma mukanwina mu shinwino shami, ngoboni kwikala ku liboko lyami lya shilyo, hinge ku liboko lyami lya shimoho, kaliha ami nikafungulasho, myanya eye yikapanikiwa kukwabo baya Tate awahishilileyo.”

Mako 10:40

Ngoboni kwikala ku liboko lyami lya shilyo hinge ku lya shimoho, kaliha ami nikafungulasho. Myanya eye yikapanikiwa kukwabo baya Nyambi awahishilileyo.”

Mako 4:11

Yeshu wambile kukwabo ngayi, “Kukwenu kunapanikiwi kulimuka ncimpi za Wene wa Nyambi. Ngoboni kukwabo ba hamunkanda, byuma ebye binambiwi mu zinguli,

Luka 8:10

Niho ambile ngayi, “Kukwenu kunapanikiwi kulimuka ncimpi za Wene wa Nyambi, ngoboni ku bamina nikwamba mu zinguli mwanga bamone, ngoboni kumoneshesha bafwako, kami mwanga bayuvwe, ngoboni ku yuvwishisha bafwako.

Yowano 6:65

Pe wambile ngayi, “Ebye nibyo namitongwezele ngayi, kowa muntu wakutwesha kwiza kukwami, ndele Tate amwitabilishe.”

Yowano 7:17

Muntu nimwendi ukushinga kutenda shifungo sha Nyambi, ukalimuka ndi ebye niku longesha binafumu kuli Nyambi hinge ndi nikwamba na ngovu zami.

Milimo 16:14

Mbuyama wamina watumbiwile Lindiya mukakulandisha makwiza a wuhombo, wa mu munzi wa Tiyatila, ou wengile mukakulemesha Nyambi, watuyuvwililenga. Niho Mwene ashinkwilile mutima wendi ngayi ayuvwishishe ebye ambilenga Paulu.

Baloma 11:25

Bawushinda wami, kaliha nikushinga ngayi mwikale mu wulube waneye ncimpi, kutina muhanganika ngayi muli ba kukeya. Kukaluha mutima kwa bantu ba Ishalela kaliha kukenga kwa shikati nimwasho, ngoboni kukamana oho likunge lya kwinzala lya Bakamatunga lyakeza kuli Nyambi.

Baloma 16:25

Tuyemezenu Nyambi! Niye uli na ngovu za kumishumisha mu kukulupila, kwezekesha na ncango zaziwahe nashimikilile za lukuwa lwa Yeshu Kilishitu na kwezekesha na kuholoka kwa ncimpi zaholekiwile shikati shashitali kufuma ku mwaka.

1 Kolinte 13:2

Hinge ndi nili na shishemo sha ku shimikila hinge ndi nikulimuka zincimpi nimwazo na ku yuvwishisha byuma nimwabyo, hinge ndi nili na ku kulupila kwa kutwesha kuhenyesha mapili ngoboni nikubula shishemo, pe nili showa.

1 Kolinte 15:51

Monenu nikumitongweza ncimpi, kukalangana nimwetu tufwako, ngoboni nimwetu tukafutuka,

1 Kolinte 2:14

Nimwendi muntu wakubula Moyo, kutwesha kutambula byuma bya Moyo wa Nyambi wufwako ndaba binengi byowa kukwendi, kami kutwesha kubiyuvwishisha wufwako, ndaba bikulimukiwa na Moyo.

1 Kolinte 2:7

Ngana tu ku shimikila zinengi zincimpi za Nyambi za kuholekiwa ku bantu. Nyambi oho shilolo alenge kaye, wawahishile ebye ngayi atupane wuwahe.

1 Kolinte 4:1

Shashiwahe muntu atuhanganike ngayi tuli bakamilimo ba Kilishitu na bakamilimo ba kulama ncimpi za Nyambi.

1 Kolinte 4:7

Kati yani unakwingi ngayi obe utapuluke ku baminobe? Kami bishini ulinabyo ebye wabulile kupanikiwa? Haya ndi wabitambwile, ndabangani ukuliyemeza ngo ngayi kaliha byengile bishemo?

Efweshe 1:18

Nikulombela ngayi ou Moyo wa Kuyela umunike mu mitima yenu, ngayi mulimuke kulumbeza kwa lukuwa lwendi na wuheti wawuwahe ou anakowezele bakakuyela.

Efweshe 1:9

Nyambi watendele ebye ayongwele, kami unatulimukishi zincimpi zendi, eze zaholekiwile na kufunga kuziholola muli Kilishitu.

Efweshe 5:32

Awa mazu akuholola ncimpi yayinene, ngoboni ncimpi eze zikutoya Kilishitu na litengo.

Efweshe 6:19

Ndombelelenu, ngayi nitongweze bantu ncimpi za ncango zaziwahe na nkanca,

Koloshe 2:2

Shuma nikushinga ngayi benge ba kukanca mitima na kulilumikila hamo mu shishemo, ngayi batweshe kwikala na wuheti nimwawo waku yuvwishisha, ngayi batwesha kulimuka ncimpi za Nyambi, eze niye Kilishitu.

1 Timoteo 3:16

Mwa shikuma, kowa muntu ukatwesha kukanangana ha wunene wa ncimpi za Wunyambi wetu! Nyambi waholokele mu shifwekesha sha wuntu, Moyo wa Kuyela wapakile ngayi wakwoloka. Mangeloyi bamumonene. Washimikiwile ku bantu nimwabo, bantu ba muno mu kaye bamukulupilile, pe watwaliwile muyilu mu wuwahe.

1 Timoteo 3:9

banafwanini kwinga bantu ba kulama ncimpi za kukulupila, na shikeketima shashiwahe.

Yakoba 1:5

Ndi wamina kukwenu ukubula ngana, alombe kuli Nyambi, mukakupana na kuhetwila ku bantu nimwabo na kubula kwambila, zikapanikiwa kukwendi.

1 Yowano 2:20

Ngoboni muli na kuwaba kunafumu ku Mukakuyela, kami mu kulimuka byuma nimwabyo.

1 Yowano 2:27

Ngoboni kuwaba oku munatambulu kukwendi mukwikala mumwenu, kami ku fwanina mufwako ngayi muntu wamina amilongeshe, ngoboni nehi kuwaba kumo kukumilongesha byuma nimwabyo, niko kupwisha, kaliha mahalo, nehi kwamilongeshele, mukekala mumwendi.