Mateo 12:2 - Libuka Lya Kuyela

² Oho Bafwalishi bamonene eshe, bambile kuli Yeshu ngayi, “Mona, bandongesha bobe ba kutenda sha kubula ku fwanina ha Mutena Wakukatala.”

Kulimama Kwakupya

² Oho Bafwalishi bamonene eshe, bambile kuli Yeshu ngayi, “Mona, bandongesha bobe bakutenda shakubula kufwanina ha Mutena Wakukatala.”

Mateo 12:2 Iomraidhean Croise

Kututika 23:12

“Ukatenda milimo yobe ha matena mutanu na umo, ngoboni ha mutena wa mutanu na abili ukakatale, nohobene ngayi bandungo bobe na mapukwenda aba ba kukutendela milimo na bimuna byobe mwanga bikatweshe kukatala.

Kututika 35:2

Mwekala na Matena mutanu na umo akutenda milimo yenu, ngoboni ha mutena wa mutanu na abili ukenga mutena wa kuyela, mutena wakukatala wa kuyela kuli Nyambi ya Ngula. Muntu nimwendi wakutenda mulimo wumo ha mutena uyo mwa shikuma ukazihiwa.

Ishaya 58:13

Nyambi ya Ngula ukwamba ngayi, ndi mu kulama mawulu wenu kubula kukiluka Mutena Wakukatala, na kubula kutenda ebi bikumiwahilisha ha mutena wami wa kuyela, ndi mu kutoya Mutena Wakukatala kwinga mutena waku wahilila, na mutena wa kuyela wa Nyambi ya Ngula, ndi mu kuwulemeeka na kubula kuya mu zinzila zenu, hinge kushinga myelembo yenu, hinge kwonzela kubwaya byowa ha mutena uyo.

Mateo 12:10

Muyo mu shinangonge mwekalile mulume wakunyata liboko. Bantu bashingile kubangila Yeshu byambo, pe bamwipwile ngayi, “Kati shinafwanina kunyongomanisha muntu ha Mutena Wakukatala ndi?”

Mateo 12:3

Yeshu wambile kukwabo ngayi, “Hinga mwatanga shilolo mulabe eshe atendele Ndavita, shikati shiya oho ekalile na nzala, hamo na bantu bendi.

Mako 2:24

Bafwalishi bambile kukwendi ngayi, “Mona, ndabangani bandongesha bobe ba kutenda eshe sha kubula ku fwanina ha Mutena Wakukatala?”

Luka 14:3

Yeshu wambile ku bakakulongesha ndayano na Bafwalishi ngayi, “Kati ndayano zikwitabilisha kunyongomanisha muntu ha Mutena Wakukatala ndi?”

Luka 23:56

Babokele mu kuwahisha wanga na mazi a lukumba akunuka shiwahe. Ha Mutena Wakukatala, bakatalile kuya mwayila ndayano.

Luka 6:2

Bafwalishi bamo bambile ngayi, “Kati ndabangani mukutenda byuma bya kubula ku fwanina ha Mutena Wakukatala?”