Mateo 11:5 - Libuka Lya Kuyela

⁵ Tushishitwa ba ku mona, bakakupenga bakwenda, bakabimakwa ba kunyongomana, bizikamatu ba kuyuvwa, bafu ba kushanguka, kami ncango zaziwahe zikushimikiwa ku bakakushepwa.

Kulimama Kwakupya

⁵ Tushishitwa bakumona, bakakupenga bakwenda, bakabimakwa bakunyongomana, bizika matu bakuyuvwa, bafu bakushanguka, kami ncango zaziwahe zikushimikiwa ku baka kushepwa.

Mateo 11:5 Iomraidhean Croise

2 Bamyene 5:14

Nohobene Naamani wayile ku Yondana, pe wazubililemo bikati mutanu na bibili ngonehe amufundizizile Elisha muntu wa Nyambi, pe wapolele. Lutu lwendi lwashumine na kupola, lwafwekele ngonehe lutu lwa kanuke wamushe.

2 Bamyene 5:7

Oho mwene wa Ishalela alabile liñwati, watabwele bivwalo na kulikomokela, pe wambile ngayi, “Kati mwene waku Shiliya unanyakamo nahiti ngayi ami nikutwesha kupolesha ou muntu? Kati ukuhanganika ngayi ami nengi Nyambi ou wekala na ngovu ha wumi na ha lufu ndi? Shamonekakale ngayi uli na kushinga kutatika kulyamba na nami.”

Nyimbo 146:8

Nyambi ya Ngula watoneshanga meho a tushishitwa. Nyambi ya Ngula wakatulanga aba banalemenene, Nyambi ya Ngula wahaka bakulunga.

Nyimbo 22:26

Batuyande bakalya na kwikuta, aba bakwiza kuli Nyambi ya Ngula bakamuyemeza. Mwanga bakayoye mwaya myaka.

Kututika 4:11

Niho Nyambi ya Ngula ambile kukwendi ngayi, “Kati yani wapanika muntu kanwa? Kati yani ou wamutenda shizika matu hinge kumwingisha shimumu? Yani wamupanika ku mona, hinge kumwingisha kashishitwa? Nka ami Nyambi ya Ngula.

Ishaya 29:18

Ha mutena uyo bizikamatu bikayuvwa mazu atikitiwa mu libuka, kami hinge bali mu mincimpwe, meho a tushishitwa akamona.

Ishaya 29:19

Bakakulilimbwilisha bakawana ku wahilila muli Nyambi ya Ngula, pe bancepwe bakawahilila ndaba ya wa Kuyela uya wa Ishalela.

Ishaya 43:8

Twalenu bantu bami ku nkuta. Meho bali nawo, ngoboni banengi tushishitwa, Matu bali nawo, ngoboni bafwako kuyuvwa.

Ishaya 66:2

Kati liboko lyami kaliha linatende byuma nimwabyo ebye ndi, kami nimwabyo byenga byami. Ngoboni nikafulankana muntu uyo, mu ka kulilimbwilisha na kulishisha ku wubi wendi, na kukanka oho akuyuvwa lizu lyami. Eshe nisho anamba Nyambi ya Ngula.

Zakaliya 11:7

Niho nengile mulishani wa bambelele baya balandiwile kuya mukuzihiwa. Nashimbile miwana yibili ya wulishani, muwana umo nawutumbile ngayi, “Nceshe,” wamina ngayi, “Umo” pe nabuyishilenga bambelele.

Mateo 10:8

Nyongomanishenu bakakukola, shangulenu ba kufwa, nyongomanishenu bakabimakwa, pe kafumishenu mayimbwe. Munatambulu nahiya, panikenu nahiya.

Mateo 11:4

Yeshu waba kumbwile ngayi, “Bokenu mukatongweze Yowano ebye mu kuyuvwa nanebye mu ku mona.

Mateo 12:13

Niho Yeshu ambile ku mulume wakunyata liboko ngayi, “Olola liboko lyobe.” Wolwele, pe lyanyongomanine, lyolokele nehi lyamina.

Mateo 21:14

Tushishitwa na ba kupenga mawulu bezile kukwendi mu Litala lya Nyambi, pe wabanyongomanishile.

Mateo 5:3

Bali na mfuywezi baya ba kuliyuvwa kushepwa mu moyo, ndaba wene wa muyilu unengi wabo.

Mateo 9:30

Pe meho wabo atonene. Niho Yeshu aba cincikile shikuma ngayi, “Hinga mutongweza shuma eshe ku muntu hinge umo.”

Mako 7:37

Bantu bakomokele shikuma, pe bambile ngayi, “Byuma nimwabyo ukubitenda shiwahe, ukutwesha kuzikula bakakuzika matu na kwambisha bakakubula kwamba!”

Mako 9:25

Oho Yeshu amonene ngayi likunge lya bantu lili na kwitukila kunebye byatendiwilenga, wakalihilile mayimbwe ngayi, “Enu mayimbwe a shihuhu na a kubula kuyuvwa, nikumyambila ngayi fumenu mumwendi kami hinga mukamubokela!”

Luka 4:18

“Moyo wa Nyambi uli hahami, ndaba unangwabishi mu ku shimikila ncango zaziwahe ku bakakushepwa. Unantumu mu kubilika ku shoboloka ku bantampwa na kutonesha meho a tushishitwa.

Yowano 10:25

Yeshu waba kumbwile ngayi, “Namitongwezele, ngoboni mwabulile kukulupila. Milimo eye nikutenda mu lizina lya Tate niyo yikumpaka,

Yowano 10:38

Ngoboni ndi nikuyitenda, hinge munabulu kunkulupila, kulupilenu milimo ngayi mwanga mulimuke na kukulupila ngayi Tate uli mumwami na nami nili mumwendi.”

Yowano 2:23

Oho Yeshu ekalile mu Yelushalema ku Shimbo sha Kupitilila, bantu babengi bakulupilile mumwendi, oho bamonene bilimukisho ebye atendele.

Yowano 3:2

Wayile kuli Yeshu wushiku, pe wakambile ngayi, “Labi, tukulimuka ngayi uli mulongeshi wakufuma kuli Nyambi, ndaba kowa muntu ukutwesha kutenda bilimukisho ebye ukutenda ndele Nyambi ekale nendi hamo.”

Yowano 5:36

Ngoboni nili na wupaki wakupitakana wa Yowano, ndaba milimo eye ampanikile Tate ngayi niyimanishe niyo nikutenda, eye milimo yikumpaka ngayi Tate niye wantumine.

Yowano 9:7

Wambile kukwendi ngayi, “Yanga ukayowele mu Liziba lya Shilome.” (Likunungulula ngayi, “Kutumiwa”). Nohobene uya muntu wayile, wayowelele, pe wabokele hamona.

Milimo 2:22

“Bantu ba Ishalela, yuvwililenu mazu awa! Yeshu waku Nazaleta, wengile muntu ou Nyambi apakile kukwenu na milimo ya ngovu na bimonekesho na bikomokesho ebye Nyambi atendele mumwendi mukati kenu, ngonehe mu kulimuka.

Yakoba 2:5

Yuvwililenu, bawushinda wami ba kuhakiwa! Nka Nyambi unahata bakakushepwa ba litunga lino benge bakakuheta mu kukulupila na bakakukona wene ou a kulupishile kukwabo ba kumuhaka?