Mateo 10:6 - Libuka Lya Kuyela

⁶ Ngoboni yenunga ku bambelele ba kuyongala ba litala lya Ishalela.

Kulimama Kwakupya

⁶ Ngoboni yenunga ku bambelele bakuyongala ba litala lya Ishalela.

Mateo 10:6 Iomraidhean Croise

Nyimbo 119:176

Nayambangili ngo mbelele unayongala, nohobene yeka uncingencinge ami muka mulimo wobe, ndaba kuvulama ndayano zobe nifwako.

Ishaya 53:6

Nimwetu tunayongo, tunafweke ngo bambelele banayongala. Muntu na muntu unashanukili mu nzila yendi, Nyambi ya Ngula, wamutwikile wubi wetu nimwawo.

Yelemiya 50:17

Bantu ba Ishalela banafweke ngonehe bambelele banatandiwi na kupanzanishiwa ku bimbwi. Ha kutatika babalwishile kuli mwene wamunene wa Ashiliya. Wamamaninino kumbulukuta bifupa wengile Nembukandineza mwene wa Mbambiloni.

Yelemiya 50:6

Bantu bami banengi bambelele ba kuyonga, balishani banabayongeshe mu mapili, banayambangili kufuma ku lipili limo na kuya kulyamina, kami banavulama oku kwekala mwanya wabo.

Ezekiyele 34:16

Nika shingashinga baya banayongala, nikabwesha baya banashanuku, nikapamba ha bitombo bya baya banalemana kami nikashumankanisha baya banapopo, ngoboni ba kushuwa na baya ba kushuma nikabalobesha. Nikabuyisha bambelele bami mu wuwahe.”

Ezekiyele 34:4

Shilolo mushumishe baya banapopo hinge kupanga baya ba kukola kami shilolo mupambe ha bitombo bya baya banalemana. Shilolo mubweshe baya banashanuku kami shilolo muye na kushinga baya banayongala. Munengi bakakutwaminina baya bali na wukali na shilala.

Ezekiyele 34:6

Bambelele bami bapanzaninine ku mapili na ku binkanda nimwabyo. Bapanzaninine mu litunga nimwalyo, pe kowa ou wayile na ku bashinga hinge kubalama.

Ezekiyele 34:8

Nyambi ya Ngula ukwamba ngayi mwa shikuma ngonehe nayoya, bambelele bami babapukulakale ndaba kunabulu balishani. Bambelele bami bafutukakale byakulya bya tunzama twa mu lishaka. Balishani bami shilolo baye na kushinga bambelele bami. Bali na kulilama tuhu nibo bamwine kulama bambelele bafwako.

Mateo 18:10

“Keyenu ngayi hinga mukenda umo wa naba babashe. Ndaba nikumitongweza ngayi, mangeloyi wabo muyilu ekalanga shikati nimwasho ku meho a Tate wa muyilu.

Mateo 18:11

Ndaba Mwana Muntu wezile na kulamwina banayongala.

Luka 24:47

ngayi kutenguluka na kuyatila kwa wubi, ku shimikiwe mu lizina lyendi, ku bantu nimwabo, kutatikila mu Yelushalema.

Milimo 13:46

Niho Paulu na Mbanambashi bambile na kukanca ngayi, “Tunafwanini ngayi tutatike ku shimikila lizu lya Nyambi kukwenu. Ngoboni, ndaba muli na kukana na kuliyata enu bamwine ngayi ku fwanina wumi wa mwaya myaka mufwako, monenu, etu tukumishiya na kuya ku Bakamatunga.

Milimo 18:6

Oho Bayunda bamukananganine na kumuhandula wabashiyile, pe watotomwene lukungu ku bivwalo byendi wambile ngayi, “Mukeza wenu wikale ha mitwe yenu, ami mulandu nifwawo. Kufuma kulelo nikaya ku Bakamatunga.”

Milimo 26:20

Ngoboni nashimikilile ku Bakandamashika ha kutatika na mu Yelushalema na mu litunga nimwalyo lya Yundeya na ku Bakamatunga, ngayi batenguluke na kufutulukila kuli Nyambi, pe batende milimo yiku monesha ngayi banatenguluku.

Milimo 3:26

Nohobene Nyambi wahatile Mukamulimo wendi, ha kutatika wamutumine kukwenu, ngayi amifuywele ha kuletesha muntu na muntu ngayi atenguluke afume ku zinzila zendi zazibi.”

1 Pita 2:25

Mwengile ngo bambelele banayongala, ngoboni wuluno munaboko kuli Mulishani na Mukakulama myoyo yenu.