Mateo 10:4 - Libuka Lya Kuyela

⁴ Shimoni waku Kenaani na Yundashi Ishikalyote ou wabebele Yeshu.

Kulimama Kwakupya

⁴ Shimoni wa ku Kanana na Yundashi Ishikalyote ou wabebele Yeshu.

Mateo 10:4 Iomraidhean Croise

Mateo 26:14

Niho umo ku balikumi na babili, ou watumbiwile Yundashi Ishikalyote, wayile ku bakankombela ba bakulwane,

Mateo 26:15

pe wabepwile ngayi, “Mukampana bishini ndi nikupana Yeshu kukwenu?” Niho bamupanine makumi ahatu a mali a muwayawaya wa shiliva.

Mateo 26:2

“Nka himulimuka ngayi munyima ya matena abili kukekala Shimbo sha Kupitilila, kami Mwana Muntu ukapanikiwa ngayi akolekiwe.”

Mateo 26:47

Yeshu oho ushili kwamba, Yundashi umo ku balikumi na babili wakumine. Pe wezile na likunge lya bantu babengi bashimbile mikwale na mishako, bafumine ku bakankombela ba bakulwane na bakulwane ba Bayunda.

Mateo 27:3

Oho Yundashi ou wamubebele amonene ngayi Yeshu wunayatiwi ngayi afwe, walinyancile niye mwine, pe wabweshele ayo mali makumi ahatu a muwayawaya wa shiliva ku bakankombela ba bakulwane na bakulwane ba Bayunda.

Mako 14:10

Niho Yundashi Ishikalyote, umo wa balikumi na babili ayile ku bakankombela ba bakulwane mu kubeba Yeshu kukwabo.

Mako 14:43

Wanguwangu Yeshu oho ushili kwamba, Yundashi umo wa balikumi na babili wakumine. Pe wezile na likunge lya bantu bashimbile mikwale na mishako, bafumine ku bakankombela ba bakulwane na bakakulongesha ndayano na bakulwane ba Bayunda.

Luka 22:3

Niho Shatana enginine muli Yundashi watumbiwile Ishikalyote, ou wengile umo wa bandongesha likumi na babili.

Luka 22:47

Oho Yeshu ushili kwamba, kwezile likunge lya bantu na Yundashi, umo wa bandongesha likumi na babili, uya wabatwaminine. Wayile kuli Yeshu na kumuzupeza.

Yowano 13:2

Yeshu na bandongesha bendi bekalile ku mulalilo. Oho Shatana wengizakale mu mutima wa Yundashi, mwana Shimoni Ishikalyote, bihanganiko bya kubeba Yeshu.

Yowano 6:64

Ngoboni kuli bamina kukwenu bakubula kukulupila.” (Ndaba Yeshu walimukile kufuma ku kutatika baya bakabula kumukulupila, kami wamulimukile uya ukamubeba.)

Yowano 6:71

Watoyele Yundashi mwana Shimoni Ishikalyote. Ndaba Yundashi, hinge wengile umo wa bandongesha likumi na babili, niye ukamubeba.

Milimo 1:13

Oho benginine mu lukena, bakandamine ku litala ku kampenci kakuyilu, omwo mwekalile Pita na Yowano, Yakoba na Anduleu, Fwilipu na Tomashi, Mbatolomewu na Mateo, Yakoba mwana Alufweya, Shimoni ka Zeloti na Yundashi mwana Yakoba.

Milimo 1:25

ngayi ashwane mwanya wa mulimo ou wa wuntumwana anashiyi Yundashi na kuya nzila yendi.”