Mateo 10:1 - Libuka Lya Kuyela

¹ Yeshu wehanine bandongesha bendi likumi na babili, wabapanine ngovu za kutanda mayimbwe na kunyongomanisha malweli nimwawo na kukola nimwako.

Kulimama Kwakupya

¹ Yeshu wehanine bandongesha bendi likumi na babili, wabapanine ngovu zakutanda mayimbwe na kunyongomanisha malweli nimwawo na kukola nimwako.

Mateo 10:1 Iomraidhean Croise

Mateo 19:28

Yeshu wambile kukwabo ngayi, “Mwa shikuma nikwamba kukwenu ngayi, Mwana Muntu ukekala ha litanda lya wuwahe wendi mu kaye kakapya, enu mu kunkonka, mukekala ha matanda likumi na abili, mu kuyata mishobo likumi na yibili ya Ishalela.

Mateo 26:20

Oho kwengile mazolo, Yeshu wekalile ku tebulu na bandongesha bendi likumi na babili.

Mateo 26:47

Yeshu oho ushili kwamba, Yundashi umo ku balikumi na babili wakumine. Pe wezile na likunge lya bantu babengi bashimbile mikwale na mishako, bafumine ku bakankombela ba bakulwane na bakulwane ba Bayunda.

Mateo 4:23

Yeshu wapitilenga mu Ngalileya nimwamo, walongeshelenga mu mashinangonge, washimikililenga ncango zaziwahe za Wene. Wanyongomanishilenga bantu baya bekalile na malweli nimwawo na makolano.

Mateo 6:13

Hinga utwingiza mu byezeko, ngoboni utulamwine ku mukawubi.’ Ndaba wene wenga wobe na ngovu na wuwahe, myaka nimwayo. Ameni.

Mateo 9:35

Yeshu wapitilenga mu minzi na tunzi nimwato. Walongeshelenga mu mashinangonge na ku shimikila ncango zaziwahe za Wene wa Nyambi, pe wanyongomanishile bakamalweli na bakakukola nimwabo.

Mateo 9:38

Nohobene lombelenu kuli mwine mfuba, ngayi atume bakakuteza mu kuteza mbuto yendi.”

Luka 10:19

Monenu! Ninamipana ngovu za kulyata mayoka na tupilili na kukona ngovu nimwazo za mukankole, kami kowa shikamiletela wukalu.

Luka 21:15

Ndaba nikamipanika mazu na ngana, ngayi ku bakankole benu kukabule hinge umo wakumikumbula hinge kumi kananganisha.

Luka 24:49

Nikamitumina shikulupisho sha Tate, ngoboni tatililenu mu munzi wawunene, hantu munatambulu ngovu za kufuma muyilu.”

Luka 6:13

Oho kwashile, wehanine bandongesha bendi, pe wahatile balikumi na babili baya atumbile ngayi bantumwana.

Yowano 17:2

Ndaba wamupanine ngovu ha bantu nimwabo ngayi apane wumi wa mwaya myaka ku baya nimwabo wamupanine.

Yowano 3:27

Yowano wakumbwile ngayi, “Kowa muntu ukutwesha kutambula shuma ndele apanikiwesho kuyilu.

Yowano 3:35

Tate uku haka Mwanendi, kami unapana byuma nimwabyo mu maboko wendi.

Yowano 6:70

Niho Yeshu akumbwile ngayi, “Kati kaliha namihatile balikumi na babili ndi? Ngoboni wamina kukwenu nengi Shatana!”

Milimo 1:8

Ngoboni mukatambula ngovu, oho Moyo wa Kuyela ukeza hahenu, kami mukenga bapaki bami mu Yelushalema na mu Yundeya nimwamo na mu Shamaliya na kwakumina litunga.”

Milimo 19:15

Ngoboni Mayimbwe akumbwile ngayi, “Yeshu nimulimuka na Paulu nimulimuka, ngoboni enu mulibayani?”

Kuholoka 12:1

Kami kwamonekele shikomokesho shashinene muyilu, mbuyama wavwalile mutena, kami wekalile na ngonda ku nceto ya mawulu wendi na munana wanyenye likumi na zibili ha mutwe wendi.