Mateo 1:11 - Libuka Lya Kuyela

¹¹ Pe Yoshiya wengile tata Yekoniya na bawushinda wendi, ha shikati shiya batwaliwile mu wuntapwa ku Mbambiloni.

Kulimama Kwakupya

¹¹ Pe Yoshiya wengile tata Yekoniya na bawushinda wendi, ha shikati shiya batwaliwile mu wuntapwa ku Mbambiloni.

Mateo 1:11 Iomraidhean Croise

2 Bamyene 23:31

Yehoyahazi wekalile na myaka makumi abili na yihatu oho engile mwene wamu Yunda, pe walelele mu Yelushalema zingonda zihatu. Mandiyendi wengile Hamutali mwana Yelemiya waku munzi wa Limbina.

2 Bamyene 24:14

Nembukandineza watwalile bantu bamu Yelushalema na bana ba bamyene babalume na naba babambuyama nimwabo, hamo na bamanono na bamfunzi nimwabo mukwinga bantapwa, bengile 10,000. Bashiyile tuhu bantu ba kushepwa shikuma mu Yunda.

2 Bamyene 25:11

Nembuzalandani washimbile bantu nimwabo baya bashalile mu Yelushalema, balume bawutungu na baya balishangwile na kubatwala kuli mwene waku Mbambiloni mu wuntapwa.

2 Byambo 36:10

Oho kwengile mvumbi, mwene Nembukandineza watwalile Yehoyakini ku Mbambiloni kwinga Ntapwa, pe washimbile wuheti wamu Litala lya Nyambi ya Ngula. Niho Nembukandineza akwatile Zendekiya kawushinda wa Yehoyakini kwinga mwene wamu Yunda namu Yelushalema.

2 Byambo 36:20

Bantu nimwabo aba bashalile ku mponde yamu nzita wabatwalile ku Mbambiloni, pe bakafutukile kwinga bandungo bendi na bandungo za bazukulyendi, hantu noho mwene wamunene wa Pesha akomene.

Ishaya 13:1

Eze nizo ncango Ishaya mwana Amozi amonene ha Mbambiloni.

Yelemiya 27:20

obyo abulile kutwala Nembukandineza mwene waku Mbambiloni, oho atwalile Yehoyakini mwana Yehoyakimu mwene wa Yunda mu wuntapwa ku Mbambiloni kumufumisha ku Yelushalema, hamo na babilolo nimwabo bamu Yunda na mu Yelushalema.

Yelemiya 39:9

Nembuzalandani, mukakutwaminina bakakulama banzita, watwalile bantu bashalile mu lukena mu wuntapwa ku Mbambiloni na baya balishishile kukwendi wabatwalile mu wuntapwa.

Ndanyele 1:2

Nyambi ya Ngula walehele Nembukandineza kukwata Yehoyakimu mwene waku Yunda na kushimba byuma mu Litala lya Nyambi. Wabitwalile ku litala lya banyambi bendi mu Mbambiloni, pe wayakile byuma mu shikongelo sha ku litala lya nyambi yendi.

Mateo 1:12

Munyima ya kutwaliwa mu wuntapwa ku Mbambiloni, Yekoniya wengile tata Shelatiyele, Shelatiyele wengile tata Zelumbambelu.

Mateo 1:17

Nohobene ku balika kuli Abulahama kuleta kuli Ndavita kwengile mikoka likumi na yinaa, kami ku balika kuli Ndavita kuleta kukutwaliwa mu wuntapwa ku Mbambiloni, kwengile mikoka likumi na yinaa. Kami kufuma kukutwaliwa mu wuntapwa, kukuma ku shikati sha kuhemuwa kwa Kilishitu kwengile mikoka likumi na yinaa.