Lute 4:6 - Libuka Lya Kuyela

⁶ Mulume wakumbwile ngayi, “Ndi shilinoho pe nifwako kukalanda eye mfuba, ndaba nisho shikutontoloka ngayi bana bami kukakona iya mfuba bafwako. Yilande obe, ami kutwesha nifwako.”

Lute 4:6 Iomraidhean Croise

Shitatiko 38:8

Niho Yunda ambile kuli Onani mukonzo wa Ela ngayi, “Yanga ukalangane na mfwile wa yayiyobe. Tenda mulimo kukwendi ndaba nengi mukaza yayiyobe ngayi yayiyobe mwanga ekale na bazukulu.”

Balevi 25:25

Ndi minenu wa Kaishalela ukenga wakuyanda pe ukakandikiziwa kulandisha mbalila ya limvu lyendi, kawushinda wa ha mutima ukali kuliza.

Ndayano 25:7

Ngoboni ndi kawushinda wa uya mukakufwa kushinga kumuyeka wufwako, pe uya mbuyama aye ku lipangati kumbili ya bakakutwaminina ba munzi na kwamba kukwabo ngayi, ‘Kawushinda wa mukokwami kutenda sha kufwanina maluwo kukwami wufwako, unakana kupanika kawushinda wendi bazukulu mukati ka bantu ba Ishalela.’

Ndayano 25:8

Niho bakakutwaminina ba munzi ba kumwihana na kwamba nendi. Ndi niye ushili kukana na kwamba ngayi, ‘Nifwako kushinga kumuyeka,’

Ndayano 25:9

pe mfwile wa kawushinda wendi ukaya kukwendi, ku meho a bakakutwaminina munzi na kuvwula luncangwa lwa uya mulume na kufwizila ku lupala lwendi, pe hakwamba ngayi, ‘Eshe nisho shikuholoka kuli mulume ou ukukana kupanika bazukulu ku kawushinda wendi.’

Lute 2:20

Naomi wakalokele kuli mukowendi ngayi, “Nyambi ya Ngula mwanga afuywele Mbowazi! Kati Nyambi ya Ngula kaliha wabulanga kuleha kuyuvwila nceshe zendi ku babomi naku bafu ndi?” Pe Naomi wazaminine kwamba ngayi, “Uya muntu wenga kawushinda wetu waha mutima, niye nengi muntu umo kubaya bali na ngovu za kutulama.”

Lute 3:13

Yikala kuno wushiku nimwawo, pe ku lumenemene kawushinda wobe waha mutima ukushinga kukuliza, pe shashiwahe atende noho, ngoboni ndi kushinga wufwako kukutendela byawushinda waha mutima, nikubeza na Nyambi ya Ngula wakuyoya nohoboni nika kuliza. Haya langana kutwala ku lumenemene.”

Lute 3:9

Wamwipwile ngayi, “Kati obe yani?” Wakumbwile ngayi, “Ami mukamulimo wobe Lute. Ndaba unengi kawushinda ou wafwanina kundama, uli na ngovu za kundama, haya nikulomba ngayi unyeke.”