Lute 4:13 - Libuka Lya Kuyela

¹³ Nohobene Mbowazi watwalile Lute ku munzi mukwinga mukazendi. Nyambi ya Ngula watandalishile Lute, pe wemitile na kubeleka mwana wamulume.

Lute 4:13 Iomraidhean Croise

Shitatiko 20:17

Nohobene Abulahama walombelelele Ambimeleki, pe Nyambi washinkwilile luhemo lwa Ambimeleki, washinkwilile na luhemo lwa mukaza Ambimeleki na bandungo nimwabo babambuyama, ngayi batweshenga kubeleka.

Shitatiko 25:21

Ishaki walombelele kuli Nyambi ya Ngula mukazendi Lambeka, ndaba Lambeka wengile mumba. Pe Nyambi ya Ngula wakumbwile malombelo wendi niho Lambeka,

Shitatiko 29:31

Nyambi ya Ngula oho amonene ngayi Leya kaliha uli na maluwo, pe wamupanine luhemo shawangu. Ngoboni Lakele wengile mumba.

Shitatiko 30:2

Yakobo wapilaminine Lakele wambile ngayi, “Kutwesha kushimba mwanya wa Nyambi nifwako. Niye unashinki luhemo lwobe.”

Shitatiko 33:5

Oho Ishau atilaminine wamonene bambuyama na batwanuke wepwile ngayi, “Bayani aba bantu uli nabo?” Yakobo wakumbwile ngayi, “Aba, hekulu, banengi bana aba Nyambi anapaniki mukamulimo wobe mu nceshe zendi.”

Nyimbo 113:9

Wawaninanga mbuyama wa mumba munkanda, na kumwinga manda batwanuke wakutangala. Yemezenu Nyambi ya Ngula!

Nyimbo 127:3

Mona, bana banengi likona lya kuli Nyambi ya Ngula, niyo ncuungu iya apananga ku muntu.

Lute 3:11

Haya hinga ulikekula, ndaba bantu nimwabo bali muno mu lukena banalimuku ngayi unengi mbuyama wankama. Nikatenda byuma nimwabyo ukunyepa.

Lute 4:12

Bana baya akakupana Nyambi ya Ngula ku nou kankanga bakengishe ba lupashi lyobe ngonehe ba lupashi lwa Pelizi, mwana Yunda wamulume na Tamale.”

1 Shamwele 1:27

Namunyepele ngayi ampane mwana, mwa shikuma wampana ngonehe nanyepele.

1 Shamwele 2:5

Bantu aba baleliwile shiwahe ku mwaka, hano bali na kuliheheza nibo bamwine ku byakulya, ngoboni bakanzala kukalanduka na nzala kami bafwako. Mbuyama wamumba unabeleke bana babalume mutanu na babili, ngoboni manda bantu babengi unashala mabokoboko.