Lute 4:10 - Libuka Lya Kuyela

¹⁰ Kuyekela kumo na Lute wa Kamowambi, mfwile wa Mahiloni, ukwinga mukazami, mu kulama wuheti wa ba lupashi lwa mukakufwa, nohobene ngayi lizina lyendi mwanga libule kuloba hakati ka bantu bendi na muno mu lukena. Kami lelo enu munengi bapaki kuneshe.”

Lute 4:10 Iomraidhean Croise

Shitatiko 29:27

Tatila hantu shunda ya shimbo sha maluwo yina mana, pe nika kupanika Lakele, ndi ukantendela milimo myaka mutanu na yibili yamina.”

Shitatiko 38:9

Ngoboni Onani walimukile ngayi bana kaliha bakenga bendi, pe oho alalilenga na mfwile wa yayiyendi wayitililenga hanci, kutina mwaka kukekala bana kuli yayiyendi.

Nyimbo 109:15

Mwanga Nyambi ya Ngula akanukenga wubi wabo, mwanga shanukisho shabo shikafumishiwe hano hanci,

Nyimbo 34:16

Ngoboni kaliha wa shinga bakakutenda wubi, pe oho bakafwa bakavulamiwa shawangu.

Zincimpi 18:22

Muntu nayeke mukazi nawana shuma shashiwahe, kami ukuwana kuyamiziziwa kuli Nyambi ya Ngula.

Zincimpi 19:14

Litala na wuheti byenga likona lyafumanga kuli tatiyendi muntu, ngoboni Nyambi ya Ngula niye wapananga mulume mukazi wangana.

Ishaya 48:19

Bazukulyobe shinga banahanya ngonehe lihekelela, na bana bobe shinga banafweke ngo limvu lya lihekelela, lizina lyabo kukaloba lifwako, hinge kukalobeshiwa ku meho wami.

Hoshiya 12:12

Yakobo wetukilile ku litunga lya Alamu, niko akatendelele mulimo wakubuyisha bambelele ngayi bamupane mbuyama wakuyeka.

Hoshiya 3:2

Niho namulundile na muwayawaya wa shiliva likumi na mutanu na makilo 150 a mpeka za luku.

Zakaliya 13:2

“Nyambi wa Makunge ukwamba ngayi, ha mutena uyo, nikafumisha tunankishi mu litunga, ngayi tukabule kwanukiwa kami, pe kami nikafumisha bamiluwe ba mahalo na myoyo yayibi mu litunga.

Malaki 2:14

Mukwipula ngayi, “Kati shumangani a kubula kutambwila zintupu?” Nyambi ya Ngula unamono kubula kwoloka kwobe kuli mukazobe uya wayekele oho ushili ndumbana. Hinge ndi niye wengile minobe na mukazobe walimamine nendi.

Efweshe 5:25

Balume, hakenu bakokwenu nehi Kilishitu kami ahakile litengo, wafwile ndaba yalyo.

Ndayano 25:6

Mweli wa mulume uya bakabeleka ukehaniwa kwinga mwana uya mukakufwa, nohobene ngayi lizina lya uya mukakufwa hinga likaloba ngoboni likatwalilileho kwikala mu Ishalela.

Bahebelu 13:4

Maluwo alemekiwe ku bantu nimwabo, kami wulili wa maluwo winge wa kubula wubi. Ndaba Nyambi ukayata bakalwiholwiho na baka wumambe.

Yoshuwa 7:9

Bakenaani na bantu nimwabo kami bazika mu litunga bakayuvwako, pe bakeza na kutulwisha hamo na kutuziha nimwetu na kulobesha mukoka wetu na lizina lyetu peluu! Pe haya Obe ukatenda nahiti ha kulemeeka lizina lyobe.”

Lute 4:9

Niho Mbowazi ambile ku bakulwane naku bamina nimwabo ngayi, “Enu nimwenu muli bapaki lelo ngayi nalanda kuli Naomi byuma nimwabyo biya byengilenga bya Elimeleki na kuli Kilyoni na Mahiloni.