Lute 3:12 - Libuka Lya Kuyela

¹² Mwa shikuma nisho shinengi sha kupwisha ngayi ninengi kawushinda ou wafwanina kukulama, kami nili na ngovu hahobe. Ngoboni kwali mulume wa kawushinda waha mutima wakumpitakana.

Lute 3:12 Iomraidhean Croise

Mateo 7:12

“Nohobene mu byuma nimwabyo tendelenu baminenu ngonehe mu kushinga ngayi nanibo bamitendele. Ndaba nizo Ndayano za Moshesha na bilongesha bya bamiluwe.

1 Teshalonika 4:6

Nohobene hinga kwikala wakubipishila kawushinda wendi hinge kumukeyela mu shuma shamina, ngonehe twamitongwezele mwaka mu kupwisha, Mwene ukashushula nimwabo ba kutenda bya nahiyo.

Lute 2:20

Naomi wakalokele kuli mukowendi ngayi, “Nyambi ya Ngula mwanga afuywele Mbowazi! Kati Nyambi ya Ngula kaliha wabulanga kuleha kuyuvwila nceshe zendi ku babomi naku bafu ndi?” Pe Naomi wazaminine kwamba ngayi, “Uya muntu wenga kawushinda wetu waha mutima, niye nengi muntu umo kubaya bali na ngovu za kutulama.”

Lute 3:11

Haya hinga ulikekula, ndaba bantu nimwabo bali muno mu lukena banalimuku ngayi unengi mbuyama wankama. Nikatenda byuma nimwabyo ukunyepa.

Lute 3:13

Yikala kuno wushiku nimwawo, pe ku lumenemene kawushinda wobe waha mutima ukushinga kukuliza, pe shashiwahe atende noho, ngoboni ndi kushinga wufwako kukutendela byawushinda waha mutima, nikubeza na Nyambi ya Ngula wakuyoya nohoboni nika kuliza. Haya langana kutwala ku lumenemene.”

Lute 4:1

Mbowazi wayile na kwikala ku mwanya wa shikungulukilo ku lipangati lya shinkololo sha lukena. Niho kawushinda wa Elimeleki, uya atoyele Mbowazi wezile. Pe Mbowazi wamwihanine ngayi, “Yeka kuno ncwana, yikala hanci.” Nohobene wayileko, pe wekalile hanci.

Lute 4:4

Pe nahanganiki ngayi, obe wafwanina kulimuka byayo. Hayaboni, ndi ukushingayo, landilayo ku meho a bakulwane aba banekala kuno. Ngoboni ndi kuyishinga wufwako, amba noho, ndaba ngovu za ku fwanina kuyilanda ha kutatika zili kukwobe taha, niho boni kukwami.” Uya Mulume wambile ngayi, “Nikayilanda.”