Lute 3:10 - Libuka Lya Kuyela

¹⁰ Mbowazi wakumbwile ngayi, “Nyambi ya Ngula mwanga akufuywele, mwanami. Aha unamoneshe nceshe zobe zazinene za mamaninino ku ba lupashi kunebye unatende, kupitakana ebye watendele ha kutatika kuli bamukowobe. Shafwanina kukwobe kuya na ku shinga ndumbana, wakuheta hinge ndi ncepwe, ngoboni kutenda noho wufwako.

Lute 3:10 Iomraidhean Croise

Shitatiko 24:31

Lambani wambile kukwendi ngayi, “Tuyenga ku munzi, obe muntu wakutandalishiwa kuli Nyambi ya Ngula. Kaliha wafwanina kwimana ha munkanda? Ami nakuwahishilakale mwanya mu litala lyami, kami kuwuli mwanya wa makamela obe.”

Lute 1:8

Ngoboni ha nzila Naomi wambile kukwabo ngayi, “Bokenu kukwenu, mukekale ku minkanda ya bamandizenu. Nyambi ya Ngula mwanga ekale na nceshe kukwenu, ngonehe shiya mwekala na nceshe kukwami na ku baya ba kufwa.

Lute 2:11

Mbowazi wakumbwile ngayi, “Nayuvwa byuma nimwabyo biya watendele kuli mukowobe ha shikati shiyo afwile mukokwobe. Kami nayuvwa eshe wafumine kuli tatiyobe na mandiyobe naku litunga lyobe naneshe wezile mukwikala hakati ka bantu bashenge, aba wabulile kulimuka ku mwaka.

Lute 2:20

Naomi wakalokele kuli mukowendi ngayi, “Nyambi ya Ngula mwanga afuywele Mbowazi! Kati Nyambi ya Ngula kaliha wabulanga kuleha kuyuvwila nceshe zendi ku babomi naku bafu ndi?” Pe Naomi wazaminine kwamba ngayi, “Uya muntu wenga kawushinda wetu waha mutima, niye nengi muntu umo kubaya bali na ngovu za kutulama.”

Lute 2:4

Oho kwapitile shikati Mbowazi wakumine kufuma ku Mbetelehema. Washangwishile bakamilimo na kwamba ngayi, “Nyambi ya Ngula ekale nenu.” Bakumbwile ngayi, “Nyambi ya Ngula amitandalishe.”

Lute 3:9

Wamwipwile ngayi, “Kati obe yani?” Wakumbwile ngayi, “Ami mukamulimo wobe Lute. Ndaba unengi kawushinda ou wafwanina kundama, uli na ngovu za kundama, haya nikulomba ngayi unyeke.”

1 Shamwele 15:13

Shamwele wayile kuli Shaulu, Shaulu wambile kukwendi ngayi, “Nyambi ya Ngula akufuywele, obe Shamwele. Ninombatala ndayano za Nyambi ya Ngula.”