Lute 2:13 - Libuka Lya Kuyela

¹³ Lute wakumbwile ngayi, “Obe hekulu, unengi wa shishemo shikuma kukwami. Unanyuvwishi shiwahe hakwamba na mukamulimo wobe na shishemo, hinge ndi nabulu kwezekela hamo ngo umo wa bakamilimo bobe.”

Lute 2:13 Iomraidhean Croise

Shitatiko 32:6

Oho bamiluwe babokele kuli Yakobo, bambile ngayi, “Twayile kuli yayiyobe Ishau, kami uli mu nzila kwiza mu ku kushimbawila. Ukwiza na balume myanda yinaa.”

Shitatiko 33:10

Yakobo wambile ngayi, “Byo hekulu, ndi unanyakako, pe tambula bishemo byami ebye napana. Haya namono lupala lwobe kami unantambulu shiwahe, kukwami shinengi ngo namono lupala lwa Nyambi.

Shitatiko 33:15

Pe Ishau wambile ngayi, “Shashiwahe boni nishiye bantu bami bamo kukwobe.” Ngoboni Yakobo wakumbwile ngayi, “Osho ku shingiwa shifwako, nikushinga tuhu ngayi hekulu unyakeko.”

Shitatiko 33:8

Ishau wepwile ngayi, “Haya ukutontolola bishini na uya muhoko wamina nalihangana nawo?” Yakobo wakumbwile ngayi, “Mwanga unyakeko, hekulyami.”

Shitatiko 34:3

Ngoboni wawanine ngayi kankanga Ndayina wa ku fwanina, pe wamuhakile, wezekele kumubengezeka.

Shitatiko 43:14

Mwanga Nyambi Mpandashilanga apane nceshe kuli owo muntu, nohobene ngayi mwanga akabweshe mukonzowenu wamina na Mbenjamani. Nehe ami ndi nikuyanguliwa bana bami, pe niyanguliwe bene.”

2 Shamwele 16:4

Mwene wambile kuli Ziba ngayi, “Nimwabyo biya byengile bya Mefwimbosheti haya binengi byobe.” Ziba wakumbwile ngayi, “Nili mukamulimo wobe. Mwanga niwane kuyamiziza kukwobe mwene ya Ngoma shikati nimwasho.”

Zincimpi 15:33

Kuyuvwila Nyambi ya Ngula bowa nikwo kulongeshiwa kwaletanga ngana, kulilimbwilisha kwaletanga maleema.

Hoshiya 2:16

Nyambi ya Ngula ukwamba ngayi, “Ha mutena uyo, ukantoya ngayi, ‘Mukokwami’, ufwako kukantoya ngayi, ‘Hekulyami.’”

Fwilipu 2:3

Hinga mutenda shuma na lihungu na kuliyemeza, ngoboni mu kulilimbwilisha, muntu nimwendi ahanganike ngayi bamina ba kumupitakana.

Bakakuyata 19:3

Niho mulume wamukonkele na kwezeka kumubengezeka ngayi amubweshe. Wayile na mukamulimo wendi na bambongolo babili. Niho mbuyama watekeshele Kalevi mu litala lya tatiyendi. Oho tatiyendi amumonene wamushimbawilile shikuma.

Lute 2:12

Nyambi ya Ngula mwanga akupane hanebye unatende. Nyambi ya Ngula, Nyambi wa Ishalela, mwanga akupane ncuungu yayinene, kuno wezile ngayi uholame.”

Lute 2:14

Ha shikati sha kulya, Mbowazi wambile kuli Lute ngayi, “Yeka kuno, tambula shibunku sha linkende, ushitante mu muhozi.” Wekalile na bakamilimo, pe Mbowazi wamutabikizile katooto. Walile hantu noho ekutile, pe wabishiyileho.

1 Shamwele 1:18

Mbuyama wakumbwile ngayi, “Mwanga mukamulimo wobe ayamiziziwe kukwobe.” Niho Hana akatukile wayile kukwabo, niho akalile byakulya, kami kaliha wekalile na wuhonde.

1 Shamwele 25:41

Pe Ambingelu wafunkamine hanci, pe wambile ngayi, “Ami nikwitabila kutendela milimo bakamilimo bahekulyami.”