Lute 2:12 - Libuka Lya Kuyela

¹² Nyambi ya Ngula mwanga akupane hanebye unatende. Nyambi ya Ngula, Nyambi wa Ishalela, mwanga akupane ncuungu yayinene, kuno wezile ngayi uholame.”

Lute 2:12 Iomraidhean Croise

Nyimbo 17:8

Nkoweze ngo kantu kaha liho lyobe, holeke mu mbando zobe,

Nyimbo 19:11

Ndayano zikushiwulula mukamulimo wobe. Muli ncuungu yayinene mu kuzombatala.

Nyimbo 36:7

Obe Nyambi, eshe shawaha shishemo shobe. Nohobene bantu bobe ba kuwana kukingiwa mu mubombola wa mbando zobe.

Nyimbo 57:1

Obe Nyambi, nyamizize, ndaba moyo wami ukuholama mumwobe. Nikuholama mu mumvulu wa mbando zobe, hantu malamo nimwawo anamana.

Nyimbo 58:11

Bantu bakamba ngayi, “Mwa shikuma, bakulunga banatambulu ncuungu. Kwali Nyambi mukakuyata hanci.”

Nyimbo 61:4

Yitabila ngayi nikalenga mu ntanda yobe mwaya myaka, mwanga nikawane kukingiwa shiwahe mu nceto ya mumvulu wa mbando zobe.

Nyimbo 63:7

Ndaba obe mukakunyavwa, nikayimbila na ku wahilila mu mubombola wa mbando zobe.

Nyimbo 91:4

Ukakufwika na mahako wendi, mu mbando zendi ukawana shiholamino shiwahe. Kwoloka kwendi kuka kukoweza na kukulamwina.

Zincimpi 11:18

Muntu wakuluwa kowa ebye awananga bya shemwa, mukakukuba kulunga wawananga ncuungu ya kupwisha.

Zincimpi 23:18

Mwa shikuma ukayoya shiwahe kumbili, kami kulumbeza kwobe kufwako kukakwangana.

Yelemiya 31:16

Nyambi ya Ngula ukwamba ngayi, “Mwena, likunkumune mihozi, ndaba milimo yobe ukayitambwila ncuungu, pe bakafuma mu litunga lya bamalamo.

Mateo 23:37

“Obe Yelushalema, Yelushalema! Obe mukakuziha bamiluwe na kupuha mamanya aba banatumiwi kukwobe! Bikati binga nashingile kukungula bana bobe nehe nkazikuku akungulanga bana bendi ku nceto ya mbando zendi, ngoboni kaliha wetabilile.

Mateo 5:12

Wahililenu na kutangala, ndaba ncuungu yenu yayinene muyilu. Eshe nisho bayandishile bamiluwe baya bekalileko enu oho shilolo muhemuwe.

Mateo 6:1

“Keyenu ngayi mubule kutenda milimo yenu ya kwoloka ku meho a bantu, ngayi mwanga bamimone. Ndi mukwinga noho kukatambula ncuungu kuli Tatiyenu wa muyilu mufwako.

Luka 6:35

Ngoboni hakenu bakankole benu, kami batendenu shiwahe, pe bakoloteshenu na kubula kukulupila ngayi mukatambula kami. Ncuungu yenu yikenga yayinene nanenu mukenga bana ba Wakukangana. Ndaba niye wenga wamuwahe kukwabo bakubula kukambilila na bakawubi.

Koloshe 2:18

Hinga mwitabila ngayi muntu amyongeze ou ukulimonekesha ngo wakulilimbwilisha na kulemesha mangeloyi, ukutwamika kumbili bimono byabulile ku moneka kukwendi na kuliyemeza na bihanganiko byendi bya wuntu.

2 Timoteo 1:18

Nikulomba ngayi Mwene amupane nceshe Oneshifwela ha Mutena uyo! Ukulimuka shiwahewahe ebye atendele kukwami mu Efweshe.

2 Timoteo 4:8

Wuluno munana wakwoloka uli na kuntatilila ou Nyambi anantentekele, ou Mwene, mukakuyata mukwoloka, ukampanawo ha Mutena uyo, kaliha ami tuhu, ngoboni ku nimwabo baya ba kutatilila ngayi amoneke.

Bahebelu 11:26

Moshesha wetabilile makalikiza a kuyandila Kilishitu kupitakana wuheti wa Engepita, ndaba walifulankanine biya akatambula kumbili.

Bahebelu 11:6

Ndaba ndi kowa kukulupila, shashikalu kuwahililisha Nyambi ndaba nimwendi ukwiza kuli Nyambi uku fwanina kukulupila ngayi Nyambi nikwo ekala, kami wapananga ncuungu nimwabo baya ba kumushinga.

Bahebelu 6:10

Ndaba Nyambi wenga mukakwoloka, wufwako kuvulama milimo yenu na kukalamana kwa shishemo munamumoneshe oho munayavwa bantu bendi na neshe mushili kubatendela milimo.

Lute 1:16

Ngoboni Lute wakumbwile ngayi, “Hinga unkandamika ngayi nikushiye. Ndehe niye nobe. Nimwako oku ukaya nami nikonikaya, nimwako oku ukekala na nami niko nikekala. Bantu bobe bakenga bantu bami na Nyambi yobe ukenga Nyambi yami.

Lute 2:11

Mbowazi wakumbwile ngayi, “Nayuvwa byuma nimwabyo biya watendele kuli mukowobe ha shikati shiyo afwile mukokwobe. Kami nayuvwa eshe wafumine kuli tatiyobe na mandiyobe naku litunga lyobe naneshe wezile mukwikala hakati ka bantu bashenge, aba wabulile kulimuka ku mwaka.

Lute 2:13

Lute wakumbwile ngayi, “Obe hekulu, unengi wa shishemo shikuma kukwami. Unanyuvwishi shiwahe hakwamba na mukamulimo wobe na shishemo, hinge ndi nabulu kwezekela hamo ngo umo wa bakamilimo bobe.”

Lute 4:15

Niye ukatulumanisha mutima wobe na kukulama mu wukulwane wobe, ndaba niye mwana Lute mukowobe. Ou niye waku haka shikuma kupitakana bana babalume mutanu na babili.”

1 Shamwele 24:19

Shanahiti ndi muntu ukukwata kamalamo wendi pe ha kumuleha ngayi aye nahiya wakubula kulemana? Nyambi ya Ngula akutandalishe ku neshe unatende lelo kukwami.

1 Shamwele 24:20

Haya nikulimuka ngayi mwa shikuma ukenga mwene wa Ishalela, kami ngayi wene wobe ukehala.