Lute 1:2 - Libuka Lya Kuyela

² Lizina lya uya mulume wengile Elimeleki, kami lizina lya mukazendi niye Naomi, pe bana bendi babalume babili bengile Mahiloni na Kilyoni. Nibo bengile ba mukoka wa Efulata, wekalilenga mu Mbetelehema mu Yunda. Bayile mu litunga lya Mowambi na kwikalamo.

Lute 1:2 Iomraidhean Croise

Shitatiko 35:19

Oho Lakele afwile, wafundiwile kunkumo ya nzila yikuya ku Efulata, hano niyo Mbetelehema.

Mika 5:2

Obe Mbetelehema Efulata, hinge ndi uli wamushe mukati ka mavumo a Yunda. Mumwobe kukafuma umo ou ukenga kalela ha Ishalela. Ou watatikile kwikalako ku matena akunyima shikuma.

Bakakuyata 17:7

Haya ha shikati shimo, kwekalile ndumbana wa Kalevi ou wekalilenga mu munzi wa Mbetelehema mu Yunda.

Bakakuyata 3:30

Mutena uyo Baishalela bakomene Mowambi. Kwekalile ku mwena mu litunga ha myaka 80.

Lute 1:3

Munyima ya matena, Elimeleki mukokwa Naomi wafwile, pe Naomi washalile ninkayendi na bana bendi babalume babili.

Lute 1:5

Mahiloni na Kilyoni nabo kami bafwile, pe Naomi washalile ninkayendi, kwakubula mukokwendi na bana bendi babalume babili.

Lute 2:1

Naomi wekalile na kawushinda wendi watumbiwile ngayi Mbowazi, wengile wakuheta kami muntu wamuleemu, niye wengile wakulupashi lwa mukokwendi Elimeleki.

Lute 4:9

Niho Mbowazi ambile ku bakulwane naku bamina nimwabo ngayi, “Enu nimwenu muli bapaki lelo ngayi nalanda kuli Naomi byuma nimwabyo biya byengilenga bya Elimeleki na kuli Kilyoni na Mahiloni.

1 Shamwele 1:1

Kwekalile mulume umo lizina lyendi Elikana waku mushobo wa Efulemu, ou wazikilenga mu munzi wa Lama mu litunga lya binkanda ku Efulemu. Wengile mwana Yelohama wa mulume muzukulya Elihu, waku ba lupashi lwa Tohu, wa ku livumo lya Zufu.

1 Shamwele 17:12

Ndavita wengile mwana Njeshe, wengile Kaefulata waku Mbetelehema mu Yunda. Njeshe wekalile na bana babalume mutanu na bahatu, ha shikati sha kulela kwa Shaulu, Njeshe wengile kakulukazi shikuma.

1 Shamwele 17:21

Bakanzita ba Bafwilishitina na bakanzita ba Baishalela bakwalamine mu myanya yabo ya nzita hinga balitilamina.