Lute 1:16 - Libuka Lya Kuyela

¹⁶ Ngoboni Lute wakumbwile ngayi, “Hinga unkandamika ngayi nikushiye. Ndehe niye nobe. Nimwako oku ukaya nami nikonikaya, nimwako oku ukekala na nami niko nikekala. Bantu bobe bakenga bantu bami na Nyambi yobe ukenga Nyambi yami.

Lute 1:16 Iomraidhean Croise

2 Shamwele 15:21

Ngoboni Itayi wakumbwile ngayi, “Hekulu, ni kulibeza kukwobe mu lizina lya Nyambi ya Ngula ngayi shikati nimwasho nikaya nobe nimwako okwe ukaye, hingebene ndi shikutontolola lufu.”

Nyimbo 45:10

Yuvwilila ebye nikwamba, obe mwenga, yuvwishisha ebye nikwamba, vulama bantu bobe na lupashi lwa tatiyobe.

Zincimpi 17:17

Wuhoni wenga kulihaka shikati nimwasho, ngoboni kawushinda wahemuwila ngayi muliyavwe mu makando.

Ishaya 14:1

Nyambi ya Ngula ukekala na nceshe ha bazukulya Yakobo, pe ukahata Ishalela na kubetabilisha kami kwikala mu litunga lyabo. Mapukwenda bakalifungila nabo na kwikala na baka litala lya Yakobo.

Ndanyele 2:47

Mwene wambile kuli Ndanyele ngayi, “Mwa shikuma, Nyambi yobe nengi Nyambi wa banyambi nimwabo na Hekulu wa bamyene kami ou wahololanga bya kuwi, ndaba unatweshe kuholola ebye bya kuwi.”

Ndanyele 3:29

Nohobene haya nikupanika mazu awa ngayi, muntu nimwendi ku matunga nimwawo, hinge lulimi lwa kwamba bya kuhandula Nyambi wa Shandiliki na Misheki na Ambendinengo, ukapampoliwa na litala lyendi likashiwululiwa. Ndaba kowa Nyambi wamina watweshanga kulamwina mu nzila eye.”

Ndanyele 4:37

Pe haya ami Nembukandineza, nikuyemeza na kunenehesha, na kumulemeka Mwene wa muyilu. Ndaba byuma nimwabyo ebye atendanga byakwoloka, na zinzila zendi zenga zaziwahe. Kami baya bakwenda na kulilundumika ukabashepesha.

Hoshiya 13:4

Nyambi ya Ngula ngayi, “Ami Nyambi ya Ngula Nyambi yenu namifumishile ku Engepita. Mufwaye Nyambi wamina ndele Ami mupulwishi wenu.

Zakaliya 8:23

Eshe nisho anamba Nyambi wa Makunge ngayi, “Mu matena ayo, bantu likumi ba ku zindimi nimwazo bakakwata na kuyuminina ku shivwalo sha Kayunda na kwamba ngayi, ‘Tuyenga nobe, ndaba tunayuvwu ngayi Nyambi uli hamo na nobe.’”

Mateo 8:19

Niho mukaku longesha ndayano ezile kukwendi, pe wambile ngayi, “Mulongeshi, nika kukonka oku nimwako ukaya.”

Yowano 13:37

Pita wepwile Yeshu ngayi, “Mwene, shumangani nikubula kutwesha kukukonka wuluno? Naliwahishili kufwa ndaba yobe.”

Milimo 21:13

Ngoboni Paulu wakumbwile ngayi, “Kati muli na kutenda bishini oho mu kulila na kuntabula mutima? Ndaba naliwahishilakale, kaliha kumangiwa tuhu, ngoboni kufwila lizina lya Mwene Yeshu mu Yelushalema.”

1 Teshalonika 1:9

Ndaba bantu nimwabo bakwamba eshi mwatutambwile oho twezile kukwenu naneshi mwatengulukilile kuli Nyambi oho mwafumine ku tunankishi ngayi mwinge bakamilimo ba Nyambi wakuyoya na kupwisha,

Yoshuwa 24:18

Oho twezilenga na kulikaka mu litunga lino, Nyambi ya Ngula watandile Baamoli nimwabo aba bazikilenga muno. Nohobene netu kami tukatendela milimo Nyambi ya Ngula, ndaba niye Nyambi yetu.”

Kuholoka 14:4

Baya banabulu kulibipisha nibo bamwine na bambuyama, hinga batanga kulangana na bambuyama. Nibo aba ba kukonka Mwana Mbelele nimwako oku akuya. Baya banakuliziwi na kufumishiwa mukati ka bantu, pe nibo mbuto ya kutatika kutupuliwa kuli Nyambi na kuli Mwana Mbelele.

Lute 1:15

Pe Naomi wambile kuli Lute ngayi, “Mona, mukonzowobe unaboko ku bantu bendi naku banyambi bendi, pe yanga nendi.”

Lute 1:17

Nimwako oku ukafwila nami niko nikafwila, pe kuyo niko nikafundiwa. Mwanga kashushwilo ka Nyambi ya Ngula kakabi kakeze hahami ndi nikwitabila shuma shamina kuntapulula kukwobe ndele lufu.”

Lute 2:6

Mukulwane wabakamilimo wakumbwile ngayi, “Nengi kankanga wa lipukwenda ou wezile na Naomi kufuma ku Mowambi.

Lute 4:15

Niye ukatulumanisha mutima wobe na kukulama mu wukulwane wobe, ndaba niye mwana Lute mukowobe. Ou niye waku haka shikuma kupitakana bana babalume mutanu na babili.”