Luka 4:2 - Libuka Lya Kuyela

² wekalile matena makumi anaa hezekiwa kuli Shatana. Ha matena ayo kaliha walile shamina, pe oho matena amanine wayuvwile nzala.

Kulimama Kwakupya

² ekalile matena makumi anaa hezekiwa kuli Shatana. Ha matena ayo kaliha walile shamina, pe oho matena amanine wayuvwile nzala.

Luka 4:2 Iomraidhean Croise

Shitatiko 3:15

Nikayaka nzimbo mukatikobe na mukazi, pe mbuto yendi na mbuto yobe bakalizimba, mbuto yendi yika cancola mutwe wobe, na nobe ukamuhumina ku ncinzino yendi.”

1 Bamyene 19:8

Kami Eliya wapindukile niho alile na kunwa, byakulya byamupanikile nyala za kwenda matena makumi anaa, mwaana na wushiku kukuma ku Shinayi lipili lya Nyambi.

Eshita 4:16

“Yanga ukakungule Bayunda nimwabo hamo mu Shusha. Kazilenu kulya byakulya pe mukandombelele. Hinga mulya hinge kunwa shuma shimo ha matena ahatu wushiku na mwaana. Bakamilimo bami ba batunkanga hamo na nami tukalizila kulya hamo nanenu. Ebye byapita nikaya kuli mwene, hinge ngayi kunengi kulwisha ndayano za mwene. Ndi niku fwanina kufwa ha kutenda noho, pe nikafwenga tuhu.”

Kututika 24:18

Moshesha wakandamine hayilu ya lipili, pe wenginine mu likumbi. Wekalileho matena makumi anaa.

Kututika 34:28

Moshesha wekalile kuyo na Nyambi ya Ngula matena makumi anaa na zinciku na kubula kulya hinge kunwa mema. Watikitile mazu a kulimama ha matapa, aya mazu likumi.

Yona 3:7

Pe wabilikile lukuwa na kulupanzanisha mu Neniva nimwamo. Pe mwene hamo na babilolo bendi bambile ngayi, “Hinga muleha muntu, hinge shimuna, hinge litanga lya zingombe, hinge lya bambelele kulya hinge kunwa mema.”

Mateo 21:18

Ku lumenemene shikuma, Yeshu oho abokelenga ku Yelushalema, wekalile na nzala.

Mateo 4:2

Munyima ya kuzila kulya matena makumi anaa mwaana na wushiku Yeshu wayuvwile nzala.

Luka 4:3

Shatana wambile kuli Yeshu ngayi, “Ndi uli Mwana Nyambi, tongweza elye limanya ngayi lifutuke linkende.”

Yowano 4:6

Lishima lya Yakobo lyekalile kuyo. Yeshu wekalile hanci ku lishima, ndaba ya kukwanga ha mukala. Shengile shikati sha mwaana oho mutena uli hakati ka mutwe.

Ndayano 9:18

Niho kami na shulubalile na kukinka lupala hanci matena makumi anaa na zinciku makumi anaa ku meho a Nyambi ya Ngula, kami kaliha nalile sha kulya hinge kunwa mema. Natendele eshe ndaba ya wubi mwatendele kuli Nyambi ya Ngula na kumupilamisha.

Ndayano 9:25

“Nohobene na shulubalile na kukinka lupala hanci ku meho a Nyambi ya Ngula matena makumi anaa na zinciku za makumi anaa, ndaba nalimukile ngayi washumishile ngayi ukamilobesha.

Ndayano 9:9

Nakandamine ku lipili mu kutambula matapa a limanya aha hatikitiwile kulimama kwa Nyambi ya Ngula alimamine nanenu. Nakekalileko matena makumi anaa na zinciku makumi anaa, kami kaliha nalile sha kulya hinge kunwa mema.

Bahebelu 2:18

Ndaba niye mwine wayandile na kwezekiwa, pe kami niye ukutwesha ku bayavwa aba bakwezekiwa.

Bahebelu 4:15

Kaliha tuli na Mukulwane wa Bakankombela Nimwabo ukubula kutuyuvwila nceshe ndaba ya wuboto wetu, ngoboni Mukankombela wetu wa Mukulwane wezekiwile mu byuma nimwabyo ngo etu, kaliha watendele wubi.

1 Shamwele 17:16

Ngoliyati wezilenga na kulimonekesha ku Baishalela ku lumenemene na lumenemene naku mazolo na mazolo ha matena makumi anaa.