Luka 2:4 - Libuka Lya Kuyela

⁴ Na Yoshefwa kami wafumine ku Ngalileya ku munzi wa Nazaleta, wayile ku Yundeya ku munzi wa Mwene Ndavita ukutumbiwa Mbetelehema, ndaba niye wengile wa liziko lya Ndavita.

Kulimama Kwakupya

⁴ Na Yoshefwa kami wafumine ku Ngalileya ku munzi wa Nazaleta, wayile ku Yundeya ku munzi wa Mwene Ndavita ukutumbiwa Mbetelehema, ndaba niye wengile wa liziko lya Ndavita.

Luka 2:4 Iomraidhean Croise

Shitatiko 35:19

Oho Lakele afwile, wafundiwile kunkumo ya nzila yikuya ku Efulata, hano niyo Mbetelehema.

Shitatiko 48:7

Nikutenda nehe ndaba ya mandiyobe Lakele, ou wandetelele wunginga wawunene oho afwililile mu litunga lya Kenaani, oho tuli hahepi na Efulata, oho nafuminenga ku Meshopotamiya. Pe namufundile kunkumo ya nzila yikuya ku Efulata.” Efulata ukutumbiwa lelo ngayi Mbetelehema.

Mika 5:2

Obe Mbetelehema Efulata, hinge ndi uli wamushe mukati ka mavumo a Yunda. Mumwobe kukafuma umo ou ukenga kalela ha Ishalela. Ou watatikile kwikalako ku matena akunyima shikuma.

Mateo 1:20

Ngoboni oho ekalile na bihanganiko bya noho, lingeloyi lya Mwene lyalimonekeshele kukwendi mu mulo, pe wambile ngayi, “Obe Yoshefwa mwana Ndavita, hinga utina kuyeka mukazobe Maliya. Ndaba eshe shinamwimitishi sha kufuma ku Moyo wa Kuyela.

Mateo 2:23

pe wazikile mu munzi watumbiwile Nazaleta. Kwatendiwile ebye bambile bamiluwe ba Nyambi ngayi, “Ukatumbiwa Kanazaleta.”

Luka 2:3

Niho muntu nimwendi wayile na kulitikitisha ku munzi wendi.

Luka 2:5

Wayile na kulitikitisha hamo na Maliya ou abalikilile kami wekalile na livumo.

Luka 4:16

Wezile ku Nazaleta oku bamulelelele, ngonehe shengile shiheka shendi wenginine mu shinangonge ha Mutena Wakukatala. Wemanine na kulaba byatikitiwa.

Yowano 1:46

Natanele wamwipwile ngayi, “Kati ku Nazaleta kukutwesha kufuma shuma shashiwahe ndi?” Fwilipu wamukumbwile ngayi, “Yeka umone.”

Yowano 7:42

Byatikitiwile bikwamba ngayi Kilishitu ukafuma ku liziko lya Ndavita, ku lukena lwa Mbetelehema oku ekalilenga Ndavita.”

Lute 1:19

Bayilenga wubili wabo hantu noho bakakumine ku Mbetelehema. Oho bakumine, baha munzi nimwabo bawahililile, pe bakazi bakomokele na kwamba ngayi, “Kati ou nengi Naomi ndi?”

Lute 2:4

Oho kwapitile shikati Mbowazi wakumine kufuma ku Mbetelehema. Washangwishile bakamilimo na kwamba ngayi, “Nyambi ya Ngula ekale nenu.” Bakumbwile ngayi, “Nyambi ya Ngula amitandalishe.”

Lute 4:11

Niho bantu nimwabo na bantwamina bambile ngayi, “Tuli bapaki.” Pe bantwamina bambile ngayi, “Nyambi ya Ngula mwanga atandalishe mukazobe kwinga ngonehe Lakele na Leya aba babelekele bana babengi kuli Yakobo. Obe mwanga winge wakuheta mu mukoka wa Efulata na kuya mpupo mu Mbetelehema.

Lute 4:17

Bambuyama baya bazikilenga nabo hahepi kuyo batumbile mwana ngayi Ombendi. Batongwezele bantu nimwabo ngayi, “Mwana wamulume unahemuwu kuli Naomi.” Ombendi wengile tata Njeshe, ou wengile tata Ndavita.

1 Shamwele 16:1

Nyambi ya Ngula wambile kuli Shamwele ngayi, “Kati ukulinyengela bishini shikati shashitali hali Shaulu, hiwumona ngayi namukanakale kwinga mwene wa Ishalela? Ngoboni haya leta mushashi wa mazi akuwaba pe uye ku Mbetelehema kuli muntu ukutumbiwa ngayi Njeshe, ndaba na hataho umo ha bana bendi babalume kwinga mwene.”

1 Shamwele 16:4

Shamwele watendele eshe amutongwezele Nyambi ya Ngula, pe wayile ku Mbetelehema, bakakutwaminina munzi bezile na kumushimbawila hibalikankila, pe bepwile ngayi, “Kati oku kunengi kuzingula kwa ku mwena ndi?”

1 Shamwele 17:12

Ndavita wengile mwana Njeshe, wengile Kaefulata waku Mbetelehema mu Yunda. Njeshe wekalile na bana babalume mutanu na bahatu, ha shikati sha kulela kwa Shaulu, Njeshe wengile kakulukazi shikuma.

1 Shamwele 17:58

Shaulu wamwipwile ngayi, “Kati uli mwana yani obe kanuke?” Ndavita wakumbwile ngayi, “Nili mwana mukamulimo wobe Njeshe waku Mbetelehema.”

1 Shamwele 20:6

Ndi tatiyobe ukatosha ngayi ami kowa, pe ukamutongweze ngayi, ‘Ndavita wanyepa ngovu za kwitukila ku munzi ku Mbetelehema, ndaba nisho shenga shikati sha nkombela yaha mwaka ha mwaka ya ba lupashi lwabo nimwabo’.