Hoshiya 9:3 - Libuka Lya Kuyela

³ Kukekala mu litunga lya Nyambi ya Ngula bafwako, ngoboni Efulemu ukaboka ku Engepita, pe bakalyanga byakulya bya shizila mu Ashiliya.

Hoshiya 9:3 Iomraidhean Croise

1 Bamyene 9:7

nikafumisha bantu bami Baishalela mu litunga lino na bapanikile pe kami nikashiya lino litala lyami elye nafungwile ngayi bakandemeshelengamo. Bantu kuti na kuti bakahendola Baishalela na kubakenda.

2 Bamyene 17:6

Mu mwaka wa mutanu na yinaa wakulela kwa Hoshiya, mwene wamunene wa Ashiliya wapukwile Shamaliya, watwalile Baishalela ku Ashiliya mukwinga bantapwa, wayakile bamo mu lukena lwa Hala na bamo kwakwipi na shibumbo sha mushinzi wa Hamba mu litunga lya Ngozani kami bamina mu zinkena za Mendiya.

Yelemiya 16:18

Nikabashushula shikuma ndaba ya kuluwa kwabo na wubi wabo, ndaba banabipishi litunga lyami na tunankishi twa wunyengwe twa kubula wumi, banenzalishi litunga lyami na banyambi ba mahalo.”

Yelemiya 2:7

Nakutwalile mu litunga lya wilo ngayi mwanga ulikuwe mikabo, na byabiwahe nimwabyo byekalamo. Ngoboni oho benginine mu litunga lyami balibipishile, pe bafutwile likona lyami kwinga lya wunyengwe.

Malila 5:6

Ha kuwana byakulya byabingi, twayile na kunyepa ku Engepita naku Ashiliya.

Ezekiyele 4:13

Nyambi ya Ngula wambile ngayi, “Oho nikupanzanishila baka Ishalela mu matunga ashenge nehe bene nisho bakalyenga byakulya biya zikukanisha ndayano.”

Ndanyele 1:8

Ndanyele waliyatile niye mwine mu mutima wendi ngayi kulizilulula na byakulya alyanga mwene hinge na waine anwanga mwene wufwako. Ndanyele wepwile Ashepanazi shilolo wa mukulwane kumwitabilisha ngayi hinga alibipisha mu nzila eye.

Hoshiya 11:11

Bakeza na kukanka nehi tuyoni twa Engepita, kami nehi matela aku Ashiliya. Nikababwesha ku minzi yabo kami. Eshe nisho anamba Nyambi ya Ngula.

Hoshiya 11:5

“Bakabokela ku litunga lya Engepita, pe Ashiliya ukenga mwene yabo, ndaba banakana kutengulukila kukwami.

Hoshiya 7:11

Efulemu nengi ngo nkilimba wakuyeba wakubula ngana, ukwihana Engepita na kwitukila ku Ashiliya.

Hoshiya 7:16

Banabokele kulemesha nyambi wakubula ngovu. Banengi ngo shipando sha mukunzi shinatentebele. Babilolo babo bakawa ku mukwale, ndaba ya lihandu lya zindimi zabo. Ndaba yanebye bantu ba mu Engepita baka bahepa.”

Hoshiya 8:13

Bahaka zinkombela ba kukombelela nyama pe hiba kulya nyama ya nkombela, ngoboni Nyambi ya Ngula ku wahilila nabyo ufwako. Haya ukanuka wubi wabo na kubashushula, pe bakaboka ku Engepita.

Hoshiya 9:6

Hinge ndi bakatina kuloba, Engepita ukaba kungulula na Memfwishi ukabafunda. Mutwampuku ukamena haya hekalile shiliva, na mihongela yikamena mu zintanda zabo.

Balevi 18:28

Pe ndi mu Kubipisha litunga, likamikana, ngonehe lyakanine baya bantu bekalilengamo ha kutatika.

Balevi 20:22

Nyambi ya Ngula wambile ngayi, “Lamenu kufundiziza kwami nimwako na ndayano zami nimwazo, ngayi mwanga litunga lya Kenaani omu nikamitwala likabule kumi kana.

Balevi 25:23

Kaliha munafwanini kulandishilila limvu ndaba kaliha lyenga lyenu, nilyo linengi lyami, kami enu munafweke ngo bayeni na mapukwenda aba banetabilishiwi kulimamo.

Amoshi 7:17

Haya Nyambi ya Ngula unakwamba kukwobe ngayi, ‘Mukazobe ukenga walwiholwiho wamu lukena, kami bana bobe babalume nanaba ba bambuyama, bakafwa na mukwale, litunga lyobe likapimiwa na kupanikiwa ku bantu bashenge, obe kami ukafwila mu litunga lya bashenge. Baishalela bakatwaliwa mu wuntapwa kwakutali na litunga lyabo lya shihemwa.’”

Mika 2:10

Katukenu, muye. Kuno hikowa mwanya waku kwangulukila, ndaba wubi wenu unaleteshe ngayi lino litunga lilobeshiwe.

Milimo 10:14

Ngoboni Pita wambile ngayi, “Byo Mwene! Ndaba hinga natanga shilolo nilye shuma shimo sha mazilo hinge sha kubula kuyela.”

Ndayano 28:63

Ngonehe shiya Nyambi ya Ngula awahililile ha kumitumpula na kumi hanyisha, nohobene nisho kami akawahilila ha kumilobesha. Mukafumishiwa ku litunga liya muli na kushinga kutambula.

Ndayano 28:68

Nyambi ya Ngula ukamibwesha ku Engepita mu mato amanene, hinge ndi wakulupishile ngayi kukamibwesha ku Engepita wufwako. Niko mukashinga kulilandisha enu bamwine kubamalamo benu kwinga bandungo babalume na bambuyama, ngoboni kowa muntu ukashinga kumi landa.”

Ndayano 4:26

Nikwihana liyilu na hanci mukwinga paki kukwenu lelo, ndi mu kubula kunyombatala mukazimina mu litunga. Kukehala mu litunga lya mu nciza ya Yondana liyo muli na kuya mu kutambula mufwako. Mukalobeshiwa nimwenu kulungu.

Yoshuwa 23:15

Ngoboni ngonehi shiya alamine bikulupisho nimwabyo biya a kulupishile kukwenu, pe niye kami ukaleta kashushwilo nimwako kukwenu, hantu naminongeshe muno mu litunga lyaliwahe anamipaniki.