Hoshiya 8:8 - Libuka Lya Kuyela

⁸ Ishalela unaminiwi haya uli mukati ka matunga anafweke ngo shuma showa.

Hoshiya 8:8 Iomraidhean Croise

2 Bamyene 18:11

Mwene wamunene wa Ashiliya, watwalile Baishalela ku Ashiliya kwinga bantapwa na kuyaka bamo mu munzi wa Hala na bamina kwakwipi na mushinzi wa Hamba mu litunga lya Ngozani na bamina mu minzi ya Mendiya.

Ishaya 30:14

kubunkoka kwalyo kukafweka ngo nyungu ya lima ya kubumba, eye yacancoliwanga na kubula kuyiyuvwila nceshe, kami ku bibanku byayo kowa bikawaniwako bya kukalila mundilo ha liziko, hinge sha kutekwisha mema mu lishima.”

Yelemiya 22:28

Yelemiya wambile ngayi, “Kati mwene Yehoyakini wafutukakale kwinga ngonehe ntesho ya kupabuka yinayumbiwili kwakutali ya kubula muntu wakuyishinga ndi? Shumangani bana bendi bakayumbiwa na kubatandila mu litunga babula kulimuka?”

Yelemiya 25:34

“Tuwenu mbingo enu bantwamina, lilenu shikuma na kukuwela. Enu balishani ba bantu bami, lilenu na kulivumba mu mutoko. Shikati shenu sha kuzihiwa shinakumu, mukawa hanci na kupanzana ngonehi ya wanga ntesho yayiwahe.

Yelemiya 48:38

Habihoke nimwabyo bya matala amu Mowambi na mu zimbanza muli tuhu mbingo, ndaba ninacancozolo Mowambi ngo ntesho yinanyikwiwi ku muntu nimwendi.”

Yelemiya 50:17

Bantu ba Ishalela banafweke ngonehe bambelele banatandiwi na kupanzanishiwa ku bimbwi. Ha kutatika babalwishile kuli mwene wamunene wa Ashiliya. Wamamaninino kumbulukuta bifupa wengile Nembukandineza mwene wa Mbambiloni.

Yelemiya 51:34

Bantu bamu Yelushalema bakwamba ngayi, “Mwene Nembukandineza wa Mbambiloni, unaketulu kami unatucancolo. Unatwingi ngonehe zintesho za kubula byuma. Unatumini, ngonehe liyoka wamunene, washimbile nimwabyo ebye ashingilenga na kuyumba biya abulile ku shinga.”

Malila 2:16

Bamalamo bobe nimwabo bali na kukuhandula na kukuhengamina. Bakulikumba mayewe na kufooma hibamba ngayi, “Tunalulobeshe. Ou niwo mutena twatatilililenga.”

Malila 2:2

Nyambi ya Ngula walobeshele minzi nimwayo ya Yakobo kwa kubula kubayuvwila nceshe, mu wukali wendi wawishilile hanci bipata nimwabyo biya byalamine litunga lya Yunda, wayuvwishile lisheni wene na batulela babo.

Malila 2:5

Nyambi ya Ngula, wafutukakale ngonehe kamalamo, nalobeshe Ishalela. Nashiyi zinkena nimwazo na bipata mu mapembe. Nalete wunginga ha bantu bamu Yunda wakubula kumana.

Malila 4:2

Bandumbana ba Ziyoni bengile babawahe ngonehe mamanya a ngolinde kukwetu, ngoboni lelo bali na kubatendesha milimo ngonehe zinyungu za lima za kubumba.

Malila 5:2

Likona lyetu linapanikiwi ku bayeni, bakakwenda bali na kwikala mu matala wetu.

Ezekiyele 36:3

Haya yanga ukabalubulwile pe ukambe ngayi, “Nyambi ya Ngula ukwamba ngayi, oho bamalamo benu bamipukwile na kumi lyatilila kuzimbalila nimwazo pe mwengile likona lya matunga nimwawo, bantu batatikile kumi kendula na kumitungula.

Balevi 26:33

Nikaleta nzita hahenu na kumipanzanishila mu matunga ashenge na mukwale hinga wekala ha nyima yenu. Litunga lyenu likashala ha nahiya. Minzi yenu yikashala mapembe.

Baloma 9:22

Na Nyambi kami nisho ali. Washingile ku monesha wukali wendi na kulimukisha ngovu zendi. Ndaba ya noho walehelele na kutatilila shikuma bantu aba apilaminine, aba bafwaninine kunonga.

Ndayano 28:25

“Nyambi ya Ngula uketabilisha bamalamo benu ngayi bamikome. Mukabalwisha ku mbalila yimo, ngoboni mukatinina ku zimbalila mutanu na zibili, pe bantu nimwabo ba hanci bakabazumuniwa oho bakamona ebye bikamizilila.

Ndayano 28:64

“Nyambi ya Ngula ukamipanzanishila mukati ka mikoka nimwayo, kubalika kunkumo yimo ya kaye kutwala kunkumo yamina, kami kuyo mukalemeesha banyambi ba kubaza ha bitondo na mamanya, banyambi baya mwabula kulimuka hinge bankakazenu.