Hoshiya 8:7 - Libuka Lya Kuyela

⁷ “Baishalela ba kubile mpepo, pe bakateza kakundukundu. Mowa mpeka mu lutende lwa kwimana. Kukayima byakulya lufwako, hinge ndi lukayima bayeni bakalulya.

Hoshiya 8:7 Iomraidhean Croise

Shitatiko 41:23

Niho kami namonene mapumpwa mutanu na abili, niwo enga akunyata akulebuka na mpepo ya ku mushamuko.

2 Bamyene 15:19

Tingilati Pilesha mwene wamunene wa Ashiliya, wakatukilile mutakwe ba Ishalela pe Menahema wamupanine makilo 34,000 a shiliva ngayi amuyavwe mu kushumisha ngovu za wene wendi.

2 Bamyene 15:29

Nisho shengile shikati shiya Peka engile mwene, oho Tingilati Pilesha mwene wamunene wa Ashiliya apukwile zinkena za Yiyoni na Abele Mbeti Maaka na Yanowa na Kendeshi na Hazola na matunga a Ngiliyande na Ngalileya na Nafwitali, pe washimbile bantu na kubatwala ku Ashiliya mukwinga bantapwa.

Yobo 4:8

Namono bantu balimanga byabibi, na kukuba mbuto ya kuluwa, batezanga biya bana shanga.

Zincimpi 22:8

Muntu ukushanga kuluwa ukateza makando, pe kuyandisha kwa baminobe kukamana.

Mukakushimikila 5:16

Naneshe kami sha kukolesha ku mutima. Shakwinga ngayi ngonehe ezile nisho kami akaya, haya unawanaho bishini ha mulimo wendi wakutanda mpepo?

Ishaya 17:11

hinge ndi ngayi yikazobela na kukula wowo mutena mukayishanga, na kuyaka ntemo kulumenemene luya mukayishanga, kowa ebi mukateza. Kukekala tuhu malweli na kukola kwa kubula kumana.

Ishaya 55:2

Bishini mu kubipishila mali, ha byuma bya kubula kulya, na Kubipisha ngovu zenu, ha bya kubula kwikutisha? Yuvwililenu shiwahe ebye nikwamba, pe mu kulya byabiwahe na kulikuwa bya mazi.

Ishaya 66:15

Monenu, Nyambi ya Ngula ukeza mu mundilo, na makoloyi wendi akenga ngo kakundukundu, ngayi akabatokomokele na kupilama kwendi, na wukali akabambile na milangi ya mundilo.

Yelemiya 12:13

Bantu bami bashangile loto, ngoboni banateze mihongela, banalikwangishi na milimo, ngoboni kowa ebye banawana. Bakayuvwa lisheni hanebye bakateza, ndaba ya wukali wa Nyambi ya Ngula.”

Malila 5:2

Likona lyetu linapanikiwi ku bayeni, bakakwenda bali na kwikala mu matala wetu.

Hoshiya 2:9

Nohobene nikashimba byakulya byami oho byahokakale na kushimba waine na wushako waha bambelele bami na makwiza ami awa namupanikile, ngayi afwike muhelengwa wendi.

Hoshiya 7:9

Mapukwenda ba kumuyangula ngovu zendi niye hinga abula kulimuka wakulakale ni nzimvwi ku mutwe too, ngoboni kulimuka noho ufwako.

Hoshiya 9:16

Efulemu unandiwi, mipishi yabo yinayumu kukayima kami mikabo yifwako. Hinge ndi bakayima mikabo, nikaziha bana babo baya bahaka.”

Nahumi 1:3

Nyambi ya Ngula mukakwihala kupilama, kami wenga wamunene ku ngovu, kami Nyambi ya Ngula kuleha nahiya bakamilandu na kubula kubayata ufwako. Nzila yendi yekala mu kakundukundu namu nkuli, pe makumbi enga lukungu lwaku mawulu wendi.

Hangayi 1:6

Mwa kunine mbuto yayingi, ngoboni munateze byabishe, mu kulya, ngoboni kwikuta mufwako, mu kunwa, ngoboni linyontwa kumana lifwako, mu kuvwala, ngoboni kuyuvwa kutukuma mufwako, mukamulimo ukutambula mali, ngoboni ukuyaka mu shipawupawu sha matubwa.

Ngalatiya 6:7

Hinga mulyongeza, Nyambi kaliha ukwongeziwa. Ndaba nimwasho akukuba muntu, nisho kami akateza.

Ngalatiya 6:8

Ndaba muntu ukukuba bya mahungu amabi a wuntu, ku nawa mahungu ukateza lufu. Ngoboni muntu ukukuba bya kuwahililisha Moyo, pe ku Moyo ukateza wumi wa mwaya myaka.

Ndayano 28:33

Matunga a mapukwenda ukashimba byakulya nimwabyo biya munatengelele shikuma ha kubilima, mukafumaho mabokoboko, ndele kuyandishiwa shikuma na kwikalishiwa na shilala sha kubula kukatala.