Hoshiya 8:6 - Libuka Lya Kuyela

⁶ Kaya kanankishi kaliha kengile Nyambi. Muntu wa wutungu wafumine ku Ishalela niye wakatendele. Kaya kanankishi kaku Shamaliya kakacancoliwa.

Hoshiya 8:6 Iomraidhean Croise

2 Bamyene 23:15

Yoshiya wabunkwile kami mwanya wakulemeshela mu Mbetele, owe azikile Mwene Yelombowami mwana Nembati, ou washanwishile Ishalela mu wubi. Yoshiya wanyemwine kaala na kupabola mamanya wako hanihani, pe wabitwile muhunga, kami wahokeshele mpangwa ya shifwekesha sha nyambi wa mbuyama Ashela.

2 Bamyene 23:19

Mwene Yoshiya wabunkwile myanya nimwayo ya bakakulemesha banyambi bowa mu minzi nimwayo ya Ishalela eye bazikilenga bamyene bamu Ishalela, baya bashonkomwene wukali wa Nyambi ya Ngula. Wabunkwile tula nimwato ngonehe shiya atendele mu Mbetele.

2 Byambo 13:8

Pe haya enu munafungu kulwisha ngovu za wene ziya Nyambi ya Ngula apanine ku bazukulya Ndavita. Enu muli na nzita yayinene, kami muli na bankunzi ba ngolinde baya abumbile Yelombowami kwinga banyambi benu.

2 Byambo 31:1

Oho shimbo shamanine, bantu nimwabo ba Ishalela bayile ku minzi nimwayo yamu Yunda na kubunkola zimpangwa za mamanya za kulemeshela banyambi bowa na kuketozola tunankishi twa nyambi wa mbuyama Ashela, pe balobeshele tuula na myanya yaha binkanda ya kulemeshela banyambi bowa. Batendele kami shuma shimo mu litunga lya Yunda nimwalyo namu matunga a Mbenjamani na Efulemu na Manashe. Niho nimwabo babokele ku minzi yabo.

Yelemiya 10:14

Bantu nimwabo banengi bakuyeba, na kubula kalimukisho. Bamfuzi nimwabo banayeneshiwi na tunankishi twabo, ndaba banyambi babo ba mahalo kami wumi bafwawo.

Yelemiya 48:13

Nohobene, Mowambi ukayuvwa lisheni kuli nyambi yendi Kemoshi, ngonehe baka litala lya Ishalela bekalile na lisheni oho bakulupilile Mbetele.

Yelemiya 50:2

“Shimika na kubilika ku matunga, katula ndembela, kami ubilike lizu, hinga ulimbalyo, ngoboni wambe ngayi, ‘Mbambiloni unakoniwi. Mbelu unayeneshiwi, Melondaki unashampuliwi. Bifwekesha byendi binayeneshiwi, tunankishi twendi tunashampuliwi.’

Hoshiya 10:2

Mitima yabo yikwinga ya mahalo ku meho a Nyambi. Haya bali na mulandu Nyambi ya Ngula ukamungozola tuula twabo na kulobesha mamanya abo akulemeshela anemana.

Hoshiya 13:2

Nihano bashili kutenda wubi, banatende tunankishi twa kuyungulula ha shiliva. Tunankishi tunatendiwi na bantungu bakwamba ngayi, “Tupulenu zinkombela kukwabo, lemeshenu tunankishi twa bana ba zingombe pe mutuzupezupe.”

Hoshiya 14:3

Ashiliya kukatulamwina ufwako, kukandama bambishi tufwako, pe kami kukaboka kutunankishi tunatende tufwako na kutwihana ngayi Nyambi, ndaba mumwobe nimo banginga ba kuwana nceshe.”

Mika 1:7

Tunankishi twendi tukacancoliwa, wuheti nimwawo ukahokeshiwa na mundilo, pe tunankishi twabo nimwato nikatulobesha, Shamaliya wahetele ebye mu nzila ya wunjenge. Bamalamo bakabishimba kuya na kuyumba wunjenge kwashenge.”

Hambakuki 2:18

Kati tukuwana bishini ku kanankishi, oho mukakukabaza wakabazakale shifwekesha sha kanankishi kakuyungulula, uku longesha bya mahalo. Ndaba ou wakabazile unakulupili muneshe atenda niyemwine mu kaya kanankishi ka shimumu.

Milimo 17:29

“Nohobene ndaba ngayi tuli bana ba Nyambi, kaliha twafwanina kuhanganika ngayi Nyambi ukufweka ngo ngolinde hinga shiliva, hinga limanya lya ku baziwa na kukeya kwa muntu.

Milimo 19:26

Munamono na kuyuvwa ebye akutenda ou muntu Paulu. Niye ukwamba ngayi banyambi ba kutendiwa ku bantu kaliha banyambi. Unashanwishi bantu babengi, kami kaliha ku Efweshe tuhu ngoboni na litunga nimwalyo lya Esha.