Hoshiya 8:1 - Libuka Lya Kuyela

¹ Nyambi ya Ngula ngayi, “Shiba mpandula yobe, ndaba kamalamo ukwiza ngonehe ngonga ha litala lya Nyambi ya Ngula, ndaba banakiluku kulimama kwami na kufutulukila mazu wami.

Hoshiya 8:1 Iomraidhean Croise

2 Bamyene 18:27

Shilolo waku Ashiliya wakumbwile ngayi, “Kati mu kuhanganika ngayi enu na mwene enu tuhu babilolo antuminine mwene wamunene mukwamba byuma nimwabyo ebye ndi? Byo! Nili na kwamba kami ku bantu aba banekala ha kembi aba bakalya byabibi bya mu zinyutu zabo na kunwa mema amu zinyutu zabo nibo bamwine, ngonehe eshe mukenga nanenu.”

Ishaya 18:3

Nimwenu enu bantu mwekala mu kaye, enu mwazika hano hanci, ndembela oho yikazikiwa hayilu ya mapili mu kuyimona, pe oho mpandula yikavuma, mukayiyuvwa.

Ishaya 24:5

Bantu bekala hanci banabipishiho ndaba shilolo bakonke mulao wa Nyambi, banahandulu mazu wendi, kami banakana kulimama kwa mwaya myaka oku balimamine nendi.

Ishaya 58:1

Nyambi ya Ngula wambile ngayi, “Bilikenu na kukuwa ngo mpandula. Tongwezenu bantu bami bya milandu yabo, baka litala lya Yakobo, bya wubi wabo.

Yelemiya 31:32

Kukalifweka ngonehe kulimama kuya nalimamine na bankakazabo oho na bakwatile na liboko, ha kubafumisha mu litunga lya Engepita kufwako. Hinge ndi nengile ngo mukokwabo, ngoboni kaliha balamine kulimama kuya nalimamine nabo.

Yelemiya 34:18

Bantu aba banatende shibi ha kulimama kwami, kaliha balamine mwayila kulimama kwabo na nami, nikabatenda ngo mwana ngombe banatabulu hakati.

Yelemiya 4:13

Mona, kamalamo ulinakwiza ngonehe makumbi, makoloyi wendi a nzita anengi ngonehe kakundukundu, bambishi bendi ba lubilo shikuma kupitakana bangonga. Makando wetu! Ndaba twalobakale.

Yelemiya 4:5

Bilikenu mu Yunda na kukuwa mu Yelushalema na kwamba ngayi, “Shibenu mpandula mu litunga nimwamo, bilikenu na kukuwa ngayi, ‘Tulikungululenu, mwanga tuye mu zinkena za bipata.’

Yelemiya 48:40

Nyambi ya Ngula ukwamba ngayi, “Monenu, kamalamo ukafwika Mowambi ngonehe ngonga atandubulanga mbando zendi ha kutuka.

Yelemiya 49:22

Kamalamo ukafwika Mbozila ngonehe ngonga atandubulanga mbando zendi ha kutuka. Ha mutena uyo bakanzita ba Endoma bakekala na mutentu ngonehe mbuyama uli na kubeleka.

Yelemiya 51:27

“Katula ndembela yobe ya shilimukisho sha nzita mu litunga nimwamo, shiba mpandula mukati ka mikoka, wambe na matunga, mwanga baliwahishile kulwisha Mbambiloni. Yihana wene waku Alalata naku Mini naku Ashikenazi, beze na kulwisha Mbambiloni, hata mukakutwaminina nzita. Tuma bambishi, mwanga benge ngonehe libimbe lya mikumbi.

Yelemiya 6:1

Nyambi ya Ngula ukwamba ngayi, “Enu bantu ba Mbenjamani tinenu fumenu mu Yelushalema. Shibenu mpandula mu Tekoya, kami katulenu shilimukisho sha mundilo ha lipili lya Mbeti Hakilemu, ndaba makando na kulobeshiwa kwa litunga bili na kwiza, kufuminina ku ncelele.

Ezekiyele 11:4

Nohobene, mwana muntu lubulula mu kubanyanca.”

Ezekiyele 16:59

Nyambi ya Ngula ukwamba ngayi, “Nikakushushula kuya naneshe shakufwanini, ndaba wavulamine bikulupisho byobe na kukiluka kulimama.

Ezekiyele 17:3

ngayi balimuke eshe nikwamba Ami Nyambi ya Ngula kukwabo. Kwekalile ngonga wa lilengwalengwa wa mbando zazinene za kutandubuka. Niye wekalile na mahako a mishombela yayingi. Watukile kuya ku lipili lya Lembanoni niho apokwele mutwe wa mutondo wa shinda.

Ezekiyele 7:14

Bashibile mpandula, pe nimwabo ba kuliwahisha, ngoboni kowa muntu wakuya ku nzita, ndaba wukali wami ukawila bantu nimwabo.”

Hoshiya 4:6

Bantu bami bali na kuloba ndaba ya kubula kalimukisho. Unengi mulandu wenu bakankombela, ndaba enu mukukana ku ndimuka. Haya na nami nili na kumi kana kwinga bakankombela bami. Pe ndaba mu navulama mulao wami, Ami kami nikavulama bana benu.

Hoshiya 5:8

Shibenu mpeta mu Ngimbiya, shibenu mpandula mu Lama. Bilikenu mu Mbeti Abeni ngayi, nyoho, obe Mbenjamani.

Hoshiya 6:7

“Ngoboni nehe Andama, banapokolo kulimama, bengile bakubula kwoloka kukwami.

Hoshiya 9:15

Nyambi ya Ngula ngayi, “Mu Ngilingale nimo muli byabibi byabo byabingi, nimwawo natatikile ku bazimba. Ndaba ya kuluwa kwa ntendelo yabo, nikabatanda mu litunga lyami. Kukabahaka kami nifwako nihani, babilolo nimwabo banengi bakakufutulukila.

Yowele 2:1

Shiba mpandula mu Ziyoni, mbeta ngongi ha lipili lyami lya kuyela, mwanga nimwabo bazika mu litunga lya Yunda bakanke, ndaba mutena wa Nyambi ya Ngula uli hahepi.

Yowele 2:15

Shiba mpandula mu Ziyoni, kungula bantu na kubatongweza ngayi bazile kulya,

Amoshi 3:6

Kati bantu, kutwesha kutina bafwako ndi mpandula yikutendoka mu lukena? Kati makando akutwesha kuholoka mu lukena, oho Nyambi ya Ngula shilolo awetabilishe ndi?

Amoshi 8:3

Ha mutena uyo nyimbo za mu Litala lya Nyambi, zikenga za mbingo, nimwamo mukakwalama mituntu ya kufwa, iya yikayumbiwila mu mwanya nimwamo hinga kwa mwena.

Amoshi 9:1

Namonene Mwene Mpandashilanga hinga emana kunkumo ya kaala, pe wambile ngayi, “Kama hayilu ya zimpangwa za Litala lya Nyambi, mwanga mwimbi walyo unyenkane, ziwishile ha mitwe ya bantu nimwabo, pe aba bakashalaho nikabaziha na mukwale. Kowa hinge umo uketuka, hinge kupanza.

Hambakuki 1:8

Bambishi babo bafukumukanga kupitakana batumpulu, bali na wukali shikuma kupitakana bambinzi ba mazolo, bakakukandamaho bendeshanga na mishindo. Ee, bakakukandamaho bafumanga kwa kutali, batukanga ngonehe bangonga ba ku fukumukila mu kukwata.

Zefwaniya 1:16

Mutena wakuvuma kwa mpandula na miyoyo ya nzita na kulwisha zinkena zekala mu bipata na baya bali kuyilu ya tupeshi.

Zakaliya 11:1

Shinkulula bihala byobe, obe Lembanoni, ngayi mwanga mundilo utweshe kuhokesha mitondo yobe ya shinda.

Zakaliya 9:14

Niho Nyambi ya Ngula ukabaholokela, na muvwi wendi ukapita ngo lumuni lwa mvula. Mwene Nyambi ya Ngula ukashiba mpandula, pe ukendela mu nkuli yaku mabukubuku,

Mateo 24:28

“Oku nimwako kuli mutuntu, niko akungulukilanga makubi.

1 Kolinte 15:52

wanguwangu, mu kukopola kwa liho, ha ntolombita yaku kotoka, ndaba mpandula yikavuma na bafu bakashanguka na kubula ku bola nanetu tukafutuka.

Ndayano 28:49

Nyambi ya Ngula ukaleta kukwenu litunga lya kumi lwisha lya kwakumina kaye, litunga elye mwabula kulimuka lulimi lwalwo. Bakamihukula nehe ngonga.