Hoshiya 7:4 - Libuka Lya Kuyela

⁴ Nimwabo aba bakubula kwoloka, nzimbo yabo yinengi ngo shivulu shinabeye shikuma, ou mukakuvuba mankende a kubula kutwesha kupembezela, hantu noho muvuba wa linkende unatunduluku.

Hoshiya 7:4 Iomraidhean Croise

Yelemiya 23:10

Litunga linenzala na baka wumambe, ndaba ya shikuto sha Nyambi ya Ngula, litunga lili na kulila ndaba ya mabuyishilo walyo anayumu. Nimwabo banakutenda byabibi ba kutwalililaho kutenda bya kubula ku fwanina.

Yelemiya 9:1

Shinga ngayi mutwe wami, wenga lishima lya mema, na meho wami enga kaheloke ka mihozi, shinga nikalila mwaana na wushiku, ndaba bantu bami bazihiwakale.

Yelemiya 9:2

Shinga ngayi nili na ntanda ya kukatalila mu libelelengwa, shinga ninashiyi bantu bami, ngayi nikekale kwakutali nabo. Ndaba nimwabo banengi bakakutenda bya lwiholwiho, bakakulikungulula mu kwamba bya kuyeba.”

Hoshiya 4:10

Nohobene bakalya ngoboni kukekuta bafwako, bakalala na balwiholwiho, ngoboni kukavula bafwako, ndaba banakana kuyuvwilila Nyambi ya Ngula.”

Hoshiya 4:12

Bantu bami bakuya na kwipula shitondo, ngayi shibatongweze mwa kutendela. Kubuka mwa shikuma niko kwezanga mu mitima yabo. Banankana. Ngonehe mbuyama akwinga walwiholwiho, banalipana nibo bene ku banyambi bashenge.

Hoshiya 4:2

Muli tuhu kuli beza kwa mahalo, kuziha na linyawe, mishunga yina konkana kuti na kuti, pe bantu ba kuliziha shikati nimwasho.

1 Kolinte 5:6

Kufwanina shifwako ngayi enu muliyemeze. Kati mufwako kulimuka biya byambiwile ngayi, “Mumena wawushe ukutundulukisha muvuba nimwawo?”

Yakoba 4:4

Enu balume na bakazi bakubula kukulupila! Mufwako kulimuka ngayi wuhoni wa kaye wenga nkole na Nyambi ndi? Nohobene nimwendi ukushinga kwinga muhoni wa kaye ukwinga mukankole wa Nyambi.