Hoshiya 7:3 - Libuka Lya Kuyela

³ Nyambi ya Ngula ngayi, “Bantu bababi bakwongeza mwene na babilolo bendi na biyongola byabibi.

Hoshiya 7:3 Iomraidhean Croise

1 Bamyene 22:13

Ha shikati oshobene, shilolo uya wayile mu kuleta Mikaya, wakamutongwezele ngayi, “Bamiluwe bamina nimwabo banalubululu bya kukoma kwa mwene, pe nobe kami shikawaha kutenda shuma shimo.”

1 Bamyene 22:6

Nohobene Ahambu mwene wa Ishalela wehanine bamiluwe bakushinga kulingana 400, kami wabepwile ngayi, “Kati nikutwesha kuya na kulwisha lukena lwa Lamoti Ngiliyande hinge ndi byo?” Bakumbwile ngayi, “Kalulwishe. Nyambi ya Ngula ukakupana kukoma.”

Yelemiya 37:19

Kati balikuti bamiluwe bobe aba balubulwile kukwobe ngayi mwene waku Mbambiloni kukeza na kukulwisha wufwako hinge kulwisha litunga lino?

Yelemiya 5:31

Bamiluwe ba kulubulula bya mahalo, bakankombela ba kutwaminina mu ngovu zabo nibo bamwine, kami ebye nibyo bakushinga bantu bami. Haya mukatenda nahiti ku mamaninino?

Yelemiya 9:2

Shinga ngayi nili na ntanda ya kukatalila mu libelelengwa, shinga ninashiyi bantu bami, ngayi nikekale kwakutali nabo. Ndaba nimwabo banengi bakakutenda bya lwiholwiho, bakakulikungulula mu kwamba bya kuyeba.”

Hoshiya 10:13

Ngoboni munashanga wubi, pe munateze bya kubula kwoloka, munali mikabo ya mahalo. “Muna kulupili mu makoloyi enu na mu wingi wa bantu benu bangovu.

Hoshiya 11:12

Nyambi ya Ngula ngayi, “Bantu ba Efulemu bananzinguluku na mahalo na kwongeza, ngoboni bantu ba Yunda bakwenda na Nyambi nakwinga bakukulupila ku ba kuyela. Ami Nyambi Wakwoloka na kuyela.”

Hoshiya 4:2

Muli tuhu kuli beza kwa mahalo, kuziha na linyawe, mishunga yina konkana kuti na kuti, pe bantu ba kuliziha shikati nimwasho.

Hoshiya 5:11

Efulemu uli na kuyandishiwa, pe banamunyomweshe ha kuyatishiwa, ndaba washinga kulemesha tunankishi.

Hoshiya 7:5

Ha mutena wa mayambwayambwa a mwene, niye hamo na babilolo bendi babakolweshele shikuma, pe mwene watatikile kwinga wuncengwe na bantu.

Mika 6:16

Munalama biheka byabibi bya Omili na milimo nimwayo ya baka litala lya Ahambu, kami mukwenda mu ngana za nyendelo yabo, nohobene nikamilobesha na bantu benu nikabafutula mashilawizo, matunga akamikendula.”

Mika 7:3

Maboko wabo akulalabila kutenda byabibi. Babilolo na bakakuyata, bakushinga lizika kanwa. Bakulwane ba mpupo, bakwamba byabibi bili mu mitima yabo, nimwabo banaliwaniki hamo.

Baloma 1:32

Hibalimuka ngayi mazu a Nyambi akwamba ngayi bantu ba kutenda byuma bya noho, ba ku fwanina kufwa. Ngoboni hinge ndi hibalimuka, kaliha ba kutenda tuhu ebye byuma, ngoboni ba kuyamiziza baminabo baya ba kutenda byuma bya noho.

1 Yowano 4:5

Nibo benga bakakaye, nohobene bakwamba bya kaye, kami kakubayuvwa.