Hoshiya 7:2 - Libuka Lya Kuyela

² Ngoboni bafwako kuhanganika ngayi nanuka milimo yabo nimwayo yayibi. Wuluno wubi wabo una zinguluku ku meho ami.”

Hoshiya 7:2 Iomraidhean Croise

Yobo 34:21

Ndaba Nyambi wapenzanga zintambo za bantu nimwazo, wamonanga zinzila zabo nimwazo.

Nyimbo 10:11

Bakuluwa ba kulyambashana ngayi, “Nyambi unavulama, unafwiki ha meho kami ku mona ufwako.”

Nyimbo 25:7

Hinga unyanukila wubi wa wundumbana wami, hinge kuluwa kwami, nyanuke ndaba ya shishemo shobe, Obe Nyambi ya Ngula, nyanuke ndaba ya wuwahe wobe.

Nyimbo 50:22

Haya hanganikenu shiwahe ha shuma eshe, enu mwavulamanga Nyambi, ndelewa nika kutabozola, kami kowa ou eze akamilamwine.

Nyimbo 9:16

Nyambi ya Ngula unalihololo niye mwine, na nyatilo ya kupwisha. Bakuluwa banafu mu milimo ya maboko wabo.

Nyimbo 90:8

Obe wulimuka wubi wetu nimwawo, hiwulimuka na wubi wetu tukwezeka kuholeka.

Ishaya 1:3

Ngombe walimuka hekulyendi na mbongolo walimuka shililo oku alilanga hekulyendi, ngoboni Ishalela kulimuka hekulyendi ufwako, bantu bami ku yuvwishisha shimina bafwako.”

Ishaya 26:16

Obe Nyambi ya Ngula, washushwile bantu bobe, pe oho bekalile mu makando, balombelele kukwobe.

Ishaya 44:19

Kunaba bantu kowa muka kalimukisho. Kowa muka ngana, hinge muka ku yuvwishisha ukutwesha kwamba ngayi, “Nacabanga shitondo, kwinga nkuni za ku yibika mundilo, nayohangaho mankende na nyama iya na lyanga, haya kati nafwanina kubaza kanankishi ha shitondo shiya shina shalaho ndi? Kati nafwanina kufunkamina shivutu sha shitondo ndi?”

Ishaya 5:12

Kubimbo byenu, kuli tumbuli twatunene na twatushe na tuncingili na tunamitolilo na waine. Ngoboni mufwako kulifulankana ebi anatende Nyambi ya Ngula, hinge ku mona milimo ya maboko endi.

Yelemiya 14:10

Eshe nisho anamba Nyambi ya Ngula hanaba bantu ngayi, “Bahaka kwitukila kwakutali na nami, kami kutwesha kulilama bafwako. Haya Nyambi ya Ngula, kutwesha ku batambula wufwako. Ukanuka milandu yabo na kubashushwila wubi wabo.”

Yelemiya 16:17

Meho ami amonanga zinzila zabo nimwazo, kutwesha kuholamina bafwako. Wubi wabo kutwesha kuholama wufwako.

Yelemiya 17:1

Nyambi ya Ngula ukwamba ngayi, “Enu bantu ba Yunda, wubi wenu unatikitiwi na shitikitisho sha shondo, unamanguliwi na kambayo ka ndayimondi mu matapa amu mitima yenu naku mashengo a tuula twenu.

Yelemiya 2:19

Wubi wobe ukakushushula obe mwine, ndaba unafumu kukwami. Nohobene ukalilongesha wukalu na wubi wakufuma kukwami, ami Nyambi yobe, ha kubula kunyombatala. Nisho anamba Nyambi wa Makunge.”

Yelemiya 32:19

Wayongolanga byuma byabinene na kutenda byuma bya kukomokesha, meho aku mona ntendelo ya bantu nimwabo, wapananga ncuungu ku muntu na muntu kuya na biheka byendi naku mikabo ya ntendelo yendi.

Yelemiya 4:18

Obe Yunda unaliletelelebyo obemwine, ndaba ya biheka na zintendelo zobe. Haya uli na ku shushuliwa shikuma, kukola kukaneneha kukuma na ku mutima.”

Yelemiya 44:21

“Kati Nyambi ya Ngula kwanuka wufwako, hinge kuhanganika ha incence yiya mwahokeshelenga ku banyambi bashenge mu minzi ya Yunda na mu mikwakwa ya Yelushalema na batatizenu na bamyene benu na babilolo na bantu bamu litunga liyo ndi?

Ezekiyele 21:29

Tongweza baka Amoni ngayi bimono biya bamonanga byenga bya mahalo na ku shimikila bashimikilanga kwa kwongeza. Nibo banatende shibi bantu bababi. Mutena wa kashushwilo kabo kamamaninino unakwiza. Mukwale ukawila ha mikoshi yabo.”

Hoshiya 12:2

Nyambi ya Ngula uli na shambo na Yunda, kami ukashushula Ishalela kwezeka ngo zinzila zendi, na kubweshela kwezekesha ngo ntendelo yendi.

Hoshiya 4:9

Pe bakankombela bakenga ngo bantu ni ka bashushula nimwabo ndaba ya zinzila zabo na kubapana ncuungu kwezekesha ku milimo yabo.

Hoshiya 6:2

Kunyima ya matena abili, ukatunyongomanisha. Ha mutena wa wuhatu, uka tupindula, ngayi twikale kumbili yendi.

Hoshiya 8:13

Bahaka zinkombela ba kukombelela nyama pe hiba kulya nyama ya nkombela, ngoboni Nyambi ya Ngula ku wahilila nabyo ufwako. Haya ukanuka wubi wabo na kubashushula, pe bakaboka ku Engepita.

Hoshiya 9:15

Nyambi ya Ngula ngayi, “Mu Ngilingale nimo muli byabibi byabo byabingi, nimwawo natatikile ku bazimba. Ndaba ya kuluwa kwa ntendelo yabo, nikabatanda mu litunga lyami. Kukabahaka kami nifwako nihani, babilolo nimwabo banengi bakakufutulukila.

Hoshiya 9:9

Banalibipishi shikuma nibo bamwine, ngonehe shatendiwile ku Ngimbiya, ukanuka wubi wabo na ku bashushulilawo.

Amoshi 8:7

Nyambi ya Ngula nalibeze niyemwine, kuliyemeza kwa Yakobo ngayi, “Mwa shikuma kukavulama hinge shuma shimo kunebye batendele nifwako.

Yona 1:2

“Katuka uye ku Neniva, lukena lwalunene, pe ukabilike ndaba ya kuluwa kwalyo.”

Kulaba 32:23

Ngoboni ndi kulama shikulupisho shenu mufwako, monenu mukenga baka kubipishila Nyambi ya Ngula. Hinga mu pocakana ha shuma eshe, muka shushuliwa ha wubi wenu. Pe anukenu ngayi wubi wenu ukamiwana.

Luka 12:2

Kowa sha kufwika shikabula kufwikuluka, hinge sha kuholeka shikabula kulimukiwa.

1 Kolinte 4:5

Nohobene hinga muyata muntu, oho shikati shilolo shikume, tatililenu hantu Mwene unezi, ou ukaleta ha mwaana byuma bya mincimpwe byaholekiwile, pe ukamonekesha bihanganiko bya mitima ya bantu, niho muntu nimwendi ukatambula kuli Nyambi kuyemeza kunamufwanini.

Ndayano 32:29

Shinga ngayi bengile ba kukeya, shinga bayuvwishishile eshe, na kulehasho ha ku mona osho akekala.

Bahebelu 4:13

Kowa shibumbwabumbwa shikaholama ku meho a Nyambi, ngoboni byuma nimwabyo bya kulengiwa binafukuluku na ku shinkuluka ku meho wendi ou ukaholola milimo yetu nimwayo.