Hoshiya 6:3 - Libuka Lya Kuyela

³ Tulilongeshenu kulimuka Nyambi ya Ngula, tuzaminenu kumulimuka mwa shikuma. Nyambi ukamoneka, ngo kututika kwa mutena, ukeza kukwetu ngo mvula wa mpepo, ngonehe mvula wa muvumbi ukulokela hanci.”

Hoshiya 6:3 Iomraidhean Croise

2 Shamwele 23:4

ukubatatumukila na mincalala, ngo mutena ha kututika kwawo kwakubula makumbi, ngo mutena uya wameneshanga mwila oho mvula unaketuku.

Yobo 29:23

Bantu nimwabo bantatilililenga ngonehe batatilililenga mvula. Bayuvwilililenga shiwahewahe, ngonehe bandimi ba kutatila mvula wa shituwizi.

Nyimbo 19:4

ngoboni ncango zabo zikuyuvwanika hanci nimwaho, kami mazu wabo anakumu mu kaye nimwamo. Nyambi wazikilile mutena ntanda mu mbimbayilu,

Nyimbo 19:6

Mutena ukututika ku nkumo yimo ya mbimbayilu na kuketula hakati kuya ku nkumo yamina. Kowa shikutwesha kuholama ku ntukumina yawo.

Nyimbo 63:8

Moyo wami ukuzengamina kukwobe, kami liboko lyobe lya shilyo likunkoweza.

Nyimbo 65:9

Wafulankananga hanci na kuyitilila, waliyingishanga wilo. Wayitishanga tushinzi na mema na kuholola mbuto hano hanci, ndaba eshe nisho watendanga.

Nyimbo 72:6

Mwanga mwene afweke ngo mvula ukuloka mu mabuyishilo, ngo mamata aku zabisha hanci.

Zincimpi 4:18

Ngoboni zinzila za bantu bakulunga, zikufweka ngonehe kubelangana kwa lumenemene, oku kwahololanga liyeye lya mutena kutwala ha mutena muyilu.

Ishaya 2:3

Bantu babengi bakeza na kwamba ngayi, “Yekenu tukankalale ku lipili lya Nyambi ya Ngula. Ku Litala lya Nyambi wa Ishalela, ngayi akatulongeshe twafwanina kutenda, mwanga tukende mu zinzila zendi.” Ndaba ndayano zikufuminina mu Ziyoni, na lizu lya Nyambi ya Ngula likafuma mu Yelushalema.

Ishaya 32:15

Hantu shikati shinakumu sha kututumina moyo wendi wakuyilu, libelelengwa likafutuka mafuba a wilo, na mafuba a wilo akamoneka ngo lishaka.

Ishaya 44:3

Nikayitila mema ha litunga lya nyuminine, nikakunkulisha mema mu libelelengwa, nikayitila moyo wami ha bazukulyobe, na mfuywezi zami ha bana bobe.

Ishaya 5:6

Nikayilehelela na nyawe, kowa ukayiketwila mikolobozi hinge kukalimamo. Mikona na mapukumuna a mihongela akakulilamo. Nikambila makumbi ngayi hinga akalokeshelamo mvula.

Ishaya 54:13

Amimwine Nyambi ya Ngula, ami eze nikalongeshe bana benu, kami nikabatangamisha mu ku mwena.

Yelemiya 24:7

Nikabapana mutima wakulimuka ngayi Ami nili Nyambi ya Ngula, niho bakenga bantu bami, kami Ami nikenga Nyambi yabo, ndaba bakabokela kukwami na mitima yabo nimwayo.

Ezekiyele 36:25

Nikamyanzila mema akuyela hahenu, pe mukayela, nikamiyelesha ku mazilo naku tunankishi twenu nimwato.

Hoshiya 10:12

Lishangilenu kwoloka, pe mukateza mfuywezi zami za shishemo sha kubula kumana. Shendekenu mafuba wenu a nteme amu mitima ndaba shikati sha kushingashinga Nyambi ya Ngula shinakumu. Shingashingenu Nyambi ya Ngula hantu nezi na kumi lokeshela mvula wakupulwisha.

Hoshiya 14:5

Nikafweka ngo mume ku Ishalela, ukatama ngo liyangayanga. Mipishi yikahalaba ngo mutondo wa shinda wa Lembanoni.

Hoshiya 14:6

Myahi yendi yikakula, wuwahe wendi ukafweka ngo mutondo wa olive, pe livumba lyendi ngo shinda waku Lembanoni.

Hoshiya 2:20

Nikakubwesha kukwami mu kukulupila, pe ukalimuka Nyambi ya Ngula.

Mika 4:2

Bantu babengi bakeza na kwamba ngayi, “Yekenu tukankalale ku lipili lya Nyambi ya Ngula, ku Litala lya Nyambi wa Ishalela, ngayi akatulongeshe twafwanina kutenda, mwanga tukende mu zinzila zendi.” Ndaba ndayano zikufuminina mu Ziyoni, na lizu lya Nyambi ya Ngula likafuma mu Yelushalema.

Mika 5:2

Obe Mbetelehema Efulata, hinge ndi uli wamushe mukati ka mavumo a Yunda. Mumwobe kukafuma umo ou ukenga kalela ha Ishalela. Ou watatikile kwikalako ku matena akunyima shikuma.

Mika 5:7

Niho mashaliza a Ishalela bakekala mukati ka matunga, mukati ka mishobo ya bantu babengi ngo mume wakuli Nyambi ya Ngula, ngo mamata akuwila ha mwila, bantu bakakinka mitima yabo kuli Nyambi ya Ngula kaliha kuli baminabo.

Zakaliya 10:1

Nyepenu Nyambi ya Ngula ngayi alokeshe mvula. Nyambi ya Ngula, niye watendanga makumbi a mvula. Niye walokeshanga mvula ku muntu nimwendi, na kumbuto nimwayo ya mu mafuba.

Malaki 4:2

Ngoboni enu mu kutina lizina lyami, wuwahe ukeza hahenu ngonehe mutena ukumunika ha muntu. Kulunga kukeza hahenu ngonehe mutena. Mukaya na kulishamba ngo manamani banatutwishi mu mulaka.

Mateo 13:11

Yeshu waba kumbwile ngayi, “Ndaba ngayi kukwenu kunapanikiwi kulimuka ncimpi za Wene wa muyilu, ngoboni nibo kupanikiwa bafwako.

Luka 1:78

Nyambi yetu wa nceshe zazinene, ukatumunikila lumuni lwa kupulwisha kufuma kuyilu,

Yowano 17:3

Pe wumi owe wa mwaya myaka kunengi kukulimuka obe tuhu Nyambi wa kupwisha na kulimuka Yeshu Kilishitu ou watumine.

Yowano 7:17

Muntu nimwendi ukushinga kutenda shifungo sha Nyambi, ukalimuka ndi ebye niku longesha binafumu kuli Nyambi hinge ndi nikwamba na ngovu zami.

Milimo 17:11

Bayunda ba ku Mbeliya bengile bantu ba mitima ya ku shoboloka kupitakana baka Teshalonika, ndaba batambwile lizu na kuyipwiziza, kami mutena na mutena bashingishishilenga byatikitiwa ngayi bamone ndi ebye ambile Paulu bya kupwisha.

Ndayano 32:2

Bilongesha byami biloke ngonehe mvula, mazu wami akuloka ngo mbundu, ngonehe mvula ha mwila wamulombelela, kami ngonehe mamata ha bya kumena.

Bahebelu 3:14

Ndaba etu nimwetu tunengi mulwetu na Kilishitu, ndi tukuzamina kutwala ku kukotoka, kukulupila kwetu oku twekalile nakwo.

2 Pita 1:19

Kami tuli na lizu lya bamiluwe lya kupwisha shikuma, mukutenda shiwahe ndi mu kuliyuvwilila, ngo ku lambi yikumunika mu mwanya wa mincimpwe, hantu malungashiku na litota litutike mu mitima yenu.

Kuholoka 22:16

“Ami Yeshu ninatumu lingeloyi lyami mu kupaka kukwobe ebye byuma mu matengo. Ami mupishi wa mbuto ya Ndavita, ami litota lunyenye lwa kubyazima.”