Hoshiya 4:3 - Libuka Lya Kuyela

³ Nohobene litunga lili na kulila na bantu nimwabo bekalamo bali mu makando, byuma nimwabyo bya kuyoya bikwikalamo tuyamana twa mu lishaka na tuyoni na zinci bikafwa.”

Hoshiya 4:3 Iomraidhean Croise

Ishaya 33:9

Litunga lili mu mbingo kami linafutuku mapembe, mashaka a Lembanoni analebuku. Shaloni unafweke ngo libelelengwa, mitondo yaku Mbashani na Kamela yikupulumuka mabizi.

Yelemiya 12:4

Kati litunga lyetu likalila shikati sha kukuma hati? Kami mwila wamu mafuba ukalebuka shikati sha kukuma hati? Tunzama na tuyoni byafwakale, ndaba ya kuluwa kwa bantu bazikamo. Bantu bakwamba ngayi, “Nyambi ku mona ebye tukutenda wufwako.”

Yelemiya 23:10

Litunga linenzala na baka wumambe, ndaba ya shikuto sha Nyambi ya Ngula, litunga lili na kulila ndaba ya mabuyishilo walyo anayumu. Nimwabo banakutenda byabibi ba kutwalililaho kutenda bya kubula ku fwanina.

Yelemiya 4:25

Namonene ngayi, kaliha kwekalile bantu, na tuyoni nimwato kaliha twekalileko.

Yelemiya 9:10

Yelemiya ukwamba ngayi, “Nikapwezuma na kutuwa mbingo ha mabuyishilo amu libelelengwa, ndaba mwayumakale, pe hikowa ukupitilamo. Kukoloma kwa zingombe, kuyuvwanika hikufwako.”

Yelemiya 9:9

Nyambi ya Ngula ukwamba ngayi, “Nikabashushula hanebye banatende. Nikashushula elye litunga lyanehe.”

Ezekiyele 38:20

Zinci na tuyoni na tuyamana nimwato twa mu lishaka nanebye nimwabyo bya kalabanga hanci hamo na muntu nimwendi wahano hanci nimwabo bakakanka ku meho ami. Mapili akawila hanci kami manzolongoma akalendozoka, pe twimbi nimwato tukashiwukila hanci.

Yowele 1:18

Bimuna bali na kukaloka, matanga a zingombe ali mu makalikiza, ndaba ya kubula mabuyilo wazo, hinge matanga a bambelele anatampwa.

Amoshi 1:2

Pe wambile ngayi, “Nyambi ya Ngula ukabulumina mu Ziyoni, kami ukakangokela lizu lyendi mu Yelushalema, pe mwila wamu mabuyishilo nimwawo ukulebuka, na mwila waha lipili lya Kamela ukayuma.”

Amoshi 5:16

Haya ebye nibyo akwamba Nyambi ya Ngula, Nyambi wa Makunge ngayi, “Mu zimbanza nimwazo mukekala mbingo namu zinzila nimwazo kukayuvwanika malila. Bakehana bandimi ku malila hamo na baya balimuka tukonkobele.

Amoshi 8:8

Kati litunga kuka kanka ha shuma eshe lifwako, ngayi mwanga bantu nimwabo bekalamo bakalile ndi? Nimwalyo lika katuka ngonehe mema amu mushinzi wa Nayilo na kukwancanishiwa pe likunyomena kami ngonehe mushinzi wa Nayilo mu Engepita.”

Nahumi 1:4

Ukwambila liwate pe likuyuma, wayumishanga mishinzi nimwayo. Litunga lya Mbashani na lipili lya Kamela likuyuma, na maluba a Lembanoni akulebuka.

Zefwaniya 1:3

Nikakomba bantu na tuyamana, nikakomba tuyoni twatukanga muyilu na zinci zamu liwate. Nikapukalisha bakakuluwa nimwabo na kulobesha bantu nimwabo hano hanci. Eshe nisho anamba Nyambi ya Ngula.

Zakaliya 5:4

Nyambi wa Makunge ukwamba ngayi, “Nikatuma shikuto osho shikengina mu litala lya mwizi na mu litala lya muntu nimwendi ukubeza lizina lyami bya mahalo, pe shikuto eshe shikekala mu litala muyo na kulobesha nimwabyo bilimo, bishimi hamo na mamanya.”