Hoshiya 4:2 - Libuka Lya Kuyela

² Muli tuhu kuli beza kwa mahalo, kuziha na linyawe, mishunga yina konkana kuti na kuti, pe bantu ba kuliziha shikati nimwasho.

Hoshiya 4:2 Iomraidhean Croise

Shitatiko 4:8

Mutena wamina Kaina wambile kuli Abele mukonzo wendi ngayi, “Tuye na kwenda enda mu mfuba.” Oho bekalile mu mfuba Kaina wafutulukilile mukonzo wendi pe wa muzihile.

Ishaya 24:5

Bantu bekala hanci banabipishiho ndaba shilolo bakonke mulao wa Nyambi, banahandulu mazu wendi, kami banakana kulimama kwa mwaya myaka oku balimamine nendi.

Ishaya 48:1

Yuvwililenu eshe enu baka litala lya Yakobo, enu mukwihaniwa na lizina lya Ishalela, enu bazukulya Yunda. Enu mu kulibeza na lizina lya Nyambi ya Ngula, na kulitabila kuli Nyambi wa Ishalela, ngoboni kaliha mu kupwisha na kwoloka.

Yelemiya 51:5

Litunga lya Mbambiloni nilyo lili na mulandu, wakubipishila wa Kuyela wa Ishalela. Ishalela na Yunda kuka kaniwa kuli Nyambi wa Makunge, Nyambi yabo bafwako.

Yelemiya 6:7

ngonehe lishima lya konganga mema walyo, hinga abombola, nisho kami anakongo Yelushalema kuluwa kwendi, mishunga na kulobesha nibyo bikuyuvwanikamo, malweli na bitombo nibyo niku monamo.

Malila 4:13

Ngoboni eshe shatendiwile, ndaba bamiluwe na bakankombela bamu Yelushalema batendele wubi, aba baleteshele lufu ha bantu bakubula mulandu.

Ezekiyele 7:23

“Byuma nimwabyo binapocakana, litunga linenzala na bakakuziha na zinkena zinenzala na mishunga.

Hoshiya 10:13

Ngoboni munashanga wubi, pe munateze bya kubula kwoloka, munali mikabo ya mahalo. “Muna kulupili mu makoloyi enu na mu wingi wa bantu benu bangovu.

Hoshiya 10:4

Bakwamba mazu owa na kulibeza bya mahalo oho ba kulimama, pe haya kuyatiwa kukeza hahabo kukenga ngo nyawe ya kalowa mu mafuba abo.

Hoshiya 11:12

Nyambi ya Ngula ngayi, “Bantu ba Efulemu bananzinguluku na mahalo na kwongeza, ngoboni bantu ba Yunda bakwenda na Nyambi nakwinga bakukulupila ku ba kuyela. Ami Nyambi Wakwoloka na kuyela.”

Hoshiya 12:14

Efulemu unashonkomono wukali wa Nyambi ya Ngula, nohobene Nyambi ya Ngula ukabashushula na lufu. Ukabashushula ndaba banatende byawunyengwe shikuma.

Hoshiya 5:2

Munakaba linkwina lya kunonka ngayi mubakwatile ku Shitimu, ngoboni nikamikeyesha nimwenu.

Hoshiya 6:8

Ngiliyande lukena lwa bantu bababi na bakakuziha.

Hoshiya 6:9

Ngonehe tupondwa bakubelamina muntu, nisho shili ni muhoko wa bakankombela. Bakubonda bantu mu nzila ya kuya ku Shekemu. Nohobene ba kutenda milandu ya wukelemi.

Hoshiya 7:1

“Oho nikushinga ku nyongomanisha bantu bami ba Ishalela, wubi wa Efulemu ukuholoka, hamo na wubi wa Shamaliya, ndaba benga bakakwongeza, mwizi ukuyiba mu litala, tupondwa tu ku belamina bantu mu zinzila.

Hoshiya 7:3

Nyambi ya Ngula ngayi, “Bantu bababi bakwongeza mwene na babilolo bendi na biyongola byabibi.

Hoshiya 7:4

Nimwabo aba bakubula kwoloka, nzimbo yabo yinengi ngo shivulu shinabeye shikuma, ou mukakuvuba mankende a kubula kutwesha kupembezela, hantu noho muvuba wa linkende unatunduluku.

Mika 3:2

Enu mwazimba byabiwahe na ku haka byabibi, mwayubanga shikonde sha bantu bami na ku sheka nyama ku bifupa byabo.

Mika 3:9

Yuvwililenu enu bantwamina ba Ishalela, enu mu kukana kupwisha. Mukutengamisha kuyata nimwako kwakuwahe.

Mika 6:10

Kati nikutwesha kuvulama wuheti wuli mu litala lya wakuluwa wuya anahete mu nzila ya kuluwa ndi? Bakuliyavwisha bipimisho bya kwongeza biya nazimba.

Mika 7:2

Bantu bakwoloka nimwabo balobakale hano hanci, pe hikowa bakwoloka. Nimwabo bengakale bakakubelamina kuyita mukeza, bali na kulimanyika tunyanzi umo na wamina na tuntamba.

Zefwaniya 3:1

Makando ku lukena lwa bakakufutulukila na kulibipisha, lukena lwa bakakulyatilila.

Zakaliya 5:3

Niho antongwezele ngayi, “Eshe nisho shikuto shikwiza ha litunga nimwalyo, ndaba muntu ou ukuyiba ukafumishiwa kwezekesha naneshe shatikitiwa kumbalila yimina, kami nimwendi ukubeza bya mahalo, ukafumishiwa kwezekesha nanebye byatikitiwa na mbalila yimina.”

Zakaliya 7:9

“Eshe nisho akwamba Nyambi wa Makunge ngayi, ‘Yatenu mu kupwisha na kwikala na nceshe na shikeketima ku umo na wamina.

Mateo 23:35

Ngayi mukeza nimwawo waba kakwoloka uya wetikilile hanci, bakawushingila hahenu, ku balika na mukeza wa Abele mukakwoloka kuleta ku mukeza wa Zakaliya mwana Mbalakiya, ou mwazihile mukati ka Litala lya Nyambi na kaala.

Milimo 7:52

Kati kuli muluwe ou babulile kuyandisha batatizenu? Kami bazihile aba bashimikile bya kwiza kwa uya mukakwoloka. Pe enu munamubebe na kumuziha.

Ndayano 5:11

“‘Hinga mutendesha lizina lya Nyambi ya Ngula, Nyambi yenu mu nzila yayibi, ndaba Nyambi ukashushula bantu nimwabo aba ba Kubipisha lizina lyendi.

Ndayano 5:18

“‘Hinga utenda wumambe.

Ndayano 5:19

“‘Hinga uyiba.

1 Teshalonika 2:15

aba bazihile Mwene Yeshu na bamiluwe, kami nibo bali na kutuyandisha. Kaliha ba kuwahililisha Nyambi! Kami bali na nkani ku bantu nimwabo.

Kuholoka 17:6

Namonene mbuyama hinga a kolwa na mukeza wa bakakuyela, mukeza wa baya bazihiwile ndaba ya kwombatala Yeshu. Oho namumonene nakomokele shikuma.