Hoshiya 3:5 - Libuka Lya Kuyela

⁵ Kwakapita shikati, bana ba Ishalela, bakaboka na ku shinga, Nyambi ya Ngula, Nyambi yabo na muzukulya Ndavita, pe bakeza na bowa, bakalamba kuli Nyambi ya Ngula naku bitandalisho byendi mu matena amamaninino.

Hoshiya 3:5 Iomraidhean Croise

1 Bamyene 12:16

Oho bantu bamonene ngayi mwene kubayuvwa ufwako, babilikizile ngayi, “Tulehenu, Ndavita hamo na ba lupashi lwendi! Hinga atanga watutendela bishini? Enu bantu ba Ishalela, tokonoko tuyenunga ku minzi yetu! Tulehenu Lehombowami alimonene niyemwine!” Nohobene bantu ba Ishalela bamufutulukilile,

Ishaya 17:7

Ha mutena uyo wakeza, bantu bakatengulukila kuli Shakalenga wabo, bakayimbula meho wabo kuli wa Kuyela wa Ishalela.

Ishaya 2:2

Shikenga nehe ha matena akeza kumbili, lipili elye hanemana Litala lya Nyambi ya Ngula, likenga lyalitali kupitakana mapili amina, na kutumpuka mukati ka binkanda, pe matunga amengi akakunkula kukwalyo.

Ishaya 2:3

Bantu babengi bakeza na kwamba ngayi, “Yekenu tukankalale ku lipili lya Nyambi ya Ngula. Ku Litala lya Nyambi wa Ishalela, ngayi akatulongeshe twafwanina kutenda, mwanga tukende mu zinzila zendi.” Ndaba ndayano zikufuminina mu Ziyoni, na lizu lya Nyambi ya Ngula likafuma mu Yelushalema.

Ishaya 60:5

Oho ukamona ebye, pe ukawahilila, ukakanka ndaba ya ku wahilila shikuma. Wuheti wa matunga ukaletiwa kukwobe, kufuminina mu nciza ya liziba.

Ishaya 9:13

Bantu ba Ishalela bafwako kutenguluka, hinge ndi Nyambi wa Makunge unabashushulu, shilolo batengulukile kukwendi.

Yelemiya 23:5

Nyambi ya Ngula ulinakwamba ngayi, “Matena akeza, oho nikahata mwene wakulunga ku bazukulya Ndavita. Uya mwene ukalela na ngana, ukatenda byabiwahe na bya kupwisha mu litunga.

Yelemiya 30:24

Nkuli ya wukali wa Nyambi ya Ngula, kukaboka nahiya kwakubula kutenda shifungo sha Nyambi yifwako. Mu matena amamaninino mukayuvwishisha byuma ebye.

Yelemiya 30:9

Ngoboni bakatendela milimo Nyambi ya Ngula, Nyambi yabo na muzukulya Ndavita ou nikabapanika kwinga mwene wabo.”

Yelemiya 33:17

Nyambi ya Ngula ukukulupisha ngayi, “Shikati nimwasho kukekala muzukulya Ndavita kwinga mwene wa Ishalela.

Yelemiya 33:9

Yelushalema ukandetela ku wahilila na kuyemeziwa na maleema, pe matunga nimwawo a hano hanci owo akayuvwa mpupo ya byuma byabiwahe ebye na batendela, bakekala na bowa na kukanka ndaba ya kubapana ku mwena na kutangama shikuma.

Ezekiyele 16:63

Nikakuyatila wubi wobe nimwawo watendele, pe ukabyanuka na kuyena shikuma ufwako kukayahamisha kanwa kobe. Eshe nisho akwamba Nyambi ya Ngula.”

Ezekiyele 38:16

Ukalwisha bantu bami ba Ishalela ngonehe likumbi lya fwikanga ha litunga. Ha matena aya akeza, obe Ngongi nikakwitabilisha ngayi ukalwishe litunga lyami, mwanga mikoka bakandimuke. Nikaliyavwisha obe ndaba ya shifungo shami sha kuyela mwanga nimwabo bakamone ebye nikatenda.

Ezekiyele 38:8

Mwakapita myaka yayingi nikamutongweza kuya na kulwisha litunga liya lyafumine munzita, muya muli bantu ba kungwile kufuma ku mikoka na kubabwesha ku mapili a Ishalela aya ashalile nahiya. Bafumishiwile ku mikoka na kubabwesha mu litunga muya bali na kuyoya shiwahe nimwabo mu ku mwena.

Ndanyele 10:14

Haya nezi mu ku kutontwelela ebye bikamoneka ku bantu bobe kumbili. Eshe shinengi shimono sha kwinika bikamoneka kumbili.”

Ndanyele 2:28

Ngoboni kwali Nyambi wa muyilu niye ukuholola bya kukomokesha niye unatongweze hekulyetu Mwene Nembukandineza, ebye bikamoneka kumbili. Mulo na shimonekesho sha biya wamonene oho hinga walala ha wulili byenga ebye.

Hoshiya 1:11

Bantu ba Yunda na bantu ba Ishalela bakabakungulwila hamo. Bakalihatila ntwamina umo, pe bakafuma mu litunga liyo, ndaba mutena wa Yezilelu ukenga mutena wa wunene.

Hoshiya 11:10

“Bantu bami baka nkonka, oho nikubuluma ngo shimbwi. Oho nikubuluma, bana bami bakeza kufuma ku mponci na kukanka.

Hoshiya 5:15

Nikabafutamina bantu bami, hantu banayanda shikuma ndaba ya wubi wabo. Bakabokela kukwami na kuncingancinga kampe mu makalikiza wabo bakangwana.

Hoshiya 5:6

Bakaya hamo na matanga abo a bambelele nanawa a zingombe na kushinga Nyambi ya Ngula ngoboni kukamuwana bafwako, ndaba unafumu kukwabo.

Hoshiya 6:1

Bantu bakwamba ngayi, “Yekenu, tuboke kuli Nyambi ya Ngula. Hinge ndi niye unatucancozolo, pe niye ukatunyongomanisha, hinge ndi unatulemeke niye ukatupomba ha bitombo.

Amoshi 9:11

“Ha mutena uyo nikabweshela wene wa Ndavita, unafweke ngo litala lya kuwa. Na kutendulula mamota alyo na kuwabweshelamo, pe nikawutendulula ngonehe wekalile ku matena akunyima,

Mika 4:1

Shikenga nehe ha matena akeza kumbili, lipili elye hanemana Litala lya Nyambi ya Ngula, likenga lyalitali kupitakana mapili amina na kutumpuka mukati ka binkanda, pe matunga amengi akakunkula kukwalyo.

Kulaba 24:14

Mbalaamu wambile kuli Mbalaki ngayi, “Haya nili na kuboka ku bantu bami, ngoboni oho shilolo niye, nili na kukubela ebye bakatenda kumbili bantu ba Ishalela ku bantu bobe.”

Baloma 11:25

Bawushinda wami, kaliha nikushinga ngayi mwikale mu wulube waneye ncimpi, kutina muhanganika ngayi muli ba kukeya. Kukaluha mutima kwa bantu ba Ishalela kaliha kukenga kwa shikati nimwasho, ngoboni kukamana oho likunge lya kwinzala lya Bakamatunga lyakeza kuli Nyambi.

Baloma 2:4

Kati ukulimbulula shishemo sha Nyambi shashinene na kubomba kwendi na kutatilila kwendi ndi? Kati kaliha ukulimuka ngayi shishemo sha Nyambi shi ku kutwaminina ku kutenguluka ndi?

Ndayano 4:30

Oho muli mu makalikiza, pe byuma nimwabyo ebye hibikuholoka kukwenu ha kukotoka, mukatengulukile kuli Nyambi ya Ngula na kumwombatala,