Hoshiya 3:4 - Libuka Lya Kuyela

⁴ Bana ba Ishalela kami, bakekala shikati shashitali, kwakubula mwene hinge mukakutwaminina, kwa kubula zinkombela hinge kaala, kwakubula kambandingwa kashizila hinge kanankishi.

Hoshiya 3:4 Iomraidhean Croise

Shitatiko 31:19

Lambani wayile mu kusheha bambelele bendi, pe ha shikati osho abulileko, Lakele wayibile banyambi bamu litala lya tatiyendi.

Shitatiko 31:34

Lakele washimbile banyambi bamu litala lya tatiyendi na kubayaka mu mpamba ya ku shipona sha kamela. Lambani washingashingile mu ntanda nimwayo ngoboni kaliha wabawanine banyambi bendi.

Shitatiko 49:10

Yunda ukakwata muwana, na bazukulyendi bakenga bakakubela shikati nimwasho. Mikoka yika mu tupwila ntupu, kami bakashungumana kukwendi mu kumwombatala.

2 Shamwele 6:14

Ndavita, wavwalile likwiza lya kulelema lya mukankombela na ku mangaho mukunzi, washindilenga na ngovu zendi nimwazo mu kulemeeka Nyambi ya Ngula.

2 Bamyene 23:24

Ha kushumisha mazu atikitiwile mu Libuka lya Mukankombela wa mukulwane Hilikiya mu Litala lya Nyambi, Mwene Yoshiya watandile mu Yelushalema na yunda nimwabo bakakuvumbula bafu na balozi na bakakwawula nimwabo na banyambi bowa bamu matala na tunankishi na byuma nimwabyo bya kulemesha banyambi bowa.

2 Byambo 15:2

pe wayile mu kushimbawila Mwene Asha. Niho ambile kukwendi ngayi, “Yuvwilila kukwami, obe Mwene Asha nanenu bantu ba Yunda na Mbenjamani, Nyambi ya Ngula ukekala hamo nanenu ngo nehi muli hamo nendi. Ndi mukamushingashinga pe mukamuwana, ngoboni ndi mu kutengulukila kwashenge ukamifutamina.

Kututika 28:4

Batongweze bakatunge kambandingwa kaha kapumpo na kakobelo ka shizila na lyambangubo na shikobelo sha kubalanga na kahoshi ka likwiza lya kuzenga ku mutwe na kaponda. Bakatungile yayiyobe Aloni na bana bendi bivwalo bya shizila, ngayi mwanga bakatweshe kuntendela mulimo wa mukankombela.

Kututika 28:6

“Pe kami bakatunge kakobelo ka shizila ka wutonge wa wuhombo nawa kufumbuluka nawa kufubila na wutonge wakupohela wa ngolinde na likwiza lya kulelema lyaliwahe linatangiwi mabalamabala.

Malila 2:9

Mapangati nimwawo analobo hanci, mikambo yabyo nimwayo yinacancozoko. Mwene na babilolo bali mu wuntampwa, wuluno kowa muntu waku longesha ndayano, pe bamiluwe nabo bafwabyo bimono, bya kufuminina kuli Nyambi ya Ngula.

Ezekiyele 19:14

Lishina lya mukolobozi wa shinyanca lya kwatile mundilo, mundilo wahokeshele myahi yawo na mikabo. Myahi yawo yifwako kami kukashuma, yifwako kukenga miwana ya wene. Olwe lunengi lwimbo lwa malila, lunembiliwi kakengi shikuma.

Ezekiyele 20:32

Bifungo byenu bifwako kukatendiwa, ndaba bihanganiko byenu mukushinga ngayi mwinge ngonehe mikoka yashenge, ngonehe bantu bekala mu matunga amina bakulemesha bitondo na mamanya.”

Ezekiyele 21:21

Mwene waku Mbambiloni wemananga kwakwipi na shilimukisho sha mpangwa ya ku mahambanzila ngayi ashingishishe nzila eye akuya, pe ukanyenkanisha mivwi na kupehelela tunankishi, pe ha kuhongola mutima wa kayamana wakupehelelesha.

Ezekiyele 21:31

Nikamonesha kupilama kwami hahenu oho nikamifutukila ngonehe mundilo wakuyekula. Nikamifutwila ku bantu ba shilala, aba balimukisha bya makando.

Ndanyele 11:31

Bakanzita bendi bamina bakakatuka na Kubipisha myanya ya kuyela mu Litala lya Nyambi. Bakakanisha zinkombela za ha mutena ha mutena na kuyaka bya wunyengwe biya biku bipisha Litala lya Nyambi.

Ndanyele 12:11

Ku balika shikati shiya bakanishile zinkombela za ha mutena ha mutena na kwimika biya bikaleta kunonga matena 1,290 akapita.

Ndanyele 9:27

Uya kalela ukulimama na bantu babengi ha myaka mutanu na yibili, pe hakati ka iya myaka ukamanisha zinkombela na zintupu. Ku nkomi ya Litala lya Nyambi ukayaka byuma bya wunyengwe biya bikaleta kuloba, hantu mamaninino aya abilikiwile akayitiwila hahendi.”

Hoshiya 13:10

Haya mwene yobe uli kuti wakukupulwisha? Babilolo bobe nimwabo ba kukulamwina haya balikuti? Baya watoyele ngayi, ‘Mpanenu mwene na babilolo?’

Hoshiya 13:11

Mu kupilama kwami namipile mwene, pe namufumishileho mu wukali wami.

Hoshiya 2:11

Nikamanisha bimbo byendi bya ku wahilila nimwabyo, bimbo bya ha mwaka na bya kutelama kwa ngonda na bya ha kukatala na bimbo biya bya kuhatiwa nimwabyo.

Balevi 8:7

Wavwalikile Aloni shikobelo na lyambangubo na kaponda mulukanda lwendi. Niho amuvwalikile kakobelo ka shizila, pe wakamangile na mukunzi wawuwahe waku shinta.

Zakaliya 10:2

Ndaba tunankishi twa mu matala, twambanga byowa, bakakwawula bamonanga bya mahalo, kami bambanga milo ya mahalo. Babengezekanga na mazu a kubula kuyavwa. Nohobene, bantu ba kuyebangila ngo bambelele, bakuyandishiwa, ndaba ya kubula mulishani.

Zakaliya 13:2

“Nyambi wa Makunge ukwamba ngayi, ha mutena uyo, nikafumisha tunankishi mu litunga, ngayi tukabule kwanukiwa kami, pe kami nikafumisha bamiluwe ba mahalo na myoyo yayibi mu litunga.

Luka 21:24

Bamo bakazihiwa na mukwale, kami bamina bakakwatiwa na kutwaliwa hinga benga bantapwa ku matunga nimwawo. Yelushalema ukalyatangiliwa ku bakamatunga, hantu shikati sha bakamatunga shinakumu.

Yowano 19:15

Ngoboni babilikizile ngayi, “Muzihe! Muzihe! Mukoleke!” Pilato wabepwile ngayi, “Kati nikoleke mwene wenu ndi?” Bakankombela ba bakulwane bakumbwile ngayi, “Mwene tufwaye ndele tuhu Nkeshali!”

Bahebelu 10:26

Ndaba ndi bantu ba kutenda wubi na ku fungasho, oho hinga balimuka kupwisha, kowa nkombela yamina kami iya yikatwesha kufumisha wubi.

Bakakuyata 17:5

Ou mulume Mika wekalile na mwanya wa ninkayendi wakulemeshela. Watendele tunankishi twamina na kakobelo kashizila, pe wemikile umo ha bana bendi babalume kwinga mukankombela wendi.

Bakakuyata 18:14

Niho balume mutanu aba bayile mu kuhokela litunga lya zinguluka Laisha, bambile ku baminabo ngayi, “Munalimuku ngayi hakati ka nawa matala hali litala lili na kanankishi ka shitondo kakufwika shiliva ndi? Muli tunankishi twamina kami na kakobelo kakepi kashizila. Haya tuhanganikenu eshe twafwanina kutenda.”

Bakakuyata 8:27

Ngindiyoni watendele kanankishi ha ngolinde, pe wakayakile mu munzi wendi wa Ofwila. Baishalela nimwabo bengile bakubula kwoloka pe bayilengako na kukalemesha. Nisho shengile ngonehe kanyimbwa kuli Ngindiyoni na ba lupashi lwendi.

1 Shamwele 14:3

Hamo na mukankombela wamukulwane Ahiya mwana Ahitumbi yayiyendi Ikabondi, ou wengile mwana Fwinihashi wa mulume, muzukulya Eli, mukankombela wa Nyambi ya Ngula mu Shilo, ou wavwalilenga kakobelo kakepi kashizila. Kami bantu kaliha balimukile ngayi Yonatana nayi.

1 Shamwele 15:23

Ndaba kumufutulukila kunengi kwakubi ngonehe ku buuka, kami kukaluhisha mutima kunengi kwakubi ngo kulemesha kanankishi. Ndaba obe unakana kwombatala ndayano zendi, pe Nyambi ya Ngula unakukana kwinga mwene.”

1 Shamwele 2:18

Ha shikati eshe bene kanuke Shamwele wazaminine kutendela milimo Nyambi ya Ngula, wavwalilenga shikobelo sha kuzila sha likwiza lya kulelema.

1 Shamwele 21:9

Mukankombela Ahimeleki wakumbwile ngayi, “Nili na mukwale wa Ngoliyati Kafwilishitina uya wazihilile mu mukulo wa Ela. Niwo uli kunyima ya kakobelo kashizila, banawuzengele mu likwiza. Ndi ukuwushinga pe shimba ndaba nisho tuhu shilwisho shili kuno.” Ndavita wambile ngayi, “Leta kuno, kowa oku tukuwana mukwale wanehe.”

1 Shamwele 22:18

Nohobene mwene Shaulu wambile kuli Ndoyengi ngayi, “Obe bazihe.” Niho Ndoyengi wa Kaendoma abazihile nimwabo. Ha mutena uyo wazihile bakankombela 85 aba bemikiwile kuvwala kakobelo ka kulelema kakepi ka shizila.

1 Shamwele 23:6

Oho Ambiyatale mwana Ahimeleki apanzile pe waliwanine na Ndavita mu Keyila, wezile na kakobelo kakepi kashizila mu liboko lyendi.

1 Shamwele 23:9

Oho Ndavita ayuvwile ngayi Shaulu unafungu kumulwisha, wambile kuli mukankombela Ambiyatale ngayi, “Leta kuno kakobelo kakepi kashizila.”

1 Shamwele 30:7

Ndavita wambile kuli mukankombela Ambiyatale mwana Ahimeleki ngayi, “Ndeteleko kakobelo kakepi kashizila.” Niho Ambiyatale wakaletele kuli Ndavita.