Hoshiya 3:1 - Libuka Lya Kuyela

¹ Nyambi ya Ngula wambile kukwami ngayi, “Yanga ukahake mukazobe, hinge ndi ngayi niye uli na kutenda wumambe na balume bashenge. Muhake ngonehe Ami Nyambi ya Ngula na haka Ishalela, hinge ndi nibo bana haka ba nyambi bashenge na kutupula zintupu za mankende a shinyanca.”

Hoshiya 3:1 Iomraidhean Croise

2 Shamwele 6:19

Pe wabatapishilile byakulya nimwabo. Wapanine balume nimwabo na bambuyama nimwabo mu Ishalela mupumpa wa linkende na shituntula sha nyama ya kuyoha na nkuyu za kuyanika. Niho bantu nimwabo bayile ku minzi yabo.

2 Bamyene 13:23

ngoboni Nyambi ya Ngula wengile wa shishemo na nceshe kukwabo. Kaliha wabalehele ngayi balobeshiwe, ngoboni wabayavwile, ndaba ya kulimama kwendi na Abulahama na Ishaki na Yakobo. Hinga atangile kuvulama bantu bendi.

1 Byambo 16:3

Pe wabatapishilile byakulya nimwabo. Wapanine balume nimwabo na bambuyama nimwabo mu Ishalela mupumpa wa linkende na shituntula sha nyama ya kuyoha na nkuyu za kuyanika.

Nehemiya 9:31

Hinge noho, nceshe zobe zenga zazinene shikuma, kaliha wabafutaminine hinge kubalobesha. Obe wenga Nyambi wa nceshe na shikeketima shikuma!”

Nyimbo 123:2

Mona, meho a bakamilimo akupenza ku liboko lya hekulyabo, ngonehe kami meho a mukamulimo wa mbuyama, aku penzelela ku liboko lya hekulyendi wambuyama. Nohobene etu kami meho wetu akapenzanga kukwobe, Obe Nyambi ya Ngula, Nyambi yetu, hantu unatuyamizizi.

Kututika 32:6

Oho kwashile lumenemene baletele bimuna bimo mu kubihokesha kwinga nkombela na byamina byakulya kwinga ntupu ya kulilumikila. Bantu bekalile hanci na kulya na kunwa, niho bakatukile, pe bashindile.

Lwimbo 2:5

Ncumishe na linkende lya kuyuma lya shinyanca, pe nkalamanishe na mikabo ya ma apulu, nili na kukola ndaba ya ku haka.

Ishaya 45:22

Tengulukilenu kukwami pe mukapulwishiwa, enu mwekala kwakumina hanci. Ndaba ami Nyambi, kowa wamina.

Yelemiya 3:20

Ngoboni, ngonehe mbuyama wakulungwa, ashiyanga mukokwendi, nanobe kami Ishalela uli wakubula kulungwa kukwami.” Eshe nisho anamba Nyambi ya Ngula.

Yelemiya 31:20

Efulemu obe mwanami wakuhakiwa, obe mwana nahaka shikuma. Oho nikukukeyesha na kuhanganikanga na shishemo, mutima wami wambwatukilanga hahabo, nikekala na nceshe hahobe.

Hoshiya 11:8

Nikukuleha nahiti obe Efulemu? Nikukuyumbila nahiti ku bamalamo Obe Ishalela? Nikutwesha nahiti ku kutenda ngonehi natendele Andima? Nikutwesha nahiti kumitenda ngonehi natendele Zemboyima? Mutima wami wabokamokale, shikeketima shami shinanenehe.

Hoshiya 2:5

Ndaba mandiyabo, unatende bya wumambe, niye ou wabemitile unatende bya lisheni. Wambile ngayi, ‘Nikakonkezeka ba kuhakiwa bami, pe bakampanika byakulya na mema na wushako wa bambelele na makwiza na mazi a olive na waine.’

Hoshiya 4:11

Nyambi ya Ngula ngayi, “Waine yayipya hinge ya mwaka yavulanganyanga ngana za bantu bami.

Hoshiya 7:5

Ha mutena wa mayambwayambwa a mwene, niye hamo na babilolo bendi babakolweshele shikuma, pe mwene watatikile kwinga wuncengwe na bantu.

Amoshi 2:8

Bakulangana ku nkumo ya kaala ha bivwalo bya kukwata ku mukuli. Bakunwina waine mu Litala lya Nyambi yabo iya banayangulu baka mikuli yabo ya mali.

Amoshi 6:6

Mukunwina waine mu zindonga za kukunama, mu kuliwabisha mazi amawahe shikuma, ngoboni kuyuvwila wunginga ha kuloba kwa Ishalela mufwako.

Mika 7:7

Ngoboni ami, nikazamwina meho kuli Nyambi ya Ngula, nikapenzelela kuli Nyambi mukakumpulwisha, Nyambi yami ukanyuvwa.

Zakaliya 1:16

Nohobene ebye nimwabyo anamba Nyambi wa Makunge ngayi, nikaboka ku Yelushalema na nceshe, nimo mukazikiwila litala lyami na shipimisho shikezekiwa ha Yelushalema.

Mateo 26:50

Yeshu wambile kukwendi ngayi, “Muhoni, tenda ebi unezili.” Niho bantu bakwatile Yeshu, pe bamumangile.

1 Kolinte 10:21

Kutwesha mufwako kunwa mu nkomoki ya Mwene na nkomoki ya mayimbwe. Kutwesha mufwako kulila ha tebulu ya Mwene na kulila kami ha tebulu ya mayimbwe.

1 Kolinte 10:7

hinga kulemesha tunankishi ngonehe bamo mukati kabo batendele. Ngonehe kwatikitiwile ngayi, “Bantu bekalile hanci na kulya na kunwa, niho bakatukile, pe bashindile.”

1 Pita 4:3

Ndaba shikati sha kunyima mwabipishile shikati shenu shashitali na kutenda byuma batendelenga bakalitunga, bya wunjenge, mahungu, kukolwa malovu, kuya ku myanya ya mayambwayambwa na kulemesha tunankishi twatubi.

Bakakuyata 10:16

Nohobene balehele banyambi babo bashenge, pe balemeshele Nyambi ya Ngula, Nyambi ya Ngula waliyakatile ha makando a Ishalela.

Bakakuyata 9:27

Nimwabo bayile mu mafuba wabo a shinyanca na kubuya mikabo ya shinyanca bazongeleko waine, pe bapingile shimbo. Bayile mu litala lya nyambi yabo, omu balililile na kunwinamo, kami bahandwilenga Ambimeleki.