Hoshiya 2:4 - Libuka Lya Kuyela

⁴ Nifwako kukayuvwila nceshe bana bendi, ndaba banengi bana ba walwiholwiho.

Hoshiya 2:4 Iomraidhean Croise

2 Bamyene 9:22

Oho Yeholamu amonene Yehu, wepwile ngayi, “Munezi mu ku mwena ndi?” Yehu wakumbwile ngayi, “Kukutwesha ku mwena nahiti oho tushili na bya wulozi nimwabyo na tunankishi tuya aletele mandiyobe Yezembelo?”

Ishaya 27:11

Oho myahi ya mitondo yikuyuma, yikupokoka. Pe bambuyama ba kuchaba nkuni. Ndaba banengi bantu bakubula ku yuvwishisha, nohobene, ou wabalengele, kuka bayuvwila nceshe wufwako, ou shakalenga wabo, kuka bayamiziza wufwako.

Ishaya 50:1

Nyambi ya Ngula ngayi, “Kati liñwati lya kulubula mandiyobe lilikuti, elye namukana nalyo? Hinge kuli yani muka mukuli wami oku namilandishi? Ndaba ya wubi wenu pe mwalandishiwile, mandiyenu watandiwile ndaba ya milandu yenu.

Ishaya 57:3

Ngoboni enu bana ba mulozi wa mbuyama, bana ba mu wumambe na lwiholwiho.

Yelemiya 13:14

Kami nikabalwisha umo na wamina, ngonehe mabotela akulipobapoba, bahemi bakalwisha bana babo, kaliha nikabayuvwila nceshe hinge shishemo, hinge kuka bayuvwila shikeketima ngayi mwanga nikabule kubalobesha.’ ” Eshe nisho anamba Nyambi ya Ngula.

Yelemiya 16:5

Nyambi ya Ngula ukwamba ngayi, “Hinga wingina mu litala muli malila, hinge ku monesha wunginga, ndaba nafumishi ku mwena kwami ku naba bantu na nceshe zami za mwaya myaka na shikeketima shami binafumu kukwabo, ebye nibyo akwamba Nyambi ya Ngula.

Ezekiyele 23:25

Ami nika kukalihila ndaba ya lihungu, nikabaleha bakakutende kwezekesha mu kupilama. Nibo bakaketula muzulu wobe na matu wobe na baya bashalileho bakazihiwa na mukwale. Ee, bakakuyangula bana bobe babalume nanaba babambuyama na baya bashalile nimwabo bakabahokesha na mundilo hibatona.

Ezekiyele 8:18

Nohobene ba kuyuvwa wukali wami. Nifwako kuka baleha hinge kubayuvwila nceshe, oho bakabilikiza kulombela kutenda miyoyo, ngoboni Ami nifwako kuka bayuvwililila.”

Ezekiyele 9:10

Nohobene Ami nifwako kuka bayuvwila nceshe nikababweshela ebye banatende ku baminabo.”

Hoshiya 1:2

Awa niwo mazu a kutatika Nyambi ya Ngula atongwezele Hoshiya ngayi, “Yanga ukaliyekele mbuyama, ukatenda bya lwiholwiho na bana bobe bakamufweka, mu ntendelo yimo bantu bami banatende bya lwiholwiho na kumfutulukila Ami Nyambi ya Ngula.”

Hoshiya 1:6

Ngomela wemitile kami, pe wabelekele mwana wa mbuyama. Nyambi ya Ngula watongwezele Hoshiya ngayi, “Mutumbe ngayi, ‘Lo Luhama’ —Wakubula kuhakiwa—ndaba kukayuvwila nceshe litala lya Ishalela na kuliyatila nifwako.

Hoshiya 5:7

Banabipishili Nyambi ya Ngula ha kubula kukulupila. Ndaba banabeleke bana bamu wunjenge. Haya mu ngonda wamupya bakalobeshiwa hamo na mafuba wabo.

Zakaliya 1:12

Niho lingeloyi lya Nyambi ya Ngula lyambile ngayi, ‘Obe Nyambi wa Makunge, shikati sha kukuma hati ukabula kwikala na nceshe ha Yelushalema na minzi ya Yunda, eye unapilamini mu myaka 70?’

Yowano 8:41

Mukutenda ebye atendele tatiyenu.” Niho bambile kukwendi ngayi, “Etu kaliha tuli bana ba mu wunjenge. Tuli na Tatiyetu umo tuhu niye bene Nyambi.”

Baloma 11:22

Nohobene monenu shishemo na wukali wa Nyambi. Wenga wamukali ku baya banawu, ngoboni uli na shishemo kukwobe, ndi ukwikalilila mu nceshe zendi. Ndi kutenda noho wufwako na nobe kami ukatemiwa.

Baloma 9:18

Nohobene Nyambi uli na nceshe kuli ou a kuyuvwila nceshe, kami ukukaluhisha mutima wa nou akushinga kukaluhisha.

Yakoba 2:13

Ndaba ukayatiwa na kubula nceshe, ou unabulu kuyuvwa nceshe, nceshe zikulishamba ha kuyata.