Hoshiya 2:3 - Libuka Lya Kuyela

³ Ndi kukayuvwa afwako pe nikamuvula bivwalo na kumushiya muhelengwa ngonehe mutena ahemuwile. Nikamwinga ngo libelelengwa na litunga lyanyuminine, pe ukafwa ku linyontwa.

Hoshiya 2:3 Iomraidhean Croise

Kututika 17:3

Ngoboni bantu bafwile ku linyontwa pe bantu bazaminine kulinyengela hali Moshesha ngayi, “Shumangani watufumishilile ku Engepita ngayi wutupunwishe ku linyontwa na banabetu na bimuna byetu?”

Ishaya 33:9

Litunga lili mu mbingo kami linafutuku mapembe, mashaka a Lembanoni analebuku. Shaloni unafweke ngo libelelengwa, mitondo yaku Mbashani na Kamela yikupulumuka mabizi.

Ishaya 47:3

Ukavuliwa pe ukenda muhelengwa, niho bakamona lisheni lyobe. Nikabweshela wubi, kukatetelela nifwako.”

Ishaya 64:10

Zinkena zobe za kuyela zafutukakale libelelengwa. Ziyoni wafutukakale libelelengwa Yelushalema kami unalobeshiwi.

Yelemiya 12:10

Balishani babengi banabipishi mfuba yami ya shinyanca, banalyatangili mafuba wami. Litunga lyami lyaliwahe, banalifutulu libelelengwa.

Yelemiya 13:22

Kami ndi ukalyambisha mu mutima wobe ngayi, ‘Kati ebye byuma bili na kwiza nahiti hahami?’ Ebye binezi ndaba ya wubi wobe wawingi pe unavuliwi bivwalo na kuyandishiwa shikuma.

Yelemiya 13:26

Nikayepula shivwalo shobe na ku kufwikasho ku meho pe muhelengwa wobe ukamoneka.

Yelemiya 14:3

Babilolo bendi banatumu bakamilimo babo mu kutekula mema, banayi ku mashima, ngoboni shilolo bawane mema banaboko na zintesho zanahiya banayene banayuvwu lisheni shikuma nohobene banalifwiki ku mitwe yabo.

Yelemiya 17:6

Unafweke ngonehe lipukumuna lya mu libelelengwa. Liya lyamenanga mu litunga lyanyuminine, mu litunga lya limvu lya mushele, muya mwakubula kutwesha kwikala muntu, kowa shuma shashiwahe shikatendiwa kukwendi.

Yelemiya 2:31

Bantu ba Ishalela, yuvwililenu kunebye nikwamba. Kati nafutuku kwinga ngonehi libelelengwa kukwenu, hinge ngonehi litunga lya mincimpwe shikuma ndi? Haya shumangani bantu bami bakwamba ngayi, “Tuli ba kushoboloka, tufwako kukaboka kami kukwobe?”

Yelemiya 2:6

Kaliha bepwile ngayi, ‘Kati Nyambi ya Ngula uli kuti, uya watufumishile mu Engepita na kututwaminina mu libelelengwa, mu litunga lya lihengevu na mankwina na lya malwa, muyo mu litunga lya nyuminine na mincimpwe, muyo mwa kubula muntu wakwikalamo hinge kwendamo uli kuti?’

Yelemiya 22:6

Nyambi ya Ngula ukwamba nehi ha musheke wa mwene wa Yunda ngayi, “Kukwami unengi wamuwahe ngonehe Ngiliyande hayilu ya lipili lya Lembanoni, ngoboni hinge noho nika kufutula lipembe, lukena lwa kubula muntu wakwikalamo.

Yelemiya 4:26

Namonene ngayi, litunga lya wilo, lyafutukile libelelengwa, na minzi yalyo nimwayo, yanyemukilile hanci, ndaba ya wukali wa Nyambi ya Ngula.

Yelemiya 51:43

Minzi yendi yinalobo, litunga lyendi linafutuku libelelengwa. Kowa muntu ukwikalamo, hinge kwendamo.

Yelemiya 51:5

Litunga lya Mbambiloni nilyo lili na mulandu, wakubipishila wa Kuyela wa Ishalela. Ishalela na Yunda kuka kaniwa kuli Nyambi wa Makunge, Nyambi yabo bafwako.

Ezekiyele 16:22

Mu kuyoya kwobe kwa kuyenesha kwinga walwiholwiho kaliha wanukilenga wanuke wobe, oho wekalilenga muhelengwa, na kulivuluwa mu mukeza wobe.’ ”

Ezekiyele 19:13

Haya niyo ya kuniwile mu libelelengwa, muli litunga lya kuyuma lya kubula mema.

Hoshiya 13:15

Hinge ndi Ishalela ukatangama hakati ka bawushinda wendi ngonehe matete, mpepo yaku mushamuko, mpepo ya Nyambi ya Ngula yikeza, yikafuminina mu libelelengwa. Kami mashima wendi akayuma nkwaa na tuheloke twendi tukazika, elye linkwananga likabwesha munyima wuheti wendi na byuma byabiwahe nimwabyo.

Hoshiya 2:10

Haya nikamuvula hakati kaba njenge zendi, pe kowa ou ukatwesha kumulamwina ku liboko lyami.

Kuholoka 17:16

Kami kanzama na mashengo likumi awa unamono, bakazimba ou mbuyama walwiholwiho. Bakamulobesha na kumushiya uli muhelengwa, bakalya nyama yendi, bakamuhokesha na mundilo.

Bakakuyata 15:18

Niho shamishoni wayuvwile linyotwa, nohobene wehanine kuli Nyambi ya Ngula pe wambile ngayi, “Obe wampanine kukoma okwe kwakunene. Haya nili na kufwa ku linyotwa ngayi Bafwilishitina bakubula kwitabila bankwate.”