Hoshiya 12:2 - Libuka Lya Kuyela

² Nyambi ya Ngula uli na shambo na Yunda, kami ukashushula Ishalela kwezeka ngo zinzila zendi, na kubweshela kwezekesha ngo ntendelo yendi.

Hoshiya 12:2 Iomraidhean Croise

2 Bamyene 17:4

Ngoboni mwaka umo Hoshiya watumine bantumwana kuli mwene Sho waku Engepita, mu kunyepa kuyavwiwa, pe walehelesho kunyepa ntupu kuli mwene wa Ashiliya yaha mwaka ngonehe atendelenga. Oho Shalimaneshe alimukile haneshe wakwatile Hoshiya na kumuyaka mu tolongo.

Yobo 15:2

“Obe Yobo, kati muntu wangana wafwanina kubwaya bya wuleya, bya kufweka ngo mpepo yaku mushamuko ndi?”

Nyimbo 78:36

Ngoboni bamwongezele, kowa sha kupwisha bambile.

Mukakushimikila 5:15

Ngonehe ahemuwile mu livumo lya bamandiyendi, ukaboka nahiya kami muhelengwa ngonehe ezile na kubula kushimba shuma mu liboko lyendi sha ku milimo yendi.

Ishaya 10:12

Oho Mwene wamanishakale kutenda milimo yendi nimwayo ha lipili lya Ziyoni namu Yelushalema, ukashushula mwene wamu Ashiliya ndaba ya kulilundumika na kuliyemeza kwendi nimwako.

Ishaya 10:6

Nikatuma Ashiliya kuya na kulwisha litunga lya kuluba kutina Nyambi, nikumutuma ku bantu ba kumpilamisha, ngayi akabapukule na kubalyatangila ngo ntiti yamu mikwakwa.

Ishaya 24:21

Ha mutena uyo, Nyambi ya Ngula ukashushula makunge a muyilu, na bamyene ba hano hanci.

Ishaya 3:11

Makando wabo tawee bakuluwa. Shikenga shashikalu kukwabo. Ebye atendele maboko wabo, bikatendiwa kukwabo kami.

Ishaya 30:6

Elye nilyo lizu lya Nyambi, ha tuyamana twa ku Nengembu ngayi, “Bankamba bakwenda mu litunga lya kuhumana na malwa, omu muli babimbwi na bampili mayoka a wuhungu, na bankonkola bakakwenda kuyilu, hinga bashimba zintupu za ndando yayinene ha bambongolo na makamela, ziya ba kutwala ku litunga liya likubula kutwesha ku bayavwa.

Ishaya 59:18

Nyambi ya Ngula ukashushula bamalamo ba bantu bendi, kuya na biheka byabo. Ukamonesha wukali wendi ku baya bakakumulwisha, ukabweshela wukali wendi, ukabashushula hinge ndi bekala kwakutali.

Yelemiya 25:31

Mungunina ukayuvwanika hano hanci nimwaho. Ndaba Nyambi ya Ngula uli na shambo na matunga a bantu nimwabo. Ukaleta bantu nimwabo ba hano hanci mu kuyatishiwa, pe bakuluwa bakazihiwa na mukwale. Eshe nisho anamba Nyambi ya Ngula.’ ”

Hoshiya 2:13

Nikamushushula, ndaba ya kukombelela incence na zinkombela ku banyambi bashenge ba Mbaalu, pe kami unavwala tumbalaminwe twendi na bya kuliyenga nabyo na kukonka banjenge zendi na kuvulama.” Eshe nisho anamba Nyambi ya Ngula.

Hoshiya 4:1

Yuvwililenu lizu lya Nyambi ya Ngula, enu bantu ba Ishalela, Nyambi ya Ngula uli na byambo akushinga kwambila bantu bali mu litunga ngayi, “Mowa kupwisha hinge nceshe na kalimukisho ka bya Nyambi mu litunga.

Hoshiya 4:9

Pe bakankombela bakenga ngo bantu ni ka bashushula nimwabo ndaba ya zinzila zabo na kubapana ncuungu kwezekesha ku milimo yabo.

Hoshiya 7:1

“Oho nikushinga ku nyongomanisha bantu bami ba Ishalela, wubi wa Efulemu ukuholoka, hamo na wubi wa Shamaliya, ndaba benga bakakwongeza, mwizi ukuyiba mu litala, tupondwa tu ku belamina bantu mu zinzila.

Hoshiya 7:11

Efulemu nengi ngo nkilimba wakuyeba wakubula ngana, ukwihana Engepita na kwitukila ku Ashiliya.

Hoshiya 7:2

Ngoboni bafwako kuhanganika ngayi nanuka milimo yabo nimwayo yayibi. Wuluno wubi wabo una zinguluku ku meho ami.”

Hoshiya 8:10

Hinge ndi banayi na kuloba ba shikonzi babo mukati ka matunga, wuluno niye na ku ba kungwila hamo na kubashushula. Pe bakatatika kunanga kanikani. Kukuyandishiwa kwa mwene wa ngovu waku Ashiliya.

Hoshiya 8:13

Bahaka zinkombela ba kukombelela nyama pe hiba kulya nyama ya nkombela, ngoboni Nyambi ya Ngula ku wahilila nabyo ufwako. Haya ukanuka wubi wabo na kubashushula, pe bakaboka ku Engepita.

Hoshiya 8:9

Ngonehe mbongolo wa lishaka uli mumufuno, bantu ba Efulemu banayi ku Ashiliya. Banatende lwiholwiho ku bantu babengi shikuma.

Hoshiya 9:15

Nyambi ya Ngula ngayi, “Mu Ngilingale nimo muli byabibi byabo byabingi, nimwawo natatikile ku bazimba. Ndaba ya kuluwa kwa ntendelo yabo, nikabatanda mu litunga lyami. Kukabahaka kami nifwako nihani, babilolo nimwabo banengi bakakufutulukila.

Hoshiya 9:9

Banalibipishi shikuma nibo bamwine, ngonehe shatendiwile ku Ngimbiya, ukanuka wubi wabo na ku bashushulilawo.

Amoshi 2:4

Eshe nisho akwamba Nyambi ya Ngula ngayi, “Bantu ba Yunda banatende wubi wawingi shikuma, mwa shikuma nikabashushula, ndaba banalimbululu ndayano za Nyambi ya Ngula, kami banabulu kulama kufundiziza kwendi, ba nyambi babo ba mahalo aba bankakazabo bombatalilenga bana bashanwishi.

Mika 6:2

Enu mapili, ou Nyambi ya Ngula alengele kwinga mwimbi wa hano hanci, Nyambi uli na shambo na bantu bendi, wakuyatisha Ishalela.

Mateo 16:27

Ndaba ngayi Mwana Muntu ukeza na mangeloyi mu wuwahe wa Tatiyendi, niho shikati osho ukapana ncuungu ku muntu na muntu ngo ku milimo yendi.

Baloma 2:6

Nyambi ukapana muntu na muntu kwezekesha na milimo yendi.

Ngalatiya 6:7

Hinga mulyongeza, Nyambi kaliha ukwongeziwa. Ndaba nimwasho akukuba muntu, nisho kami akateza.