Hoshiya 11:3 - Libuka Lya Kuyela

³ Ami nalongeshele baka Efulemu kwenda, na bakwatile mu maboko Ami. Ngoboni kaliha bandimukile ngayi Ami na banyongomanishile.

Hoshiya 11:3 Iomraidhean Croise

Nyimbo 107:20

Nyambi ya Ngula watumine lizu lyendi na ku banyongomanisha, na ku balamwina kukulobeshiwa.

Kututika 15:26

wambile ngayi, “Ndi mukanyombatala shiwahewahe na kutenda ebye nikuhanganika ngayi byabiwahe na kwenda mu zintambo zami na kulama ndayano zami, kukamishushula nifwako na malweli awa naletele ha Baengepita, ndaba Ami nenga Nyambi ya Ngula, ou wamipoleshanga.”

Kututika 19:4

“Mwamonene eshe natendele ku Baengepita naneshe namishimbile ngonehe ngonga ashimbanga bana bendi ha mbando zendi na kumileta kukwami.

Kututika 23:25

Ndi mukandemesha Ami Nyambi ya Ngula, Nyambi yenu, pe nikamitandalisha na byakulya na mema, kami nikamiyambulula malweli nimwawo.

Ishaya 1:2

Nyambi ya Ngula unamba ngayi, “Yuvwilila, obe liyilu, tengeka litu, obe hanci! Bana nalelele na kukulisha banamfutulukili.

Ishaya 30:26

Ngonda ukatwa wezi ngo mutena, kami wezi wa mutena ukawezelela bikati mutanu na kabili kupitakana ha kutatika, nehe wezi wa matena mutanu alifungili hamo. Ebye nimwabyo bikatendiwa oho Nyambi ya Ngula akapamba na kupolesha bitombo bya bantu bendi.

Ishaya 46:3

Nyuvwililenu, enu bazukulya Yakobo, nimwenu enu mashaliza a litala lya Ishalela. Namifulankanine ku balika ku shikati mwahemuwile, namikatwile kumifumisha mu livumo.

Ishaya 63:9

Mu makalikiza wabo nimwawo, wayandile nabo, lingeloyi wafumine kukwendi wabapulwishile. Mu nceshe zendi na shishemo shendi waba kulizile. Niye wabalaminenga, mu matena nimwawo akunyima.

Yelemiya 30:17

Nikamikalika kami mu wuwahe. Nikapolesha bitombo byenu, hinge ndi bamalamo benu bakwamba ngayi, ‘Ziyoni nengi wakukendiwa, kowa nanowu ukumufulankana.’ ” Eshe nisho anamba Nyambi ya Ngula.

Yelemiya 8:22

Kati mu Ngiliyande wanga mowa ndi? Kati mowa mukakupanga ndi? Shumangani shikukwangisha bitombo bya bantu bami kupangiwa?

Hoshiya 14:4

Nyambi ya Ngula ngayi, “Nikamanisha kubula kukulupila kwabo, nikabahaka na kushinga kwa mutima wami, ndaba na shintululu wukali wami ku kwabo.

Hoshiya 2:8

“Niye ufwako ku yuvwishisha, ngayi ami namupanikilenga mpeka na waine na mazi na shiliva na ngolinde, ngoboni waliyavwishilengabyo kuli Mbaalu.

Hoshiya 7:1

“Oho nikushinga ku nyongomanisha bantu bami ba Ishalela, wubi wa Efulemu ukuholoka, hamo na wubi wa Shamaliya, ndaba benga bakakwongeza, mwizi ukuyiba mu litala, tupondwa tu ku belamina bantu mu zinzila.

Hoshiya 7:15

Hinge ndi nabalongeshele na kushumisha maboko abo, ngoboni ba kuyongola bya nkole hahami.

Milimo 13:18

wabalamine mulibelelengwa mu myaka makumi anaa.

Ndayano 1:31

na mu libelelengwa. Mwamonene eshe Nyambi ya Ngula, Nyambi yenu amitwamininine kumi leta ku mwanya uno, ngonehe hemi wa mulume atwamininanga mwanendi.

Ndayano 33:27

Nyambi wa mwaya myaka unengi mwanya wenu wakwikala, ukumibumbatila na maboko wendi mwaya myaka. Watandile bamalamo benu oho mwayilenga na kulikaka, kami wamitongwezele kubalobesha nimwabo.

Ndayano 8:2

Anukenu Nyambi ya Ngula, Nyambi yenu, eshe amyendeshele ha mukala uya wawutali mu libelelengwa myaka eye makumi anaa yinamana na kumitumina byabikalu mu kumyezeka ngayi niye mwanga alimuke ebye mwafungile kutenda na ku mona ndi munakwombatala ndayano zendi.