Hoshiya 11:2 - Libuka Lya Kuyela

² Ha kubehana bafumine kukwami na kuya na kukombelela ba Mbaalu kuhokesha incence ku tunankishi twabo.

Hoshiya 11:2 Iomraidhean Croise

1 Bamyene 12:33

Kami ha mutena wawulikumi na mutanu wa ngonda wa mutanu na zihatu, ku mutena uya emikile niyemwine, wayile ku Mbetele na kukombelela nkombela ha kaala. Wawahishilile bantu mayambwayambwa ha shimbo shiya apingilile bantu ba Ishalela.

1 Bamyene 18:19

Haya laya bantu bamu Ishalela nimwabo ngayi bakangwane ku Lipili lya Kamela. Leta bamiluwe ba Mbaalu 450 na bamiluwe 400 ba nyambi wa mbuyama Ashela, aba emanininenga mwene wa mbuyama Yezembelo.”

Nehemiya 9:30

Wababelelenga na lunzewe ku myaka yayingi. Wapanine bamiluwe bobe Moyo wobe ngayi bambe kukwabo. Ngoboni bantu bobe bengile ngo bakuzika matu. Nohobene wetabilile ngayi bakomiwe ku mikoka yamina.

Ishaya 65:7

Ha wubi wabo na wubi wa batatizabo, eshe nisho akwamba Nyambi ya Ngula. Ndaba bahokeshelele nkombela ha mapili, twa bakalitunga na kwamba byabibi kukwami, pe nikabashushula kuya na biheka byabo bya kunyima.

Yelemiya 18:15

Ngoboni bantu bami banamvulama, ba kuhokesha incence kwinga nkombela ku tunankishi byuma byowa. Banafumu mu nzila eye bafwanina kwenda, kukonka nzila ya mwaka bafwako, ngoboni bali na kwenda mutunzila twa kufwashangila.

Yelemiya 35:13

“Ami Nyambi wa Makunge, Nyambi wa Ishalela nikwamba ngayi, yanga ukatongweze bantu ba Yunda naba bali mu Yelushalema ngayi, Shumangani mu kubula ku yuvwishisha na kwombatala mazu wami.”

Yelemiya 44:5

Ngoboni kaliha mwombatalile hinge kutengekela matu wenu kukwami ngayi mutenguluke kukuluwa kwenu na kuleha kuhokesha incence ku banyambi bashenge.

Hoshiya 11:7

Bantu bami bonzela kufuma kukwami, haya hinge ndi bakehana kukwendi, kuka bayuvwa ufwako.

Hoshiya 2:13

Nikamushushula, ndaba ya kukombelela incence na zinkombela ku banyambi bashenge ba Mbaalu, pe kami unavwala tumbalaminwe twendi na bya kuliyenga nabyo na kukonka banjenge zendi na kuvulama.” Eshe nisho anamba Nyambi ya Ngula.

Hoshiya 4:13

Ba kukombelela tunankishi hayilu ya mapili na kuhokesha incence ha twina mu nceto ya mitondo ya Telimbini ya mibombola yayiwahe. Nohobene bana benu ba bambuyama bakwinga balwiholwiho na bamyenga benu ba kutenda wunjenge.

Hoshiya 4:17

Efulemu unalifungili ku tunankishi, mulehenu ninkayendi.

Zakaliya 1:4

Hinga mufweka ngonehe batatizenu, obo bamiluwe bakutatika babilikizile kukwabo. Nyambi wa Makunge unamba ngayi, ‘Fumenu ku biheka byenu byabibi naku ntendelo yenu yayibi.’ Ngoboni kaliha banyuvwile hinge kulama obyo nabatongwezele. Eshe nisho anamba Nyambi ya Ngula.

Zakaliya 7:11

Ngoboni bakanine kuyuvwilila, balifutwile binkwange na kulizika mu matu, ngayi hinga bayuvwa.

Luka 13:34

“Obe Yelushalema, Yelushalema! Obe mukakuziha bamiluwe na kupuha mamanya baya Nyambi anatumu kukwobe! Bikati binga nashingile kukungula bantu bobe nimwabo ngonehe nkazikuku akungulanga bana bendi mu nceto ya mbando zendi, ngoboni mwakanine!

Yowano 3:19

Oku nikwo kuyata, ngayi lumuni lunezi mu kaye, ngoboni bantu bahakile mincimpwe kupitakana lumuni, ndaba milimo yabo yengile yayibi.

Milimo 7:51

Shetefwano watwalilileho kwamba ngayi, “Enu bantu babakalu, ba mitima ya kubula kuya ku mukanda, enu bizikamatu ku lizu lya Nyambi! Munafweke nehe batendelenga batatizenu nanenu kami mwakananga Moyo wa Kuyela.

Bakakuyata 10:6

Niho kami Baishalela babipishile kuli Nyambi ya Ngula. Balemeshelenga bambaalu na Baashitaloti, banyambi bamu Alamu na Shindoni na Mowambi na Amoni na Fwilishitiya. Bafutulukilile Nyambi ya Ngula, pe balehele kumulemesha.

Bakakuyata 2:13

Bashiyile kulemesha Nyambi ya Ngula, pe batendelele milimo Bambaalu na Baashitaloti.

Bakakuyata 3:7

Bantu ba Ishalela bavulamine Nyambi ya Ngula, Nyambi yabo. Babipishile kukwendi, pe balemeshele ba Mbaalu na Ashela.