Hoshiya 10:4 - Libuka Lya Kuyela

⁴ Bakwamba mazu owa na kulibeza bya mahalo oho ba kulimama, pe haya kuyatiwa kukeza hahabo kukenga ngo nyawe ya kalowa mu mafuba abo.

Hoshiya 10:4 Iomraidhean Croise

Ishaya 5:7

Litala lya Ishalela niyo mfuba ya shinyanca ya Nyambi wa Makunge, Bantu ba Yunda niyo mikolobozi akunine. Watatililile ngayi mwikale kupwisha, ngoboni muli kuliziha. Watatililile ngayi mwikale kulunga, ngoboni mu kuyuvwanika mbingo za malwa.

Hoshiya 4:2

Muli tuhu kuli beza kwa mahalo, kuziha na linyawe, mishunga yina konkana kuti na kuti, pe bantu ba kuliziha shikati nimwasho.

Hoshiya 6:7

“Ngoboni nehe Andama, banapokolo kulimama, bengile bakubula kwoloka kukwami.

Amoshi 5:7

Obe ukufutula kuyata kwakwoloka kwinga ngonehe mutondo wawululu na kuleha kwamba byakwoloka.

Amoshi 6:12

Kati bambishi ba kutwesha kwituka ha mamanya ndi? Muntu ukutwesha kulima mu liwate na zingombe ndi? Ngoboni enu munafutulu kuyata kwakwoloka kwinga wulembe na mbuto ya kwoloka kwinga mutondo wawululu.

Milimo 8:23

Ndaba namono ngayi uli na mwili shikuma kami uli mu tolongo ya wubi.”

Baloma 1:31

Bakakubula ku yuvwishisha, bakakubula kutenda ebye banakulupishi, bakakubula nceshe, kami bakancili.

Ndayano 29:18

Monenu ngayi enu munemana kuno lelo, hinga kukekala mulume, hinge mbuyama, hinge ku lupashi, hinge mushobo wakufutamina Nyambi ya Ngula, Nyambi yetu na kulemesha banyambi ba mikoka yamina. Eshe shikwinga ngonehe ntombola yiya yikukula kwinga mupishi wawululu hamo na wuhungu.

Ndayano 31:16

Nyambi ya Ngula wambile kuli Moshesha ngayi, “Shikati shobe shilihahepi sha kuya mu kuliwana na bankakazobe, pe oho wafwakale bantu bakenga bakubula kwoloka kukwami na kubula kulama kulimama kuya nalimamine nabo. Bakamfutamina na kulemesha banyambi bowa ba bakalitunga elye bakwingina.

Ndayano 31:17

Haya wukali wakulasheka kwami ukabahokesha ha mutena uyo, nikabashiya na kuholeka lupala lwami kukwabo pe bakalobeshiwa. Malwa amanene amakalu akeza hahabo, pe haya bakalimuka ngayi byuma ebye binakumu kukwabo ndaba yanami Nyambi yabo, kaliha nishili hamo nabo.

2 Timoteo 3:3

bakakubula nceshe, bakakubula kuyatila, Bakakatungwila, bakamishunga, babakali na bakakuzimba byabiwahe,

Bahebelu 12:15

Zundaminenu kutina muntu wamina ayawila ku nceshe za Nyambi, kami mukati kenu hinga kuwaniwa muntu wakufweka ngo mutondo wawululu uya ukutwesha kuleta makalikiza na wuhungu wawo.