Hoshiya 1:2 - Libuka Lya Kuyela

² Awa niwo mazu a kutatika Nyambi ya Ngula atongwezele Hoshiya ngayi, “Yanga ukaliyekele mbuyama, ukatenda bya lwiholwiho na bana bobe bakamufweka, mu ntendelo yimo bantu bami banatende bya lwiholwiho na kumfutulukila Ami Nyambi ya Ngula.”

Hoshiya 1:2 Iomraidhean Croise

2 Byambo 21:13

Ngoboni unakonko nzila ya bamyene bamu Ishalela na kutwaminina bantu ba Yunda na Yelushalema kwinga bakubula kwoloka kuli Nyambi, ngonehe Ahambu na bakakumushwana, aba batwaminina Ishalela kwinga wakuluwa. Pe kami wazihile bakonzobobe, aba bengile bantu babawahe kupitakana obe.

Nyimbo 106:39

Balibipishile na ntendelo yabo, kami bengile bakubula kukulupiliwa kuli Nyambi mu ntendelo yabo yengile ngonehe wumambe.

Nyimbo 73:27

Mwa shikuma aba ba kukufutamina bakaloba, kami ukalobesha babengi bakubula kwoloka kukwobe.

Yelemiya 2:13

Bantu bami banatende milandu yibili, banamfutamini ami kaheloke ka mema a wumi, pe banalikabili mashima, ngoboni anengi mashima aya ali na myata aya a kubula kutwesha kukonga mema.

Yelemiya 2:20

Ishalela, ku mwaka wakanine kunyuvwilila, pe wambile ngayi, “Nifwako kuka kutendela milimo!” Ngoboni ha binkanda na binkanda byabitali, na ku nceto ya mutondo na mutondo wa mumvulu wawuwahe, unatende ngonehi mukalwiholwiho.

Yelemiya 2:23

Haya ukwamba nahiti ngayi, shilolo nilibipishe, kami shilolo nilemeshe Mbaalu? Mona ebye unatende mu mukulo. Ukulifweka na mwana Kamela uli na kushinga ku kandamiwa, ukwituka yituka hinga ashoboloka.

Yelemiya 3:9

Kaliha waliyuvwile lisheni, wabipishile litunga oho atendelenga bya wunjenge ha kulemesha mamanya na bitondo.

Ezekiyele 6:9

Oku bakekala mu wuntapwa, bakanyanuka na kulimuka ngayi Ami na ba shushulu ha kunyuvwisha lisheni, ndaba ya mitima yabo ya kubula kukulupila yanciyile kami nibo bamfwekeshele na tunankishi. Pe nibo bakayuvwa wunyengwe nibo bamwine ndaba ya wubi na byuma bya lihandu ebye banatende.

Hoshiya 2:7

Hinge niye ukakonkezeka aba ahaka, kukaliyuvwa nabo kami ufwako. Hinge ndi ukabashingashinga, kuka bawana ufwako. Niho ukalihanganika na kwamba ngayi, ‘Nikaboka kuli mukokwami wakutatika, ndaba nekalilenga shiwahe, kupitakana eshe nili lelo.’

Hoshiya 3:1

Nyambi ya Ngula wambile kukwami ngayi, “Yanga ukahake mukazobe, hinge ndi ngayi niye uli na kutenda wumambe na balume bashenge. Muhake ngonehe Ami Nyambi ya Ngula na haka Ishalela, hinge ndi nibo bana haka ba nyambi bashenge na kutupula zintupu za mankende a shinyanca.”

Hoshiya 5:3

Nikulimuka Efulemu pe Ishalela kuholama kukwami ufwako, ndaba haya, obe Ishalela unatende lwiholwiho, obe Ishalela unalibipishi.

Mako 1:1

Kuno niko kutatika kwa ncango zaziwahe za Yeshu Kilishitu, Mwana Nyambi.

Ndayano 31:16

Nyambi ya Ngula wambile kuli Moshesha ngayi, “Shikati shobe shilihahepi sha kuya mu kuliwana na bankakazobe, pe oho wafwakale bantu bakenga bakubula kwoloka kukwami na kubula kulama kulimama kuya nalimamine nabo. Bakamfutamina na kulemesha banyambi bowa ba bakalitunga elye bakwingina.

2 Pita 2:14

Bali na meho anenzala na wunjenge, bafwako kuleha kutenda wubi. Bakwongeza bakakubula ku shumankana, bali na mitima yinalilongeshe bya mutongo, banakutiwi!

Kuholoka 17:5

Kami ku lupala lwendi kwatikitiwile lizina lya ncimpi, “Mbambiloni Wamunene, manda bakalwiholwiho nimwabo na bakabiheka nimwabyo bya nzimbo bya hanci.”