Hoshiya 1:1 - Libuka Lya Kuyela

¹ Ha shikati sha kulela kwa mwene Uziya na Yotamu na Ahazi na Hezekiya mu Yunda, na shikati sha kulela kwa mwene Yelombowami, mwana Yowashi mu Ishalela, lizu lya Nyambi ya Ngula lyezile kuli muluwe Hoshiya mwana Mbeeli.

Hoshiya 1:1 Iomraidhean Croise

2 Bamyene 13:13

Yowashi wafwile pe wafundiwile mu bizino bya wene mu Shamaliya, pe mwanendi wa mulume Yelombowami wawubili wamushwanine kwinga mwene wa Ishalela.

2 Bamyene 14:16

Yehowashi wafwile niho bamufundile ku Shamaliya mu bizino bya Bamyene bamu Ishalela. Mwanendi wa mulume Yelombowami wawubili wamushwanine kwinga mwene.

2 Bamyene 14:23

Mu mwaka wawu 15 wakulela kwa Amaziya mwana Yowashi mwene wamu Yunda, Yelombowami wawubili watatikile kulela Ishalela. Yelombowami walele mu Shamaliya myaka 41.

2 Bamyene 15:32

Mu mwaka wawubili wakulela kwa Peka mwana Lemaliya mu Ishalela, Yotamu mwana Uziya washwanine ha wene wamu Yunda.

2 Bamyene 15:5

Nyambi ya Ngula washushwile Uziya na wulweli wa mbumba ha lutu uya ekalile nawo kutwala na ku kufwa kwendi. Wekalilenga tuhu mu litala lya ninkayendi, kami mwanendi wa mulume Yotamu wamuyavwilenga ku milimo nimwayo ya kulela litunga.

2 Bamyene 15:7

Uziya wafwile kami wafundiwile mu bizino bya wene mu Lukena lwa Ndavita, pe mwanendi Yotamu wamushwanine kwinga mwene.

2 Byambo 27:1

Yotamu washwanine ha wene oho uli na myaka 25, pe walelele mu Yelushalema myaka 16. Mandiyendi wengile Yelusha, mwana Zandoki.

2 Byambo 28:1

Ahazi wekalile na myaka 20 oho ashwanine ha wene, pe walelele Yelushalema myaka 16. Kaliha wakonkele nzila yayiwahe ya nkakayendi Mwene Ndavita, ngoboni watendele bya kubula kuwahilisha Nyambi ya Ngula.

2 Byambo 29:33

Baletele kami bankunzi 600 na bambelele 3,000 kwinga zinkombela zaha kulizilula.

Ishaya 1:1

Shimono sha Ishaya mwana Amozi, eshe amonene ha Yunda na Yelushalema ha matena a Uziya na Yotamu na Ahazi na Hezekiya bamyene bamu Yunda.

Ishaya 7:1

Oho Ahazi mwana Yotamu, ou wengile muzukulya Uziya, alelele Yunda, nzita yakatukile. Lezina mwene wa Shiliya na Peka mwana Lemaliya mwene wa Ishalela, bezile mu kulwisha Yelushalema, ngoboni bakwangile kulukoma.

Yelemiya 1:2

Nyambi ya Ngula wambile kuli Yelemiya mu mwaka wawulikumi na yihatu wakulela kwa mwene Yoshiya mwana Amoni ou wengile mwene wa litunga lya Yunda.

Yelemiya 1:4

Nyambi ya Ngula wambile kukwami ngayi,

Ezekiyele 1:3

Nyambi ya Ngula wambile kuli mukankombela Ezekiyele, mwana Mbuzi, kunkumo ya mushinzi wa Kemba mu litunga lya Mbambiloni na ngovu za Nyambi zekalile hahendi.

Yowele 1:1

Elye nilyo lizu lya Nyambi ya Ngula lyezile kuli Yowele mwana Petuwelu.

Amoshi 1:1

Awa niwo mazu a Amoshi ou wengile umo wa balishani ba ku Tekoya. Awa atontwelele ha Ishalela ha shikati shiyo oho Uziya engile mwene wa Yunda na Yelombowami mwana Yowashi, engile mwene wa Ishalela. Ebye byamonekele munyima ya myaka yibili oho shilolo kwikale kukanka kwa kaye.

Yona 1:1

Lizu lya Nyambi ya Ngula lyezile kuli Yona, mwana Amitayi ngayi,

Mika 1:1

Nyambi ya Ngula wambile kuli Mika waku munzi wa Molesheti, mu matena akulela kwa kulishiyashiya kwa Yotamu na Ahazi na Hezekiya bamyene ba ku Yunda. Nyambi ya Ngula ebye amoneshele Mika bya Shamaliya na Yelushalema.

Zakaliya 1:1

Mu ngonda ya mutanu na zihatu mu mwaka wawubili wakulela kwa mwene Ndaliyashi, lizu lya Nyambi ya Ngula lyezile kuli muluwe Zakaliya mwana Mbelekiya, muzukulya Indo.

Yowano 10:35

Tukulimuka ngayi byatikitiwa byenga bya kupwisha mwaya myaka. Nyambi watumbile baya bantu apanine lizu lyendi ngayi banyambi,

Baloma 9:25

Nehi Nyambi ambile kuli Hoshiya ngayi, “Aba babulile kwinga bantu bami nikabatumba ngayi, ‘Bantu bami.’ Litunga nabulile ku haka, nika litumba ngayi, ‘Lya kuhakiwa.’

2 Pita 1:21

Ndaba kulubulula kaliha kwezile na shamutima wa muntu, ngoboni bantu bambilenga bya Nyambi ngonehe Moyo wa Kuyela wabatwamininine.