Balevi 9:3 - Libuka Lya Kuyela

³ Pe utongweze bantu ba Ishalela ngayi, ‘Bashimbe mpongo wa ntupu ya ha wubi na namani wa mwaka umo na mwana mbelele wa mwaka umo, baya bakubula muhendo, baha nkombela ya kuhokesha.

Balevi 9:3 Iomraidhean Croise

Shitatiko 37:31

Niho bapunwine mpongo pe bazubikile shikobelo sha Yoshefwa mu mukeza wa mpongo.

Ezila 10:19

Bakulupishile kulubula bakazabo, pe batupwile shikungwe wa mbelele kwinga ntupu ya ha wubi wabo.

Ezila 6:17

Ha kufungula Litala lya Nyambi batupwile bankunzi 100 na bikungwe bya bambelele 200 na bana ba bambelele 400, kwinga zinkombela. Kami batupwile bikungwe bya bampongo likumi na babili kwinga ntupu ya ha wubi, mpongo umo ku mushobo na mushobo wa Ishalela.

Kututika 12:5

Uku fwanina kwinga shimuna wuya wakubula muhendo, shikungwe wa mwaka umo, ukahate mbelele hinge mpongo.

Ishaya 53:10

Ngoboni shengile shifungo sha Nyambi ya Ngula ngayi, alemekiwe na kuyandishiwa, oho atendiwile kwinga ntupu yaha wubi. Nohobene ukamona bazukulyendi, ukavulisha matena wendi, pe shifungo sha Nyambi ya Ngula shikatendiwa mumwendi.

Balevi 10:16

Oho Moshesha epwile ha mpongo wa ntupu ya ha wubi, pe wamonene unahokeshiwi. Wapilaminine bana ba Aloni bashalileho, ba Eliza na Itama haneshe.

Balevi 12:6

“Oho shikati shendi sha kuliyelesha shinamana, hinge ku mwana wa mulume hinge ku mwana wa mbuyama ukaleta mwana mbelele wa mwaka umo wa nkombela ya kuhokesha na nkilimba hinge katela ka ntupu ya ha wubi ku bakankombela ku menginino a Ntanda ya Shikungulukilo.

Balevi 14:10

“Ha mutena wa wu mutanu na ahatu ukaleta babikungwe babili ba bana ba bambelele na mwana mbelele wa mwaka umo wa shitole, baya bakubula muhendo, hamo na muhunga ukupimiwa makilo ahatu, waku vwela na mazi a olive na shitika sha lita sha mazi a olive.

Balevi 16:15

“Niho ukaziha mpongo waha ntupu ya ha wubi na kuleta mukeza wendi mu Mwanya wa Kuyela na kuwu myanzila ha muhuko wa nceshe, pe kami kumbili ya Likwati lya Kulimama ngonehe atendele na mukeza wa nkunzi.

Balevi 16:5

“Pe shikungulukilo sha Ishalela shikapana Aloni babikungwe ba bampongo babili ha ntupu ya ha wubi na shikungwe wa mbelele kwinga nkombela ya kuhokesha.

Balevi 23:12

Ha mutena owo mukayengeyengesha ntupu ya shikuta sha mbuto, kami kakombelelenu shikungwe wa mbelele wa mwaka umo uya wakubula muhendo kwinga nkombela ya kuhokesha kuli Nyambi ya Ngula,

Balevi 4:23

niho ndi wubi wayuvwanikakale, pe ukaleta shikungwe wa mpongo wakubula muhendo kwinga ntupu.

Balevi 4:3

“Ndi Mukulwane wa bakankombela nimwabo wakuwabishiwa aku bipisha, ukuleta mulandu ha bantu nimwabo. Nafwanini kuleta nkunzi wamushe wakubula muhendo na ku mu kombelela kuli Nyambi ya Ngula kwinga ntupu ya ha wubi.

Balevi 9:2

Wambile kuli Aloni ngayi, “Shimba nkunzi wamushe na shikungwe wa mbelele baya bakubula muhendo, kami ubakombelele kuli Nyambi ya Ngula. Uya nkunzi ukwinga ntupu ya ha wubi na uya shikungwe wa mbelele uya ukwinga nkombela ya kuhokesha.

Balevi 9:4

Kami nkunzi na shikungwe wa mbelele baha nkombela ya kulilumikila. Baku fwanina kubakombelela kuli Nyambi ya Ngula na ntupu ya mpeka ya ku vwela na mazi. Baku fwanina kutenda nehe ndaba Nyambi ya Ngula ukuliholola kukwabo lelo.’ ”

Baloma 8:3

Nyambi watendele eze Ndayano za Moshesha zakwangile kutenda, ndaba ya kupopa kwa bantu. Nyambi unayata wubi uli mu zinyutu za bantu ha kutuma Mwanendi ou wezile mu shifwekesha sha muntu wamubi, ngayi na lutu luyo atweshe kumanisha uya wubi.

2 Kolinte 5:21

Kilishitu kaliha watendele wubi, ngoboni Nyambi wamwingile wubi ndaba yetu, ngayi etu tutendiwe bakulunga kuli Nyambi.

Taitashi 2:14

Ou walitupwile niye mwine ndaba ya netu, ngayi atukulize ku wubi nimwawo, pe watuyeleshele ngayi twinge bantu bendi niye mwine, baya ba ku zundamina kutenda milimo yayiwahe.

1 Pita 2:24

Kilishitu washimbile wubi wetu mu lutu lwendi ha shishempakano, ngayi etu twinge ngo ba kufwa ku wubi, ngoboni ba kukonka byakwoloka ngayi twinge ba kuyoya. Munanyongomana na mabenga endi.

1 Pita 3:18

Ndaba Kilishitu wafwilile wubi wa bantu kamo, mukakwoloka ukufwila bakakutengama, ngayi atulete kuli Nyambi, hinga ngayi lutu lwafwile, ngoboni mu moyo wengile wamumi.

Kuholoka 5:9

Bembilile lwimbo lwalupya, ngayi, “Obe unafwanini kushimba libuka, na kufwikulula bitampa byalyo. Ndaba obe wazihiwile, unakulizi bantu kuli Nyambi na mukeza wobe unabafumishi ku mishobo nimwayo, ku zindimi nimwazo, ku bantu nimwabo na ku matunga nimwawo.