Balevi 7:2 - Libuka Lya Kuyela

² Shimuna waha nkombela eye ukazihiwila hambalila ya ku ncelele ya kaala, oku bazihilanga babimuna ba zinkombela za kuhokesha, kami mukeza ukamyanziliwila ku zimbalila nimwazo zinaa za kaala.

Balevi 7:2 Iomraidhean Croise

Ishaya 52:15

Matunga amengi, akamukomoka, na bamyene, bakalikomokela na kubula bya kwamba. Bakamona ebye babulile kutongweziwa, na ku yuvwishisha ebye babulile kuyuvwa.

Ezekiyele 36:25

Nikamyanzila mema akuyela hahenu, pe mukayela, nikamiyelesha ku mazilo naku tunankishi twenu nimwato.

Ezekiyele 40:39

Ku kampenci ka ku menginino a lipangati, kwekalile zitebulu zibili kuzimbalila nimwazo haya bazihililenga tuyamana twa ntupu ya kuhokesha na ntupu ya ha wubi na ntupu ya kulyambwilila.

Balevi 1:11

Akamuzihile ku ncelele ya kaala ku meho a Nyambi ya Ngula na bakankombela bana ba Aloni bakayitila mukeza kuzingwilisha kaala.

Balevi 1:3

“Muntu nimwendi ukutupula nkombela ya shimuna, wafwanina kutupula nkunzi wakubula muhendo. Uku fwanina kumuleta ku menginino a Ntanda ya Kuliwanina, ngayi atambuliwe ku meho a Nyambi ya Ngula.

Balevi 1:5

“Niho akazihe uya nkunzi ya nkombela ku meho a Nyambi ya Ngula, niho bakankombela bana ba Aloni bakashimba mukeza na kuyitila uya mukeza kuzingwilisha kaala kali ku shipana sha Ntanda ya kuliwanina.

Balevi 14:13

Pe ukaziha mwana mbelele mu mwanya wa shizila omu bazihilanga babimuna ba zintupu zaha kuliyelesha na zintupu za kuhokesha. Uku fwanina kutenda eshe ndaba ntupu ya kukuliza ya fweka ngo ntupu yaha wubi, yikwinga ya mukankombela kami yinengi ya kuyela shikuma.

Balevi 3:2

Ou muntu ukakambika liboko lyendi ha mutwe wa shimuna na kumuzihila ku menginino a Ntanda ya Shikungulukilo. Niho bakankombela bana ba Aloni, bakayitila mukeza ha zimbalila za kaala nimwazo zinaa.

Balevi 3:8

Pe ukakambika liboko lyendi ha mutwe wa mbelele na kumuzihila kumbili ya Ntanda ya Shikungulukilo. Bakankombela bakayitila mukeza wendi kuzimbalila nimwazo za kaala zinaa.

Balevi 4:24

Ukakambika liboko lyendi ha mutwe wa nkunzi wa mpongo na kumuzihila kumbalila ya ku ncelele ya kaala, oku bazihilanga bimuna ba zinkombela za kuhokesha kuli Nyambi ya Ngula. Eye yikwinga ntupu ya ha wubi.

Balevi 4:29

Ukakambika liboko lyendi ha mutwe wa shimuna wa ntupu ya ha wubi na kumuzihila ku mbalila ya ku ncelele ya kaala oku bazihilanga babimuna ba zinkombela za kuhokesha.

Balevi 4:33

Ukakambika liboko lyendi ha mutwe wa mbelele wa ntupu ya ha wubi na kumuzihila ku mbalila yaku ncelele ya kaala, oku bazihilanga bimuna ba zinkombela za kuhokesha.

Balevi 5:16

Nafwanini kuyumba mulandu anakwanga kuyakaho nkambiko ya shitika sha makumi abili. Niho mukankombela ou ukatupula uya kayamana kwinga wakukuliza ha wubi wa uya muntu, pe ukayatiwila wubi wendi.

Balevi 5:7

“Ndi muntu kutwesha kuwana mbelele hinge mpongo ufwako na fwanini kuleta matela abili hinge bankilimba babili kuli Nyambi ya Ngula kwinga bya kuyumba ha wubi wendi, umo waha ntupu ya ha wubi, pe wamina wa nkombela ya kuhokesha.

Balevi 5:9

na ku myanzila mukeza umo ku mbalila nimwayo ya kaala kwinga ntupu ya ha wubi, pe mukeza ukashalaho ukawuyitila ku nceto ya kaala kwinga ntupu ya ha wubi.

Balevi 6:25

“Tongweza Aloni na bana bendi ndayano za ha zintupu za ha wubi. Shimuna sha ntupu ya ha wubi akazihiwile ku mbalila ya ku ncelele ya kaala, oku bazihilanga kuli Nyambi ya Ngula babimuna ba zinkombela ba kuhokesha. Eze zinengi zinkombela za kuyela.

Balevi 6:7

Mukankombela uka kombelela nkombela ya kukuliza kuli Nyambi ya Ngula, ha wubi wa muntu, pe ukayatiliwa ha byuma biya atendele ngayi bimuletele mulandu.”

Kulaba 6:12

pe ukafungwila kami kuli Nyambi ya Ngula shikati shendi kwinga Kanazaleta. Shikati sha kunyima kulabiwa shifwako, ndaba huki zendi za kuteuliwa zabipile. Ha ntupu ya kukuliza ukaleta mbelele wa mwaka umo.

Bahebelu 11:28

Na kukulupila, walamine Shimbo sha Kupitilila, pe watongwezele Baishalela ngayi bamyanzile mukeza ha bipana byabo ngayi uya Mukakulobesha bamyeli hinga akaziha bana babo.

Bahebelu 12:24

Munezi kuli Yeshu mukakwimanina kulimama kwakupya na ku mukeza unamyanziwi, ou ukwamba byuma bya kupitakana mukeza wa Abele.

1 Pita 1:2

Nyambi Tate wamihatile ngonehe ahanganikile ngayi Moyo wa Kuyela umiyeleshe, ngayi mwombatale Yeshu Kilishitu na kuyoweshiwa na mukeza wendi. Nceshe na ku mwena kuhanye kukwenu.