Balevi 4:6 - Libuka Lya Kuyela

⁶ Pe mukankombela ukashonka munwe wendi mu mukeza na ku wu myanzila kumbili ya shibaamba sha kuyela bikati mutanu na bibili.

Balevi 4:6 Iomraidhean Croise

Kututika 40:21

Niho ayakile Likwati mu ntanda, wakolekele shibaamba sha kulama Likwati. Eshe nisho akowezele Likwati lya Kulimama lya wupaki ngonehe eshe amutongwezele Nyambi ya Ngula.

Kututika 40:26

Wayakile kaala ka ngolinde mu ntanda kumbili ya shibaamba,

Balevi 14:16

pe ukashonkamo munwe wendi waku liboko lyendi lya shilyo na ku myanzila umo kubikati mutanu na bibili kuyo ku meho a Nyambi ya Ngula.

Balevi 14:18

Pe ukayaka mazi aya akushala mu liboko lyendi ha mutwe wa uya muntu. Mu ntendelo eye uka mu kuliza ku meho a Nyambi, pe ukaziluluka.

Balevi 14:27

kami ukamyanzilaho mazi amo na munwe wendi waku liboko lyendi lya shilyo ku meho a Nyambi ya Ngula bikati mutanu na abili.

Balevi 14:7

Ukamyanzila mukeza bikati mutanu na bibili ha muntu ou ukuzilululiwa ku wulweli wendi wakuliyambwisha, pe ukaziluluka. Ukaleha kayoni kakomi ngayi katukile mu mbuwa.

Balevi 16:14

Pe ukashimba mukeza umo wa nkunzi na kuwu myanzila hayilu ya muhuko wa nceshe na munwe wendi, pe kami na ku myanzilaho umo bikati mutanu na bibili kumbili ya Likwati lya Kulimama.

Balevi 16:19

Pe ukafwanina kumyanzilaho mukeza umo ha kaala na munwe wendi bikati mutanu na bibili. Mu ntendelo eye ukashiyelesha ku kubula kuyela kwa bantu ba ishalela na ku zilulula.

Balevi 25:8

“Mukalabe bikati mutanu na bibili kuvulisha na myaka mutanu na yibili, wingi wayo nimwayo yikwinga myaka 49.

Balevi 26:18

“Hinge ndi hanebye nimwabyo mushili kubula kunyombatala, nikanenehesha kashushwilo kenu bikati mutanu na bibili ndaba ya wubi wenu.

Balevi 26:24

Niho ami nikamifutulukila na kumishushula bikati mutanu na bibili byabikalu shikuma kupitakana bikati bya kutatika ndaba ya wubi wenu.

Balevi 26:28

mu wukali wami nikamifutulukila pe kami nikatenda kashushwilo kenu kakabi shikuma, bikati mutanu na bibili kupitakana bikati bya kutatika ndaba ya wubi wenu.

Balevi 4:17

Pe mukankombela ukashonka munwe wendi na kumyanzila kumbili ya shibaamba bikati mutanu na bibili ku meho a Nyambi ya Ngula.

Balevi 4:25

Niho mukankombela ukazubika munwe wendi mu mukeza wa shimuna sha ntupu ya ha wubi na ku wu lamba ha ncengo za kaala na ku yitila mukeza ku nceto ya kaala.

Balevi 4:30

Pe mukankombela ukazubika munwe wendi mu mukeza wa shimuna na kuwu lamba ku ncengo za kaala, mukeza ukashalaho ukawuyitila ku nceto ya kaala.

Balevi 4:34

Mukankombela ukazubika munwe wendi mu mukeza wa shimuna sha ntupu ya ha wubi na kuwulamba ku ncengo za kaala, pe mukeza ukashalaho ukawuyitila ku nceto ya kaala.

Balevi 8:11

Washimbileho mazi amo pe wawamyanzilile ha kaala bikati mutanu na bibili na byuma bya ku kaala nimwabyo, hamo na lizawo na kapona kalyo, ngayi mwanga bifunguliwile kuli Nyambi ya Ngula.

Balevi 8:15

Moshesha wamuzihile na kushimbako mukeza umo na munwe wendi, wawulambile ku ncengo za kaala, ngayi mwanga abayeleshe. Niho ayitilile mukeza ou washalileho ku nceto ya kaala. Mu ntendelo eye wakafungwile na kukakuliza.

Balevi 9:9

Bana bendi bamuletelele mukeza, pe washonkelemo munwe wendi, pe walambileho mukeza umo ku ncengo za kaala, pe wayitilile mukeza uya washalileho ku nceto ya kaala.

Kulaba 19:4

Niho mukankombela Eliza ukashimba mukeza wayo umo pe ukawumyanzila na munwe wendi bikati mutanu na bibili kulwa Ntanda ya shikungulukilo.

Yoshuwa 6:4

Bakankombela mutanu na babili umo na umo ukashimba mpandula, pe bakaya kumbili ya Likwati lya Kulimama. Ha mutena wa mutanu na abili, bakankombela bakashibanga zimpandula.

Yoshuwa 6:8

Nohobene ngonehe shiya Yoshuwa abatongwezele, bakakulama batwaminine kumbili ya bakankombela mutanu na babili aba bashimbilenga zimpandula. Pe munyima ya nobo mwayile bakankombela bashimbilenga Likwati lya Kulimama kwa Nyambi ya Ngula.